ازيكم ياقمرات و بالاخص الانسات اللى حالى وحالهم زى اغلب البنات
انا بحاول اخس من زمان و موضوع الرجيم عاملى عقده بشنيطه
فاقولت اعمله لكن لاحياة لمن تنادى وبعد تفكير وتمحيص ولف وفى النت طبعا لقيت انى مش هاقدر على الرجيم ماهو الاعتراف بالحق فضيله ولا ايه فقررت ماهو اتى :-
بدايه من السبت 7-9 ان شاء الله
1- استخدام السكر الدايت
2- حليب خالى الدسم و ممكن لبن عادى بس نشيل الوش وده كلام دكتوره قالته لصحبتى عشان تخس ايه زعلانه على 5او 6 كيلو امال انا اعمل ايه اولع فى نفسىالمهم ماعلينا
3- منع الرز و المكرونه والبيبس و الحلويات مره فى الاسبوع ادوق مش احش فيها
4- تنظيم مواعيد الوجبات بشكل ثابت و يومى
5-المش نص ساعه يوميا
6- ممنوع فاكهة العنب الموز البلح
نيجى بقى للمهم الاكل طبعا
الفطار كلى جبنه قريش او بيضا مع نص رغيف عيش بلدى او توست نوعى فى الاتنين لانى جربت توست بس عمل امساك جامد وهى مش ناقصه نفخه او 2بيضه مسلوقه مع العيش وخيار او م عسل المهم يكون فطار يشبع ممكن شويه فول من غير زيت انتى و اكلك
الغداءمره خضار مسلوق او فراخ او تونه او سمك مشوى اى حاجه زى كده بعيد عن الدهون والنشويات مع السلطه اساسى
العشاء ممكن زبادى او لبن او 2بيضه فاكهة او سلطه فاكهة او زى الفطار اللى تفطريه ممكن تتعشيه وده كلام دكاتره برضوا يعنى نعقد قدام التليفزيون عادى كده ده حتى عيب
بصوا بقى انا ان شاء الله هابدا الموضوع من يوم السبت وياريت نبقى مجموعه ونشجع بعض وانا اول المشتركين اه الدايت من السبت للخميس الجمعه فرى بس مش اوى نحاسب على بنخسره عشان منرجعوش
واللى يكمل وينزل فى الوزن عادى الاسبوع اللى بعده وهاكذا لانه مش رجيم بناكل اللى بنحبه بدون دهون او نشويات مش اكتر و الله المستعان
انا بقى اشتراكى اهو
الوزن محدش يضحك 95 كيلو
الطول 167
عروس أسوان عروس أسوان 102865_3.gif فتكات متميزة Fatakat 102865 القاهرة – مصر