انا عملت العشا والحمدلله عجب جوزي
وقلت طبعا لازم اقول لفتوكاتي حبايبي علي الطريقه
وعلي فكره انا بحب كل فتوكه هنا في المنتدي
يالا بسم الله
اولا هي صينيه مكونه من تلات طبقات
الطبقه الاولي اللي تحت
بطاطس محمره مكعبات بس مش متحمره قوي
الطبقه التانيه اللي في الوسط
عباره عن فراخ مسلوقه
طريقتها بقي
تبلت الفراخ من امبارح بليل سلقتها الصبح وعملت نصها علي الغدا بلبقصماط
والنص التاني علي العشا
فصصتها
وبعدين بشرت بصله وجزره وقشرت فصين توم وقطعت فلفل اخضر حامي وقطعت طماطميه ومعلقه صلصه مدوبه في شويه مياه وعليها شويه سكر
وفي طاسه شويه زيت وبعدين نزلت بلبصل وتقليبه حطيت الجزر وتقليبه حطيت الفلفل الاحضر الرومي وبعدين الحراق وبعدين حطيت القوطه والصلصه وبعدين غطيتها تتسبك شويه وبعدين حطيت الفراخ ووطيت النار علي الاخر خااااااااالص علشان كده بتتطري وتبقي حلوه
وبعدين حطيت عليها شويه من خلطه الطبقه التالته
الطبقه التالته بقي اللي فوق
عباره عن جبنه سايله وقشطه وجبنه نستو وشويه طحينه وضربتهم في الخلاط
خطوه مهمه انك تحطي مياه عليهم وتخليهم سايلين
انا كنت بعملهم قبل كده جمدين كانت بتتطلع الاكله دسمه قوي
بس المره دي لما خفيفتهم بمياه طلعو خفاف حلوين
دي بقي الطبقه التالته
هنجهز الصينيه ونحط الطبقات وبعدين بشرت جبنه رومي علي الوش
وبس كده دخلتها الفرن علشان الوش يتحمر
واي استفسار تحت امركو
وبحبكو يا كل الفتوكات
سبحان الله والحمدلله ولا اله الا الله والله اكبر
والسلام عليكم
مواضيع هذا القسم برعاية
ام عائشه محمد حسام الدين ام عائشه محمد حسام الدين ممنوعة من المشاركة Fatakat 352580 جده – السعوديه
سبحان الله و بحمده