السلام عليكم
سبب اغلب المشاكل النفسية هو
1-انكار مشكلة موجودة!!
2-تهويل مشكلة موجودة!!
3-الخوف من فقدان شئ تملكه
4-الخوف من عدم القدرة على الحصول على شئ لا تملكه!!
مش فاهمين
1-انكار مشكلة موجودة زى ايه
واحدة مثلا متجوزتش او مخلفتش
احيانا الناس بيميلوا لانكار حاجتهم لشئ!!
بس العقل الباطن لسه عايش!!
يقوم يحصل ايه بقا
يعمل عشرتاشر مشكلة تانية عشان يلهى العقل الواعى عن المشكلة اللى هو لسه عارفها وفاكرها وعمره منساها لحظة!!
العشرتاشر مشكلة دول هما بقا نوبة الفزع والاغماءات والوسواس وقولى من هنا لما للصبح…
2-تهويل مشكلة موجودة
زى ايه
نفس المشكلة اللى فوق واحدة متجوزتش او مخلفتش
الموضوع شاغل دماغها طول الوقت
يقلب بقلق ونوبات ذعر وخوف ورعب وتوتر ومبتبقاش عيشة وكل ما تشوف حاجة تفكرها بالموضوع تيجيلها نوبة الفزع
طيب هتقولولى ايه الفرق بين النقطة 1 و2
الفرق انه النقطة 1 اخطربكتير لان العيان بيبقى مش عارف ايه اللى تاعبه!!ايوة لانه أنكره من زمااااااان والعقل الباطن مداريه عليه بالاعراض المرضية لاهيه م الاخر بحيث انه ينسيه!!
انما النقطة 2 العيان بيبقى عارف ايه سبب اللى هو فيه وعارف المشكلة ومش ناكرها بالعكس ده مضخمها
الاربع نقط ملهمش حل غير
1-الاعتراف بوجود المشكلة مع عدم تهويلها
2-الرضا بوجود المشكلة والرضا بقضاء ربنا
"فمن رضى فله الرضا ومن سخط فله السخط" ده حديث
اللهم ارزقنا الرضا بقضاءك
مكعب تلج مكعب تلج فتكات نشيطة Fatakat 1236594 msr – msr