بسم الله الرحمن الرحيم
اة والله زى ما العنوان بيقول كدة بابسط ابسط الحلول ومن غير حرمان
كام واحدة فينا جربت رجيمات كتير ومانفعتش معاها منها الكيميائى اللى تخس وترجع تانى أكتر من الاول
ومنها رجيم فيه ممنوعات وماتقدرش عليه ماهو كل ممنوع مرغوب
ومنها رجيم فيه أكلات معينة مش متوافرة عندنا والميزانية ماتسمحش
ومنها صيام عكسى وماقدرش أكمل وأجوع بالليل أو وزنى ثابت أو النهاردة خاسة كيلو وبكرة تخنانة كيلو وغيرة كتير
طب كام واحدة بتعانى من ترهلات بطن – ذراع – صدر أرداف
كام واحدة بتعانى من ثبات الوزن
كام واحدة بتعانى من شحوب وشها وسقوط شعرها
لو عدينا واحدة وواحدة وواحدة مش هنخلص
احنا ان شاء الله هنمشى سوا على نظام والله لو مشيتى عليه مظبوط اضمنلك انك هتخسى باذن ربنا
طب تيجى واحدة تقولى وانتى جربتية؟ .. أة الحمدلله وبفضل ربنا بقالى شهر وخسيت عليه 7 كـ
تيجى واحدة تانية وتقولى طب أكتبى النظام أمشى عليه من بكرة؟ .. لا ياحبيبتى افهمى الاول انتى هتمشى عليه على اى اساس انتى ظروفك زى ظروفى!!!؟؟ يعنى طولك مش زى طولى وزنك مش زى وزنى حامل ولا بترضعى ولا لاقدر الله بتعانى من أمراض كل دة هيفرق يا قلبى
مشكلتنا يابنات اننا بنمشى على أى نظام نقابلة سواء مناسب لينا أو لا المهم انة بيخسس وخلاص ومانعرفش ان ممكن حاجة بسيطة أوى فيه تتسبب لينا فى زيادة الوزن او ثباتة بس ان شاء الله مع بعض هنعدى كل دة وهنبقى موزز
باب الاشتراك مفتوح يا حبايبى لحد يوم الجمعة بالليل 14/6/2015 باذن الله عشان هاخد بياناتكم وهحسب بيانات كل واحدة وهتتسجل عندى عشان نعرف نتابع صح .. يعنى اية الكلام دة؟؟ يعنى لكل واحدة هتشترك معايا دفتر متابعة على اساسة هكتبلها تعليمات خاصة بيها لو فى أى حاجة هتختلف فيها عن بقية المجموعة
تعليمات خاصة بالجروب
– اللى وزنها
أقل من 50 تكتب باللون الرمادى
من 50 الى 59 تكتب باللون الاخضر
من 60 الى 69 تكتب باللون الازرق
من 70 الى 79 تكتب باللون النبيتى
من 80 الى 89 تكتب باللون البرتقالى
من 90 الى 99 تكتب باللون البنفسجى
فوق الـ 100 تكتب باللون الفوشيا
الالوان دى هتكتبى بيها تقريرك أو لو عندك سؤال
اللون الاسود للرغى العادى والدردشة مع بعض
اللون الاحمر هكتبلكوا بيها التنبيهات وأى جديد هنزلة فى مشاركة باللون الاحمر ان شاء الله
ودة عشان مانتوهش من بعض
– فى حالة اللغبطة ماكلنا بشر ووراد ان واحدة تلغبط
لو لغبطى ودة طبعا مش علطول ليكى بالكتير أوى مرتين فى الاسبوع بس تخليكى عارفة ان دة هيأثر على ميزانك
طب حصل ولغبطى هنعمل اية ؟؟ هتقوليلى يومك مشى ازاى بالظبط ماتنسيش أى حاجة وانا ان شاء الله هشوف بياناتك ودفتر المتابعة الخاص بيكى عندى وهقولك عقابك هيكون اية ودة طبعا مش من دماغى دة هيكون على اساس البيانات اللى انتى ادتهالى وعلى اساس اللغبطة اللى لغبطيها وماننساش ان الميزان يوم واحد بس فى الاسبوع وهيكون يوم الجمعة ان شاء الله
– اللى مستعدة تمشى على النظام سواء أكل او رياضة تنورنى
– النظام ان شاء الله هينزل يوم الجمعة بالليل وقبل أما انزلة هنوة بنزولة عشان هتكون دى أخر فرصة للاشتراك
– فى نهاية كل اسبوع فى تصفية للى مش هتلتزم وهتغيب من غير اعذار
اللى حابة تنورنى اهلا وسهلا بيها وتكتب البيانات دى
الاسم :
السن :
الطول :
الوزن :
الحالة الاجتماعية : (أنسة – مخطوبة – متجوزة )
بتعانى من أى أمراض لا قدر الله :
وياريت يابنات اللى مش هتقدر تكمل بلاش تسجل على الاقل عشان ماتسببش احباط للى معاها وانا لو لاقيت واحدة بس جادة هكمل معاها حتى لو انا وهى بس وبرضو مع الاسف ومع اعتذارى الشديد ليكوا مش هقبل حد بعد يوم الجمعة ودة والله عشانكوا انتوا عشان مأثرش مع حد على حساب حد
وطبعا الفتوكة اللى هتسجل لازم يكون عندها ارادة وقوية كمان ولازم تكون مستعدة تمشى معانا سواء أكل أو رياضة
ويارب كلكوا تخسوا بصحة ومن غير أى مرض ربنا يعافينا
سـوبـر تـوتـا سـوبـر تـوتـا 954007_1.gif فتكات متميزة Fatakat 954007 cairo – Egypt