السلام عليكم يا أحلى فتوكات
و قد ايه هي مفيدة و جميلة في التخسيس و بتتعمل حتى للأوزان اللي عايزة تخش ما بين 5 – 10 كيلو
ليها أضرار ؟؟
أكيد زي أي تدخل طبي ليه ايجابياته و ليه سلبياته
اللي ما تعرفش بالونة المعدة
دا شرح ليها
بالونة المعدة هي عبارة عن بالونة صناعية جواها سائل زي الماية بالظبط غالبا بيكون محلول ملحي
ليها صلاحية طبعا لوجودها في المعدة حوالي 3 أو 4 شهور
بعد كدا لازم تطلع و بيكون ساعتها العيان اما خس الكمية اللي نفسه فيها
أو لو هيكمل لازم يشيلها و يركب واحدة تانية
و هي ما تعتبرش تدخل جراحي لأنها بتتعمل بالمنظار و ما بتاخدش وقت نهائي !
فكرة البالونة هو الشعور بالامتلاء
لأن وجود البالونة في المعدة طول الوقت بيضغط على عصب اسمه ال vagus العصب دا بيوصل للمخ ان المعدة ممتلئة و بالتالي ما تحسيش بالجوع
بس طبعا حتى اللي عاملها لازم يمشي على نظام غذائي صحي دايت عشان يخس كويس
دا شكل البالونة جوة المعدة
لو فهمنا فكرة البالونة كويس هيخطر على بالنا حل مثالي !
القصة كلها قصة شعور "بالامتلاء"
أكيد فهمتوني
بالونتك هي كوبايتين ماية قبل الفطار بربع ساعة و قبل الغدا و العشا
و انك توفري الشعور بالامتلاء عن طريق حبوب الردة
و انك تقومي كل يوم تقفي قدام المراية تقولي انا عاملة بالونة معدة و انت بتشربي الماية
هههههه حقيقي في علاج نفسي للسمنة بس مش قصتنا دلوقتي
حبيت أفيدكم بالمعلومة دي ممكن تفرق في حياة ناس كتير
أحبكن في الله
Nour11011 Nour11011 images/avatars/orangeflower.gif فتكات رائعة Fatakat 726229 القاهرة – مصر