السلام عليكم
انا طلبه منكم اولا تدعولى ييسر امروى وتدعو لامى بالرحمه والمغفره
وانا بدعى دايما ليكم كلكم والله شاهد على كلامى
ندخل فى الموضوع بصراحه انا على طول نفسيتى مجهده من كتر التفكير
وده خلانى نشفت وخسيت تانى بعد مابقيت وزه وبقيت اسم على مسمى
مافيش نشاط خالص يادوب اصحى الم الشقه وانزل اقعد فى المحل بتاعى معنديش اى مجهود
اعمله وانا عارفه ان الحركه بركه ولازم اتحرك علشان جسمى يرد ويتفتح لكن بجد ماعنديش حاجه اعملها
وكنت باخد فواتح شهيه وكنت بزيد عليها وببقى ست المزز واللبس بيبقى مظبط عليا وخدودى تورد مع انى خمريه
ودلوقت الفواتح الشهيه دى اتمنعت من السوق وشكلى هضطر انى اخد كورتيزون اللى اصلا جاب مرض خبيث لامى
ربنا يرحمها ومش عارفه اعمل ايه
اانا دورت فى النت على الاغذيه والسعرات الحراريه لقيت ان زياده 1 كغم لازم 7700 سعر مش عارفه ده يوميا ولا اللى يحبسه الجسم
وبرضة فى ناس قالت ان 2200 سعرللبنت البالغه
وهل قله الحركه افضل لتخزين السعرات ولا لازم احرق واعمل نشاط علشان الجسم يستفيد
ساعدزنى يا حبيباتى انا عارفه ان الفتوكات محبات للخير دايما
وخصوصا ان انا دخله قريب على موضوع خطوبه ورسميات وكده عايزه عقبال ما اهل عريسى يجو اكون
مليت علشان املى عنيهم وحمايا ميقولش عليا صفرا ولا يقول انى مش هولد وهموت منهم
يلا يابنات اللى عنده معلومه يفيدنا واللى مش عنده يدعيلى ربنا يتمملى على خير:smiley-wedding:
حكاية بنت اسمها مرمر حكاية بنت اسمها مرمر 599927_1.gif سوبر فتكات Fatakat 599927 قلب المرحومة امى – القاهرة