اللهم صل وسلم وبارك علي سيدنا محمد
ازيكم يافتاتيك يارب تكونوا بخير
النهارده جايبه ليكم كبسه الفراخ بأسهل طريقه ومش هتاخد وقت منك خالص ولا مجهود يعني هي حله واحده بس اللي هنستخدمها يعني راحه علي الاخر هههههههه
طبعا الكبسه الاساسي فيها هي التوابل وبنستخدم فيها نوعين من التوابل مطحون وسليمه
التوابل المطحون
توابل كبسه مشكله
ملح
فلفل اسود
كمون
التوابل السليمه
ليمون ناشف نخرمه بالسكينه الاول
اعواد قرفه
قرنفل
كسبره ناشفه
حبهان
ورق لورو
ومكب ماجي
دي الفرخه بتاعتي قطعهتا 2 ولو تحبي ممكن اربعه او 8 قطع زي ما بتحبي
معلقتين صلصه كبار ( انما لو تحبي لونها اصفر تتضيفي كركم للتوابل )
جزر مبشور
فلفل اخضر وطبعا ياسلالام لو حار بيكون تحفه بس انا استخدمت العادي عشان ولادي صغيرين
طماطم مكعبات
بصله مبشوره ,وممكن تحطي توم ناعم بس بصراحه مش بحبه بكتفي بالبصل
الطريقه
علي النار شويه زيت ونحط البصل بتاعنا يدبل ونضيف معاه الفراخ لحد ما لونها يتغير
ونقلب علي ول لحد ما تتشرب التوابل كويس
نضيف الصلصه وكل الخضار ماعدا الجزر مع التقليب علي طول
نكون مجهزين مايه مغليه لازم مغليه ياحلوين ونضيفها علي الفراخ بتاعتي يدوب بس تغطي الفراخ ومش تكتري عشان المايه تكون مركزه فيها التوابل كويس
اخر حاجه نضيفها الجزر
ونظبط الملح بتاعنا
ونسيبها لحد ما تستوي معايا خالص
نشيل الفراخ في صينيه في الفرن ونفتح عليها الشوايه عشان تحمر
وفي نفس الوقت نكون ناقعين الرز بتاعنا في شويه ملح ومايه دافيه
هنا ضيفنا الرز اهو ولازم تاخدي بالك انك مش تصفي الرز من مايه النقع الا لو هتستخدميه علي طول عشان لو
صفتيه وسيبتيه شويه هتلاقيه يتكسر معاكي
هنا بعد ما ضيفت الرز وكل كوبايه رز عليها 2 كوب مايه
ونسيب الرز يتشرب مايته خالص وبعدين نهدي النار خالص عليه
نجيب ورق قصدير ونغلف بيه الحله كويس وبعدين نغطيها بالغطا بتاعها عادي زي كده
شافين مظبوط ازاي ولا رزه واحده معجون
هنا وقت التقديم
زوووم
وكمان شايفين الرز مظبوط ازاي
وممكن ترشي علي الوش مكسرات او زبيب براحتك
وفيه بنات كتير بتسألني عن نوع الرز اللي بستخدمه
هو اسمه المهيدب يافتوكات بس مش عارفه فيه منه في مصر ولا لأ
وبس كده ياقمرات شوفتوا سهله وسريعه ازاي
يارب تكون طريقتي المتواضعه تكون عجبتكم
ومسنيه بقه ردودكم الحلوه والتقييم لو شايفه الموضوع يستاهل
وفيه مواضيع كتير في توقعي ان شاء الله تعجبكم
في امـــــــــــان الله ياقمـــــــــــرات مواضيع هذا القسم برعاية
الداعيه ربها الداعيه ربها 465656_61.gif اللهم اشف امي شفاءا عاجلا Fatakat 465656 تبــــــوك – السعوديه