سلام عليكم ياحلووووين
حبيت اعرفكم بوجبتى المحببه جدا لقلبى
مكرونه بالتونه بس مش اى مكرونه بالتونه
تؤ تؤ تؤ مكرونه ايات بالتونه 
يلا نبدء
المقادير :
مكرونه اى شكل تفضلوه ماعدا السباجيتى والشريط
تونه
زيتون
بقدونس و كزبره خضرا ممكن شبت لو حبيبتى
مشروم لو عندك
فلفل الوان اصفر واخضر
وسر الخلطه طبعا ثوم مفروم ناعم اووووى
وبشاميل
جبنه موتزاريلا او قشقوان او شيدر اى حاجه
الطريقه بئا :
نقطع الزيتون والخضره و المشروم بس ماكانش عندى مشروم و الفلفل
شويه زيت و نحط فيهم الفلفل يادوب يدبل شويه
بعدين نحط الزيتون والمشروم ونحط عليهم ملعقه توم مفروم اول ماكلهم كم دقيقه بس ونزود الخضره دقيقتين وخلاص نقفل عليهم وحيكونو بالشكل ده
نضيفهم على التونه و نحط فلفل اسود وشطـــــــــــــه لما بتكون سبايسى بتكون واو محتطش ملح لان الزيتون كان حادق
هنا خدت شويه بشاميل ( ع فكره انا حطيت شويه جبنه على البشاميل وانا بعمله ) وحطيتهم ع التونه لحد ماتكون بالشكل ده
نجيب الصينيه ونحط فيها شويه زيت و شويه بشاميل من تحت بعدين المكرونه بعدين نحط من الخلطه ونغطيها كلها
شايفين الالوان خطيره ازاى 
بعدين نحط مكرونه من فوق تانى و نغطيها بالبشاميل وحطى جبنه تانى من فوق
وهنا بعد ماخرجت من الفرن
القلب ده اهداء لحبيبى
اتمنى تكون عجبتكم مواضيع هذا القسم برعاية
اياات اياات سوبر فتكات Fatakat 123728 مدينه الاحلام – مملكتي