السلام عليكم يا فتوكات يا حلوين ،،، ياريت محدش يبخل عليا يا جماعه بالمعلومات الله يخليكو
انا عملت محشي كوسا وبتنجان الاسود ده وهمه في التلاجه عايزه اساويهم باه النهارده علي الغدا ،،، بس مش عارفه اساويهم ازاي يعني احطهم في بايركس و احط عليهم شوربه بطماطم واغطيعم بفويل وفي الفرن ولا اعمل ايه ؟؟
لان ماما ربنا يديها الصحه كانت بتعملها في صنيه المونيوم ليها سور عالي وتوقفهم كده وتساويهم علي البوتجاز من فوق وبعدين تحطه في الفرن وانا مش متوفر عندي دلوقتي الصنينه دي .. غير ان بوتجازي كهربا مش شعله فا مش عارفه اساويه ازاي وكمان احط البتنجان مع الكوسا ؟ ولا ده لوحده وده لوحده ومعلش آخر سؤال هو حشوه محشي الكرنب بيتحط فيها كزبره خضرا وشبت ؟؟
وشكرا جزيلا مواضيع هذا القسم برعاية
JeeJee JeeJee فتكات هايلة Fatakat 396454 أبوظبي – الإمارات