لكل واحدة زهقت من الدكاترة وفقدت الامل فى الحمل تعالى شوفى تجربتى وقولى سبحان الله

انا متجوزة من سنتين ونص دورتى قبل الجواز متلخبطة خاااااااالص ممكن كانت بتيجى كل 4 شهور او اكترررررر
بعد ما اتجوزت بشهرين قلت اروح اكشف اهو اطمن ع نفسى وبالمرة اظبط الامور عملت تحاليل لقيت عندى تكيييييييس مبايض ولخبطة فى الهرمونات الدكتورة ادتنى علاج لهرمون الذكرورة وبعدها بدات اخد منشطات
( والنتيجة ) مافيش اى استجابة خاااااااااالص من المبيض مافيييييييييييش تبويض كانت اكبر بويضة 10 بعد التنشيط رغم انها كانت جرعات كبيرة
زهقتتتتتت ونفسيتى تعبت من كتر التفكير قلت هاخد رست من الدكاترة و بعدين هكمل
رحت لدكتور مشهور فى المنصورة (بدون ذكر اسماء)بعد سنة جواز قالى تبويضك ضعيييييييييييييييف جداااااا وقدامك حلين يا اما نمشى ع العلاج لمدة 6 شهور او نختصر ونعمل منظار واخر حل هو الانابيب انا لفت الدنيا بيا لانى بكره العمليات ولو اخترت العلاج الدوائى هيطول وياعالم
المهم اخترت العلاج الدوائى سافرت تانى السعوديه وبعد ماخلص اول جرعه دوا عملت سونار والحمد لله كان فى استجابة اكبر بويضة 17 بس ماحصلش حمل
(طبعا طول الفترة دى ومن اول الجواز والزن شغاااااااال وحرقة الدم شغاااااله وكلام يقرف واعصابى بايظة )
رحت لدكتور مصرى فى الرياض كله بيشكر فيه ادانى منشط وماحصلش حمل ادانى تانى شهر منشط ههههههههه والحمد لله كان فى استجابة طلع حجم البويضه 18 وحددلى 4 ايام يحصل فيهم ج##ع اربع وخميس وجمعه وسبت ,وبعدها ممنوع علاقة وقالى لو البريود جات هعمل اشعه صبغة وكنت مرعووووبة
(ويشاااااااااااااااااااااااااء ربنا ) يحصل بينى وبين زوجى مشكله كبيرة ونتخانق فى 4 ايام دووووووووووول بالذاااااات قعدت اعيط فى الصالة واكلم ربنا واقوله يرضيك كدا يارب يسيبنى وينام ومش حاسس ان دى فرصة لينا مش ممكن ابقا حامل مش مقدر بهدلتى كل شهر وابببببببببببكى بحرقة ودماغى تصدع وانام وجوزى يصالحنى يوم الاحد ويحصل…….. وجوزى يقولى اجيبلك مخدة تحت ضهرك اقول فى نفسى مخدة اييييه بقا ما خلاص ال 4 ايام فاتوا بس قلتله ماشى علشان ما يزعلش
انتظر البريود تيجى ما تجيش قلت عادى ما انا متعودة ديمااااااااااا ههههههههه جوزى جاب لى تست حمل منزلى والاقى خطين قلت عادى ممكن التست بايظ ما انا ياااااااااااااااااااااما عملت تست حمل منزلى ودم طول السنتين وطلع سالب رحت للدكتور اول ماشافه قالى حمل خفيف لانه فى اوله جوزى بلم وانا تنحت وعملت اختبار دم طلع الحمد لله موجب وجوزى عنيه دمعت وانا قعدت اعيط من فرحتى الحمد لله يااااااااااااااه يا ما انت كريم يااااارب ما كنتش متخيلة انى لما اعيط وابكى بحرقة واشتكى لربنا ربنا هيكرمنى كدا
( الخلااااااااااصة)
1_ ربنا عمل فيا كدا علشان اعرف ان الحمل كان بايده هو بامره هو مش بشطارة الدكتور اى نعم نتداوى ونتعالج وناخد بالاسباب بس اللى بيرزق ربناااااا مش حد تانى
2_ الحالة النفسية مهمة جدااااااااا لان التوتر بياثر ع الهرمونات وبيلخبطها ارمى اى كلام يضايقك ويحرق دمك ورا ضهرك معلش عارفة انه صعب بس حاولى
3مهما كانت مشكلتك معقدة اوووووووووووووووووووووعى اووووووووووووووووعى تفقدى الامل فى ربنا مهما حصل دا الرزاق وخزاينه ملياااااااااااانة وبيرزق الدودة فى الحجر يبقا مش هيرزقك انتى
4_ادعى كتييييير واستغفرى كتيييير والاهم طلعى صدقة بنية الحمل
5_ وادعولى ربنا يتمملى ع خير ويرزق كل مشتاقة ياااااارب بذرية صالحة تقر عينها

(كاتشب) (كاتشب) 699076_1.gif فتكات نشيطة Fatakat 699076 الرياض – المملكة العربية السعودية

سبحان الله و بحمده