السلام عليكم ورحمة الله وبركاته
بما اني كنت بدخل القسم دة كتير اليومين اللي فاتوا عشان كنت حامل
والحمد لله استفدت من خبراتكم كتير
لاحظت ان بنات كتيرة اوي بتسال عن مستشفي النزهة الدولي
ودكتور احمد خيري مقلد اللي بيطلع علي قناة الحياة
فحبيت احكيلكم تجربتي مع المستشفي والدكتور يمكن افيد بعضكم
.
.
اولا " الدكتور احمد خيري "
انا كنت متابعة عن دكتور من اول ماعرفت اني حامل بس بصراحة مش عارفة
لية مكنتش برتاحله اوي مكانش بيجاوبني بوضوح علي اسئلتي
فالنقطة دي عاوزة اقولكم حاجة مهمة لو انتي مش مرتاحة للدكتور او الدكتورة بتاعتك غيرها فورا قبل فاوت الاوان
انا كنت يوم السبت اللي فات عند الدكتور بتاعي عملي سونار مهبلي علي طول وقالي البيبي مفيهوش نبض ولازم نعمل تنضيف
بصراحة كان عندي امل انه يكون مبيفهمش حاجة روحت اجري عملت تحليل هرمون
طلع 36110 وعملت بعد 48 ساعة طلع 31600 يعني قل اوووي
بعدين حمدت ربنا واستعوضت ربنا في البيبي
وروحت عند دكتور احمد
من هنا
هنتكلم عن دكتور احمد خيري
اولا بتحجزي بالتليفون واللي بيجي الاول هو اللي بيدخل الاول
البنات اللي في العيادة لطاف خالص ومؤدبين اوي ومتعاونين جدا
دخلت عن الدكتور
استقباله ليكي بضحكة وابتسامة لطيفة
بيعقد يشرحلك ازاي تحافظي علي وزنك فترة الحمل
وازاي تعملي رياضية المشي في فترة الحمل
وازاي تتأهلي لنفسك للولادة الطبيعي
وازاي تعملي تمارين لتقوية عضلة المهبل
وبيقولك ابتداء من الشهر الرابع تتدهني كريم اية عشان التفتحات اللي بتجيلك في البطن والصدر
وازاي تعملي مساج للمهبل لتسهيل نزول البيبي بجونسون بيبي اويل
وازاي بيفتح يوم الولادة من تحت واية الطريقة الصح واية الطريقة الغلط اللي بيتأذي العضلة للفتح
وبيديلك زي ملازمة صغيرة كدة في ارشادات كتيرة اوي لفترة الحمل
انا بصراحة سيبته يتكلم ومقولتهوش اني عارفة ان البيبي مات واني جاية اعمل تنضيف
طلعت عالسونار شك في حاجة في سونار البطن
نادي البنت عشان تجهزني للسونار المهبلي انا مكنتش عاوزة اعملهقولتله يادكتور البيبي مات واني عملت تحليل الهرمون وانه قل قالي مش مهم
انا لازم اشوف بنفسي ان البيبي مات غير كدة مش هاقتنع وان تحليل الهرمون
دة مش مهم
عملت السونار المهبلي فعلاااا قالي كيس الحمل متدمر وان البيبي ميت من شهر
انا طبعا كنت مش مصدقة انا عرفت انه مات يوم السبت وانا كنت عند دكتور احمد يوم الاربع يعني كل الموضوع 5 ايام يبقي ازاي شهر وانا متابعة مع دكتور تاني
راح قعد يعمل زووم ويدوس علي حاجات في الجهاز
قالي بالظبط بالظبط البيبي مات من 3 اسابيع قولتله دكتور انا كنت الاسبوع اللي فات عند الدكتور بتاعي قالي البيبي كبر وكله زي الفل واديني مثبت قولتله طيب لييييييية مثبت وانا مش بينزل عليا دم ولا اي حاجة وازاي البيبي ميت وانت مديني مثبت دكتور احمد اصلا سكت ومش رضي يعلق
المهم قالي لازم بكرة نروح مستشفي النزهة نعملها مينفعش البيبي يفضل اكتر من كدة
مع العلم اني كنت حامل في الاسبوع الــ 10 يلا الحمد لله
واديني كل التفاصيل وبصراحة تحسيه قلبه عليكي اوووي ولما تكلميه وهو مشغول
بيديلك ودانه اوي ومش بيقلبك في الكلام
وقالي لازم تعقدي من الساعه 8 مش هنشتغل قبل الساعة 12 عشان الرحم يفتح كويس عشان الرحم مش يتبهدل
ودي نقطة انه بيقولك كل حاجة هيعملها ومش بيعاملك انك مش فاهمة
وفعلا قعدت لغاية ما الرحم فتح ومارضيش يبدأ قبل ما الرحم يبقي علي الاخر
لما دخلت أوضة العمليات
قولتلهم فييييين دكتور احمد
راح لاقيته بصوت عالي فرفور انا جاااااااي
لما جيه ولاقيني متوترة اوي وضربات قلبي في الجهاز سريعة اوي
قعد يهديني وقالي ان 10 دقايق بالظبط وهاخلص وفضل يقولي ادعية وانا اقول ورائه لحد ماهديت خاااااالص وماعتقدتش
ان في دكاترة كتيرة بتعمل كدة
لما خلصنا الادعية قال للدكاترة يلا ابدوا يارجالة حطولي المخدر وقالي تصبحي علي خير فعلا كانت اخر كلمة اسمعها ونمتتتتت
انا دخلت اوضة العمليات الساعه 3.30 فوقت الساعه 4.10 لاقيت نفسي في اوضة منفصلة جنب العمليات وواحد من قسم التمريض واقف جنبي مستنيني افوق طبعا اول ما صحيت فضلت اعيط شوية من الخوف ماكانش في وجع دكتور احمد جيه يجري وكان لابس لبس الخروج قالي في اية مالك قولتله بطني وجعاني قالي انا اديتلك مسكن وطمئني وقالي كله تمام والرحم زي الفل وطلعوني بئه عند مامتي وجوزي لانهم كانوا واقفين امام الاوضة متحركوش
لما روحت الاوضة ماما قالتلي ان بعد مانا دخلت بربع ساعة دكتور احمد خرج بنفسه من الاوضة عشان يشوف مين معايا عشان يطمئنهم عليا
بجد دكتور ونعمه الادب والاخلاق دة غير انه شاطر جدا وذكي ولامح اوي دة غير انه بيكون حنين اوي علي الحالة بتاعته
لانه فضل يعتذر ويتاسفلي علي التاخير لان كان عنده ولادة
لبوسس المهبلي بالرغم اني كنت افضة ومكنتش مساعدها بس هي اتعاملت معايا بضحك وهزار
والدوا
وفي ميعاد الدواء اللي الدكتور كاتبهولي غم اغم اني مكن
maloka.we.bas maloka.we.bas 388780_5.gif برنسيسة فتكات Fatakat 388780 Cairo – Egypt