قدر الله و ما شاء فعل الحقن المجهرى فشل

لاحول و لا قوه الا بالله العلى العظيم
اللهم ااجرنى فى مصيبتى و اخلفنى خيرا منها انا لله و انا اليه راجعون
هو ده اللى حصل يا بنات انتة عارفين حكايتى لانى كتبت موضوع هنا لتدعولى انا اللى كنت كتبت انى متزوجه من 13 سنه وعملت الحقن من 5 سنين ولم يقدر الله لى المهم انى من شهرين قررت انى اعمل العمليه تانى و سبحان الله ربنا سهل لى الفلوس وعملت جمعيه كبيره و قلت اجرب اعملها يمكن لى نصيب المرة دى اللى حصل انى من شهر ابتديت اخد الحقن و المنشطات شهر بحاله حقن 3 مرات فى اليوم وسواعات 3 ابر فى حقنه و احده وكل حاجه لازم بميعادها كنت انزل الصيدليه الساعه 1 و 4 عشان الحقن بميعاد وتحت الجلد الى زى الانسولين بديها لنفسى ولغايه ما اخدت الحقنه التفجيريه كان ميعادها من 12 بالليل من قبلها بساعتين و انا قلقانه واقول يارب و بعدين رحت عملت السحب وطبعا اللى عمل العمليه عارف البنج و الحاجات دى ربنا يجعله فى ميزان حسناتى و بعدين عمليت الحقن فى يوم 19 /5 ومن ساعتها وانا نمت عند ماما على ضهرى مكنتش بقوم الا للحمام و الصلاه و نام تانى و اليوم تقيل مش رادى يمشى قلت يارب ازاى هستحمل ال 16 يوم اصلى الفجر مثلا و اقول امتى اصلى العشا و انا بطبيعتى باخد حمام اكتر من مرة فى اليوم صيف او شتا و كنت سمعت فى جروب الحقن انى بلاش اغسل شعرى و الى حصل انا استنيت عشر ايام والمثبتات كانت الحقن يوميا والبرشام 3 مرات كنت عمالهم منبه على الموبايل عشان منساش وكل يوم بطىء بس انا كان عندى امل كبير يا بنات وكنت حاسه بوجع البريود اقول لا ده اكيد وجع حمل وكنت متفائله جدا و حاسه انى خلاص ان شاء هبقى ام اخيرا وممكن كمان يكونوا توام لكن يوم التحليل جه اخيرا وكنت دايما بهون على نفسى بالقران و الذكر و كنت حاسه ان خلاص هانت والمعمل قال النتيجه الساعه 7 اتصلت بيهم قالوا هيتاخر ل 9 و نص وكمان شالوا الصفحه بتاعه التخليل بتاعى من على النت من السايت بتاعهم ومن ساعتا حسيت خلاص ان انا مش حامل وقعدت اقول لاحول و لاقوه الا بالله عشان ربنا يقوينى على الصدمه بس كان عندى امل اخير و زوجى جاب النتيجه بنفسه من المعمل وجه عند ماما ودخل من الباب بيقولى ربنا يعوض علينا و صحتك بالدنيا كان عندى امل انه بيكون بيهذر بس شوفت التحليل بنفسى و النسب مش حمل عيطت و قلت فوضت امرى لله بس بعد كده سكت وقعدت باصه للارض يجى ربع ساعه مش بقول غيربصوت مش سمعه الا ربنا اللهم اجرنى فى مصيبتى و اخلفنى خيرا منها انا لله و انا اليه راجعون انا عارفه انا ربنا اختار ليا احسن حاجه بس غصب عنى مش عارفه ابطل عياط لوحدى اخواتى عيكطوا جامد عشانى بس بعد شويه خرجت من الاوده ورحت لهم وقعدت اضحك معاهم و اقولهم خلاص الراحه خلصت وكده واتكلمت معاهم عشان ماما وبابا ميحزنوش جوزى كان معارض الفكرة من الاول و انا ضغطت عليه ورضى وروحت تانى على بيتى و انا راجعه بخفى حنين لوحدى تانى يارب صبرنى حاسه انى خلاص انا ا نتهيت على فكرة انا عندى اجنه مجمده 4 بس انما مش هعمل الوقتى الا السنه الجديده بقى اكون استريحت ان شاء الله بس انا مش عايزة اعملها تانى وبس مش ممكن اتراجع لانى دفعت فلوس التجميد ربنا يعوض على انا بكتبلكوا وان بعيط من الغلب و القهر الشيطان بيسوس لى بحاجات اقول استغفر الله ا لعظيم بس ربنا اعلم بمصلحتى من بس مش قادره مليش نفس لاى حاجه الاكل بعمله بالعافيه جسمى و اجعنى من الراحه ومش عارفه امشى لحد السوق رجلى بتوجعنى انا عارفه ان دى اخر فرصه فى حياتى اكيد ربنا قادر على انه يعطينى من غير سبب لانه رب لاسباب بس انا كنت عايزه اخلص من الحوار ده و استريح كل يوم كنت بحلم ببنتى اللى اشيلها على كتفى و اعدت افكر فى اسماء البنات و الصبيان واقول ان شاء الله السنه دى يبقى معايا ابنى او بنتى لكن قدر الله وما شاء فعل انا خايفه افضل لوحدى بقيه عمرى و لما اموت محدش يفتكرنى بدعوه وانا بقعد ادعى لاتنين ستات جيرانى ماتوا وملهمش اولاد دايما افتكرهم واقول ربنا يبعتلى اللى يدعيلى بعد ما اموت انا مش معترضه على قضاء الله بس غصب عنى وكل شهر افتكر اذا اعطانى العمر 20 شهر بتوع الجمعيه يعنى مش هقدر انسى انا كل اهلى بيعيطوا عليا و صحابى بس انا الوقتى فى بيتى لوحدى باكل بالعافيه و اشرب من غير نفس حتى جوزى بيقولى انتى حزينه ليه كده ولكن غصب عنى ربنا يعوض عليا و بصبرنى و يقوينى انى اصبر ربنا معايا ويصبر كل واحده زيى مرت بالتجربه دى لانها فعلا اصعب حاجه مرت عليا الحمد لله انى ماشيه على رجلى و معنديش مرض مالوش علاج مثلا الحمد لله بس ادعولى ربنا يصبرنى معلشى طولت علبكوا بس كان لازم افضفض مع حد لانى مش عارفه اتكلم مع حد واخيرا الحمد لله وانا لله و انا اليه راجعون و السلام عليكم و رحمه الله و بركاته

shimaa2015 shimaa2015 فتكات نشيطة Fatakat 834410 15 مايو – مصر

سبحان الله و بحمده