ازيكم يااحلى قمرات فى الدنيا
يارب تكونو بخير ورمصان كريم
عزمت بابا وماما واخواتتى وعيالهم وعمى وبناته
وفولت اجى جرررى واكتبلكم العزومه والمنيو والوصفات
نقووووووول بسم الله
قبل كل شئ اطلعى يافتوكه منك لها التقيم اللى على ايدك الشمال ده هاواووعى تخرجى من غير تقييم لحسن اجيبلكم الست دى تكهربكم
المنيوووووووووو
فراخ محشيه ومشويه وتحتها بطاطس مطلوبه منى بالاسم
صينيه كفته بالبهارات تجنننننننن
بطاطس بيوريه
صينيه رقاق
مسقعه
باميه فلسطينى باللحمه
صينيه كوسه بالعصاج
ورز ابيص
وزتون
والحلو كنافه ملكيه سواريه بالمكسرات والكريز
قطايف بالمكسرات
والمشووبات
خروب
تمر هندى
خشاف
سوبيا
عرق سوس
وحاجه ساقعه
اصل اهم حاجه المشروبات فى الحر ده ندخل على الصوررررررررررر
قيمتى يابت يووووووووه قيمى بقه
نبدا قبلها بيوم كنت جهزت شويه حاجات حنشوفها دلوقتى البطاطس البيوريه
بطاطس مسلوقه
وتهرسيها وتحطى فيها بيصه وملح وفلفل وكمون ومعلقه سمن بلدى او زبده
وتقلبيها وتقسميها نصفين
وتدهنى صينيه وتحطى النص الاول وبعدها العصاج وبعدها النص التانى وعلى الوش بيصه مع حته سمن صغيره وملح وفلفل
تجننننننن
كوسه باللحمه المفرومه
كوسه متقطعه
وعليها بصله مبشوره وملح وفلفل وعصاج وطماطم معصوره
ومعلقه سمن ولازم بلدى وعلى النار لحد ما تتشرب وتدخل الفرن
م كانت تحفففففففففففه
المسقعه بتحمرى البتنجان وتحطى راق بتنجان وراق عصاج والاخير بتنجان وتعملى الصلصه توم متقطع مع فلفل على النار مع شويه زيت
وتحطى الطماطم المتقطعه وملح وفلفل وسيبيهم يتسبكو كويس
ورشيهم على المسقعه وتدخل الفرن
حرشه ومولعه
الكنافه الملكيه وده اللينك
كنافه ملكيه كنافه بالمهلبيه كنااااااافه يافتوكه انت وهى هههههه
شوفو الجمال والشياكه احلى من الحلوانى
اعمليها وابهرى صيوفك بيها وسهله مووووووووت
تحمريهم فى السمن البلدى وشويه زيت
زى الشعريه
وتحطى اللبن المكثف العلبه ب 11 جنيه تكفى نص كيلو كنافه
وتجيبى قوالب التلج وياسلام لو صغيره كده ممممممممم
وتحطى اللى عندك مكسرات سودانى من غير براحتك
وترصى الكنافه وتصغطى جااااامد
وحطيها فى الفريزر 5 دقايق
واستعدووووووووووووووووووووووو للمفاجأه
بزمتكم مش شغل حلوانى
ولا الكريز كان يجننننننننن
طب نقول زوووووووووووم
اه ياقلبى
والله سهله اوى يابنات بس عايزه شويه شغل فى التحمير ولازم تتفرك كويس تكون زى التراب صغيره موووووووووووووت
الكفته اصلى بقولكم الحاجات بالترتيب زى ما عملت
لحمه مفرومه وبصل مبشور وبقدونس
وملح وفلفل وبهارات كفته والجديد كبابه صينى عباره عن بهارات روووووووووووووعه بتخلى الكفته جنااان
وبفرش الصينيه بالطماطم المتقطعه ترانشات وفلفل رومى
ومعلقه سمن وعلى النار من فوق
ولحد ما تشرب ميتها وتدخليها الفرن تتحمر
انا المره دى خليتها دواير مش صوابع اهو تغيير
وخلص يومى على الحاجات دى
ومش باقى غير انى احفظ الحاجات اللى عملتها فى التلاجه واكيسهم كويس
عشان ميلقطوش اى روايح
وحشوفكم بعد شويه فى يوووووووم العزومه
استنو محدش يتهور ويرد هههههههههه
مواضيع هذا القسم برعاية
SOSO MIDO(ملكه العزومات) SOSO MIDO(ملكه العزومات) 470172_3.gif فتكات غالية قوي Fatakat 470172 الاسكندريه – القاهره