السلام عليكم ورحمة الله وبركاته
بصراحة هو سؤال غريب لكن أريد كل الطرق من أهل المحافظات الجميلة أحلي ناس وأحلي أكل
أنا كنت معزومة عند ناس منذ أيام
وبصراحة قدموا بجوار الطعام فراخ محمرة كأنها محمرة في زيت
يعني أقصد أن التحمير يشمل قطع الدجاج من كل الجهات
الفرخة مقطعة أرباع
ومحمرة بجلدها ولا جلدة مقطوعة منها
فاستغربت وقلت
أنا أضع الفراخ دائما في الفرن للتحمير
أو أحمرها في قليل من السمن علي البوتاجاز في طاسة تيفال
لكن طبعا بيكون ناحية محمرة وناحية نصف نصف
وممكن الجلدة تتشال لو ماكانش فيه طاسة تيفال مثلا
طيب هي حمرت كل كمية الفراخ دي ازاي في قليل من السمن
لا يمكن
طيب هل معقول مثلا تحط كيلو سمن ولا نصف كيلو تحمر فيها كل الفراخ دي
طيب ما السمنة هتتحرق بسرعة
أكيد أنتم يا أهل الخير ياأهل المحافظات عندكم طريقة لتحمير الفراخ في السمن والزيت بعد ما بتسلقوها
طريقة جميلة
تخلي كل القطع تحمير واحد متساوي
وشكلها روعة
ومفيش جلدة مقطوعة منهاخالص
ممكن أنتظر تجاربكم وطرقكم وخبراتكم وسوف أعملها إن شاء الله
السؤال
كيف نقوم بتحمير الدجاج المسلوق قطعا
ويخرج لونه كله أحمر جميل ومتساوي في التحمير
ما هي كمية السمن
هل تحرق أم لا
المهم أريد الطريقة مثلما تفعلوها لضيوفكم ومعازيمكم
وشكرا مواضيع هذا القسم برعاية
بنات فتكات بنات فتكات images/avatars/whiteflower.jpg فتكات متميزة Fatakat 175342 القاهرة – مصر