ازيكوا فتوكاتي حبيبات قلبي وكل سنة وانتوا طيبين
من زمان مكتبتش في القسم الجميل دة ويارب موضوع النهاردة يفيد احلي فتوكات
انا دايما بعمل الطعمية في البيت ومش بشتريها من برة خالص والحمد لله بيكون طعمها زي برة واحلي كمان
هقولك طريقتي بالظبط في تحضير الطعمية في البيت وكل تكاتها اللي بعملها علشان تكون هشة ومقرمشة ونفس طعم اللي في المطاعم
نبدأ بسم الله بالمكونات
نص كيلو فول مدشوش منقوع 8 ساعات ع الاقل في مية او من بالليل للصبح مع تغيير المية عليه
خضرة عبارة عن كزبرة وبقدونس وشبت وكرات (الكرات بيخلي الطعم واللون روعة)
التوابل عبارة عن ملح وفلفل وكمون وشوية شطة حمرا
اهم حاجة بقي السمسم والكزبرة الناشفة والسر فعلا بقي بيكون معلقة شمر كبيرة
نجيب المفرمة ونخلي الوش الضيق بتاعها
نفرم البصل والتوم والخضرة وقرن فلفل اخضر حامي وعليهم التوابل كلها
في المرحلة دي ممكن تكوني مضاعفة المقادير وتشيلي جزء من الخلطة في الفريزر وتعملي بيها المرة الجاية يعني يدوب تقلبيها وتفرميها مع الفول بس
نقلب الخلطة دي مع الفول ونفرمها بالمفرمة مرتين ع الوش المتوسط او تحطي كله في الكبة وتفرمي
بعد ما تتفرم كويس نجيب علي حرف المعلقة الصغيرة حبة كربوناتو صغيرين جدا جدا بيخليها هشة لكن لو كتر بتفك وتشرب زيت
وشوفي كمان التكة دي
هاتي معلقة كبيرة نشا بتخلي الطعمية مقرمشة ومتماسكة يعني لو لاقدر الله هتفك من كربوناتو زيادة النشا هتمسكها
نخلط كله مع بعضه ونظبط الملح وهتبقي كدة
ملاحظة صغيرة :
مش بخلي الخضرة كتير اوي (طبعا الخضرة بتدي طعم حلو )لكن كترها بيخلي الطعمية تغمق بعد القلي فلما تكون الخضرة قليلة بتطلع لونها حلو
نقلي الطعمية في زيت سخن ونحط عليها سمسم او كزبرة انا بحبها بالسمسم
ودة شكلها النهائي
مع شوية زيتون اخضر بيتي
اتفضلوا معانا
يا رب يكون الموضوع عجبكم وفيه افادة بسيطة للفتوكات القمرات
شكرا جزيلا فتوكاتي
المشاركة الأصلية كتبت بواسطة هبة الحجار 
السلام عليكم مش عارفة بس اشكرك اذاى عملت الطعمية جميلة جدا كان كل مرة بعملها بحس انها مش مقرمشة بس لما عملتها ذى طريقتك طلعت تحفة الله اكبر تبارك الله عليكى وتسلم ايدك مواضيع هذا القسم برعاية
جوجو نونو جوجو نونو 425241_2.gif فتكات غالية قوي Fatakat 425241 القاهرة – مصر