عملت رز بالجمبرى من يومين وكان حلو اوى ماشاء الله قلت لازم اقولكم الطريقة
المقادير
بصلة مفرومة
نص كيلو جمبرى مخلى انا بجيب اكياس الروبيان المجمدة
توم مفروم
فلفل اخضر مفروم
ملح وفلفل وكمون وكارى وشطة
2 كوب رز
زيت
الطريقة
1-نحمر البصلة فى الزيت على النار لحد ما لونها يبدأ يغمق
2-نحط فصين التوم على البصلة ونحمرهم سوا لحد ما لونهم يغمق يبقى بنى بس اوعى تتحرق
3-نحط الفلفل الاخضر المفروم طبعا الفلفل المكبب
4-نقلبهم سوا لحد ما الفلفل يدبل والبصلة تتحمر خالص ونروح حاطين عليهم الجمبرى
5-نحط ملح وفلفل اسمر ونقطة كمون ونقطة شطة ومعلقة صغيرة كارى ممسوحة ونقلب
6-نوطى النار ونسيب الجمبرى ينزل ميته
7-نزود شوية مية لحد ما الجمبرى يستوى وحاولى متنشفهوش اوى خلى فيه صوص علشان يدى طعم للرز
8-نحط الرز على الجمبرى ونقلبه نص دقيقة
9-نزود المية على حسب كمية الرز يعنى كوبايتين مية ولو حسيتى المية زيادة قللى شوية منها
10-نسيبه يستوى على نار واطية خالص ونبقى نقلب كل فترة علشان ميعجنش
وبالهنا والشفا طعمه حلو اوى ممكن تعمليه جنب سمك مقلى هيبقى جميل
لو عجكم الموضوع متنسوش الرد والتقييم ياقمرات
مواضيع هذا القسم برعاية
بطة سونسون بطة سونسون 366633_18.gif فتكات ست الكل Fatakat 366633 الغربة – السعودية