سلخير عليكو ههههههههههه
انا النهارده عملتلكو طبق بطاطس حلو اوى
غالب عليه اللون الاصفر للترغيب والترهيب طبعا هههههههههههههه
طبعا كلنا بنحتار جدا فى الفطار اوالعشا
لان ما فيش عندنا غير 500 نوع جبنه
و 880نوع فول
فول بالصلصه وفول بالزيت الحار وفول بالكمون وفول باللمون
والفول ابوزلومه طبعا منقدرش ننساه هههههههههههههههه
فقولت اغير شويه بدل الاكتئاب اللى احنا فيه ده ههههههههههه
وعملت طبق بطاطس هتاكى صوابعك وراه
وهيعجبك اوى باذن الله
طيب يلا ندخل على الطريقه والمقادير
المقادير بسيطه جدا وموجوده فى كل بيت مصرى ههههههههههههه
بطاطس
توم
كركم وكارى وورق لورا وكمون وشطه وفلفل اسمر
طماطم وفلفل للديكوريشن
بس ياحاجه ههههههههه
الطريقه بقى
انتى اول حاجه هتجيبى البطاطس وتغسليها وبعدين تقشريها
وبعدين هتخرطيها شرايح رفيعه على اد ما تقدرى عشان متاخدش معاكى وقت وهى بتستوى
لاحظى اننا بنعمل فطار اوعشا مش غدا بقى وهنبات جنب البوتاجاز هههههههههههه
اهه الشكل اللى انااقصده
بس ياستى
وبعدين هتجيبى طاسه محتاسه من عندك
وتقومى حطه اى ما ده دهنيه انتى بتستعمليها وتنزلى بالبطاطس تاخد تشويحتين تلاته عشره كده ههههههههههههه
لحد ماتبتدى تصفر معاكى
قومىبقى ضايفه 4 او 5 فصوص توم مفرومين ناعم جدا
وانزلى بيهم عالبطاطس وابتدى قلبى
وبعد شويه بعد ما تشمى ريحه التوم انزلى بقى بالبهارات اللى هتخلى الشكل النهائى للطبق لونه اصفر
دول الكرم والكارى حبايبى ههههههههه
ودى الشطه والفلفل الاسمر
حبايبى برضه هههههههه
الكمون بقى اللى مش حبيبى هههههههههه
استغفر الله مش بحبه خالص
ودايما بستبعده فى كل اكلاتى
مع ان فى ناس كتييييييييييييير دايما تحشره فى الاكل ههههههههههههه
هو بصراحه ممتاز للهضم وللقولون يعنى اللى بيحبه منكم يبقى ربنا بيحبه
استمروا فى الحب ههههههههههه
بس وصلنا للخطوه النهائيه حطي الملح بقى
واقلبى بس حاولى متكسريش البطاطس وانتى بتقلبيها
صدقينى هتستمتعى بيها اكتر وهى سليمه
ضيفى بقى نص كوبايه ميه وسيبيها 5 دقايق على النار لحد ما تستوى
بسسسسسسسسسس وكلى بقى احلى طبق بطاطس
اسيبكم بقى مع الشكل النهائى للطبق
يارب يعجبكم
ايه رايكم
ارجو التقييم بقى ههههههههههه
اموت انا واعيد السنه ههههههههههههه
اوعى الجمبرى يعضك هههههههههههههه
ها
عجبكم ولا لا بامانه ؟
اللى معجبهاش اياك تقولى فى وشى انه معجبهاش
تستنى لما ادور وشى وبعدين تبقى تقول بقى فى قفايا اللى هى عايزه تقوله
ومتكتميش فى نفسك يا شابه ههههههههههههههههههههههه
التقيييييييييييييييييييم عاااااااااااااااااا هههههههههههه
مواضيع هذا القسم برعاية
سنوات الضياع 2 سنوات الضياع 2 729913_1.gif برنسيسة فتكات Fatakat 729913 طنطا – مصر