السلام عليكم ورحمه الله وبركاته
والصلاة والسلام على اشرف المرسلين سيدنا محمد صلى الله وعليه وسلم
ازيكم يافتوكات يارب تكونوا دايما فى احسن حال وبتحقيق جميع الامنيات
انهاردة جايبه معايا 2طاجن فريك واحد معمر بالقشطه واللبن والسجق ودة الجديد والتانى الاحمر بالطماطم والسجق كمان والاتنين اطعم من بعض
بسم الله الرحمن الرحيم
ك الاربع فريك منقوع انا نقعته فى ميه سخنه انا بستخدم فريك ماركه (مجدى)السورى طعم الفريكه بتاعته اكتتتر من رائع
نص كيلو سجق بلدى (ممكن فراخ او لحمه مسلوقه)انتى براحتك فى الحشوة
2 بصله وفصين توم
3وحدات طماطم
2م قشطه
2م سمنه بلدى ممكن زبدة بس مش زى السمنه البلدى
ملح وفلفل اسود بس ليه لان السجق توابله فيه لو حطيتى توابل اكتر من كده هيمرر بس لو حطيتى فراخ هتحطى توابل
الاول حمرت السجق بس مش تحمير قوى علشان مينشفش ويجلد وطفيت
شوحت بصله طاجن الفريك الاحمر شوحت البصل لغايه لما اصفر
ونزلت عليه بالتوم وشويه وروحت حطيت الطماطم
بس احنا مش عايزنها تخينه علشان الفريك ميطلعش كابس ونى ولا ماهيه قوى هتبقى شوربه لاء عايزنها سايله شويه زى كده وهقولك على سر صغنطوط كدة لو حسيتى ان تسبيكه الطماطم فى ااااى طبخة مززة شويه وخصوصا لو حاطه صلصه كمان حطى رشه سكر خفيفه متخافيش مش هتحلون لاء هيه هتمتص المزازة اللى فى الطماطم وبسسس وحطيت كبشتين شوربه ولو مفيش ممكن مرقه بتادى بالغرض
وهنا جبت نص كميه الفريك المنقوع وشوحته مع بصله فى حته سمنه بلدى تشويح من غير ماتحطى عليه ميه
هنا جبت شويه من الفريك اللى شوحته مع البصل وحطيته فى الطاجن وعليه نص كميه السجق
وهنا غطيت السجق بباقى الفريك اللى شوحته مع البصل
وهنا حطيت شوربه الطماطم ووزعتها فى قلب الفريك بالراااحه او ممكن بعد لما تحطى شوربه الطماطم تدى الطاجن هزة صغيرة بايدك علشان توصل لاخر الفريك من تحت على راى ماما
طبعا بتولعى الفرن قبلها بربع ساعه واهى بعد لما طلعتها من الفرن
اهو الطاجن من جوة وريحته تجنن
هنا قطعتها علشان تشوفو الفريك من جوة شكله مغرى جدااا ازاى وطعمه بجدد خرافى
وادى كماان واحد للقمرات السكرات ها ايه رائيكوااا
اللى بعده
نيجى بقه للفريك المعمر ودة كان اكتر من رائع جبت النص التانى من كميه الفريك المنقوع وحطيت عليه حته سمنه بلدى و2 القشطه ورشه ملح وسنه فلفل ودعكتهم كوووويس
هنا جبت الطاجن وحطتهم فيه بعد لما قلبت الفريك المعجون بالقشطه والسمنه البلدى مع السجق
سخنت اللبن وحطيته على الفريك يدوب يغطيه بس .مبياخدش كتير زى الرز وعلى الفرن يافتوكه
ادى طاجن الفريك المعمر وطعمه تحففففه كانى باكل قشطه بيور والسجق ادى له طعم جمييييل قوى وريحته تاخد العقل
وادينى قطعته من جوة علشان تشوفو متماسك ازاى
واهو كماااان ياقمراااات ايه رائيكوا
يارب يكونوا عجبوكوا ياريت متحرمنيوش من ردودكم الجميله وياريت ياحلوين متنسوش التقييم
استودعكم الله الزى لاتضيع ودائعه فى حفظ الله مواضيع هذا القسم برعاية
كوين ام ام كوين ام ام 780607_14.gif سوبر فتكات Fatakat 780607 ……… – ………