السلام عليكم
احنا لسه عاملين شوربه سبانخ يا جماعه بس طلعت جامده
انا جبت الوصفه من موقع اجنبى بس حبيت انقلها لكم عشان عجبتنى
لكل محبات السبانخ
المقادير
م زيت
بصله واحده مقطعه
2 فص ثوم مفروم
4 كوب من شوربه الخضار قليله الملح (دى بتتباع عندهم جاهزه وانا استبدلتها ب4كوب ماء+مكعب مرقه خضراوات)
400 جم بطاطس متقطعه ومتقشرهطبعا
450 جم بروكلى متقطع وردات
75 جم اوراق سبانخ
نص كوب اوراق ريحان فريش (لو مفيش ممكن بقدونس او ورقتين نعناع وممكن مش لازم خالص)
الطريقه
سخنى الحله على نار متوسطه وحطى فيها معلقه الزيت
قلبى البصل لمده 5 دقايق يكون طرى فيهم وبعدين حطى الثوم وقلبى لمده دقيقه لحد ما ريحته تبان
ضيفى الماء والبطاطس ومكعب مرقه الخضار
سيبيها لحد اما تغلى وبعدين وطى الحراره وسيبها مع نفسها كده 5 دقائق
ضيفى وردات البروكلى وسيبيها كمان 7 دقائق لحد اما تبقى طريه
ضيفى ورق السبانخ وسيبيها دقيقه
شليها من على النار وسيبيها تبرد شويه
ضيفى ورق الريحان واضربيها فى الخلاط
رجعيها على النار تانى دقيقتين
وانتى بتقدمى ممكن تعملى خلطه من الكريمه الحامضه وعجينه الريحان وتحطى معلقتين على الوش بس اناماعنديش الحاجات دى
وممكن تقدمى معاها عيش محمص
وبالهنا والشفا
ممكن تدعولى بقى ربنا يشفينى ويرزقنى الزوج الصالح
مواضيع هذا القسم برعاية
واحده وخلاص واحده وخلاص images/bigsmilies/mood18.gif فتكات هايلة Fatakat 136400 الشرقيه – مصر