سمبوسه صناعة منزليه رائعه بالتفصيل الممل وبالخطوات المصورة
السلام عليكم و رحمة الله و بركاتة
*************
هلا بالنجمات بالصدفه كنت اتصفح شىء فوجدت هذا الموضع ولا انكر عليكم عجبني وشدني طريقة سردة هههههههههه ومن ثم تفصيله
تعالوا نشوف
مبارك عليكم الشهر
جعلنا الله و اياكم من صيامة و قيامة و عتقاءة من النار
*********************
شرايكم ؟؟
قولوا ما شاء الله ……
ترى الرقاق انا مسويته …شغل بيت و سريع
لكن له سالفة
يقولون ….. لو ما الغيرة …ما كبرت الصغيرة
و هذا حكايتي مع هاسمبوسة
انا زوجي لو يموت ما ياكل سمبوسة عجينة جاهزة
فكنت اسوي له سمبوسة بف مرررة روعه
لكن هو متعلم على سمبوسة امه 
….
و ام زوجي من توفي زوجها و هي كل رمضان تصوم كل اسبوع عند واحد من عيالها و اذا كانت عندنا تسوي هي السمبوسة حقتها
و مرة من المرات …..
حشى صار مسلسل
…..
كانت صايمة عند واحد من اخوانه اللي بيتهم قريب لنا
و كل يوم ترسل لنا شوي من السمبوسة لولدها
انا اكلتني الغيرة , و كمان صراحة حسيت بالاهانة 
…..
هي صراحة خالتي روعة و اخلاق و حبيبة بس برضه مرة عجوز و تدري ان ولدها يموت بالسمبوسة هذي
طبعا خالتي لانها من حريم اول ما تسوي شي بقياس
فسويت خطة 
لمن جات عندنا و بغت تسوي السمبوسة
صفيت عندها 4 كاسات دقيق ابيض و كاس دقيق بر و 3 كاسات موية و فنجان كامل زيت
طبعا انا عارفه انها ما هي رايحة تستخدم الكمية كلها
بس لمن خلصت سويت عملية حسابية و حصلت على المقادير
و الآن باعتراف خالتي انا احسن وحدة من حريم عيالها باتقان هذي السمبوسة
تبون تعرفون؟؟
يالله بسم الله نبدأ
بس من البداية اذا سبحان الله ما كملت اليوم ترى ما اقدر الا بكرة بعد الساعة 2 لان هذا الوقت الوحيد اللي افضى للنت
المقادير
زي ما هو باين بالصورة
1) 2 و نص كاس دقيق (هنا 2 و ربع ابيض مع ربع بر)
2) نص بياله شاهي زيت
3) رشة ملح
4) كاس ماء
الطريقة
تخلط المقادير الجافة ثم يضاف الزيت و الماء
يلاحظ ان الماء مضبوط في الشتاء و و جود كمية بر اما اذا قللتي البر او الغيتية او كان الدنيا حر مثل الحين قد لا تحتاجين الكاس كامل بس ماهو اقل من كاس الا ربع
و هذا شكل العجينة …تكون شوي لينة بس ما تلصق بالاصابع
و بعدين اقسم العجينة إلى مثيلتين (كرتين) و احطهم بصينية مدهونة شوي زيت و ادهن وجه العجينة كمان و اغطيها ببلاستيك
(الصورة 4 مثايل لاني كنت مسويه الضعف علشان ارسل لاهلي)
و اجهز الحشوة
طبعا كل واحد على كيفة بس هذي خلطة خالتي
(لحم مفروم و بصل و يضاف لهم اول ما نشيلهم عن النار كرنب مبشور و جزر مبشور , يذبلون من الحرارة …وشوي كزبرة و شبت)
اكمل لكم خطوات الفرد لاحقاًللمزيد من مواضيعي
__________________
مواضيع هذا القسم برعاية
سميه درويش سميه درويش فتكات رائعة Fatakat 106223 القاهره – مصر