هذا هو حلم العمر فعلا لمن هم اوزانهم تفوق 110 كيلو جرام … و بحسبة بسيطة لو نقص وزنك 1 كيلو جرام أسبوعيا فسوف ينقص وزنك 52 كيلوجرام فى عام واحد !!!! هل هذه معادلة صعبة ؟؟؟؟ .. انا بدأت ريجيم مع نفسى من يوم 15 -1 – 2024 ..و قرأت كثير مقالات أجنبية عن الدايت مستغلة انى فى الاصل طبيبة و كمان لغتى الانجليزية الجيدة .. المهم توصلت الى هذا الدايت لنفسى .. عاوزة اشوف تعليقاتكم و ايه رايكم فى الريجيم دة … انا كمان بشرب 2 كوب شاى اخضر بسكر دايت يوميا… اهم حاجة ادعوووووووووووووولى اخس
الافطار
بيضة واحدة مقلية مقلية بقطرة واحدة من زيت الزيتون مقطع عليها 1/4 فلفل رومى + شريحة رفيعة من الجبن القريش + نسكافيه ب 100 مللى فقط من اللبن خالى الدسم و سكر دايت أو قرفة بدلا من النسكافيه
الغداء
ربع فرخة مشوية + طبق سلطة خضراء مكونة من فلفل رومى و خيار و ثلث بصلة صغيرة و قطرة خل و رشة شطة !! أو
علبة تونة مصفاة من الزيت + معلقة فاصوليا حمراء (تباع جاهرة معلبة فى السوبرماركت) أو
ربع كيلو كفتة مشوية + سلطة خضراء مثلما سبق أو
2 بيضة أومليت بقطرة زيت زيتون مقطع عليها الفلفل الرومى + شريحة كبيرة من الجبن القريش أو
سمكة مشوية + نصف بصلة صغيرة او
طبق فول بدون زيت مقطع عليه خيار أو فلفل رومى
العشاء
2 كوب زبادى خالى الدسم + خيار أو
جبنة قريش + خيار او
قرفة باللبن باستخدام 100 مللى فقط من اللبن خالى الدسم
deep_ocean deep_ocean سوبر فتكات Fatakat 1067026 cairo – egypt