ازيكم يا احلي بنات في الدنيا
انا حجزت في مسجد الفاروق اللي في شيراتون وحبيت احكيلكم عليه علشان البنات اللي بتفكر تحجز
اولا القاعة لسة جديدة ..وشكلها من جوة تحفففففففففففففففة
السعة 200 فرد
وفيها كوشة
يعني اللي مش هتعمل فرح زي حالاتي هتقعد في كوشة ..وهتتصور .يعني مش هتتحرم من حاجة
وكمان في اناشيد دينية لماهر زين
الرجل اللي بيحجز زووووووووووق جدا
وكمان متوفر اوقات كتير علشان الحجز عليه مش كبير
حبيت اقولكم علشان انا حصلت عندي ظروف ومقتدرتش احجز من زمان وكنت خايفة مالاقيش حجز
وكل البنات تقول احجزوا قبلها بخمس وست شهور علشات الميعاد وكدة
انا مش بعرف ارفع صور بس هحاول ارفع لكم كذا صورة
ويا رب تنفع
عنوان القاعة للي مش عارفها .مساكن شيراتون قدام النساجون من الناحية التانية
واكدي علي التاكسي انه الفاروق مش الصديق لاحسن كان مصمم ان مفيش الفاروق وودانا الصديق هههههههههههههههه
https://files2.fatakat.com/2015/10/13812638236824.jpg
دي صورة بتفاصل الباكيدج
https://files2.fatakat.com/2015/10/13812640002326.jpg
ودي صور للقاعة وفيها ممر بيكون متزين
01066851010 – 011159332956
ودة رقم التليفون
واخر حاجة بأة فيه جيست بوك هناك وتقدري تشتريه وكمان المنديل ب60 جنيه لو من غير تطريز
و ب100 لو بتطريز اسمك واسم العريس
ودي صورة من النت شبه الجيست بوك بتاعي ب 200 جنيه وفيه اصغر ب 150 بس احسن حاجة انه مقسوم 2 نص للعريس ونص للعروسة
https://files2.fatakat.com/2015/10/13812642083205.png
انا اخترت الباكيدج رقم 2 واخترت الفيديو ووالتكلفة بالعصير و القاعة وال500 جنيه التأمين 2600 ودة من غير المأذون لاننا لسة متفقناش علي المؤخر فسابوها مفتوحة
هي القاعة بتاخد 300 جنية + 3% من قيمة المؤخر
وممكن تتعاقدي مع مصور خارجي وفي الحالة دي بيخصموا 50 جنيه من التأمين .اللي بتاخديه بعد اسبوع من كتب الكتاب
نصيحة مهمة جدااااااا .لو هتسافري زيي علي طول لشهر العسل قبل القسيمة متطلع اطلبي من القاعة وانتي بتحجزي ان المأذون يستخرج لك تصريح زواج
وممكن تختاري المأذون بلبس شرعي او عادي
انا غلست وطلبته شرعي
اه عايزاه بعمة وقفطان
علشان لما يدخل الفاعة اعرفه هههههههههههههههههه اصل في فرح صاحبتي قعدنا نضحك ونتريق المأذون اتاخر اتاخر وهو واقف جنبنا هههههههههههههههه كنا قاكرينه من المعازيم
معلش رغيت كتير
انا مش هقدر اكون موجودة علي النت الايام اللي جاية
اتمني اني اكون قلت كل التفاصيل يا رب
ويا رب تستفادوا من الموضوع
يا رب فرح كل البنات ياااااااااااا رب وتمم لهم علي خير يا رب وارزقهم الازواج الصالحين ياااااا رب
دعةو حلوة بأة ربنا يتمم لي علي خير لاحسن حاسة اني هقلبها نكد .علشان والدي الله يرحمه كان نفسي يبقي معايا اناهردة
ربنا ميكتبها علي حد ابدا ويفرح اهاليكم بيكم يا رب
السلام عليكم
السنفورة ميمي 20 السنفورة ميمي 20 739130_3.gif فتكات متميزة Fatakat 739130 القاهرة – مصر