ازيكم يا احلي فتوكات
جايبة لكم معايا وصفة جميلة جدا وسهلة جدا
لعمل الجمبري والوصفة دي من اسهل واطعم الوصفات للجمبري وعن تجربة
بسم الله نبدأ
المقادير
كيلو الا ربع جمبري
طماطم وفلفل اخضر وبصل متقطعين قطع صغيرة
ملح وفلفل اسود وكمون وشطة
الطريقة
هنحط الجمبري والطماطم والفلفل والبصل ونحطهم في حلة
ونضيف لهم التوابل ونقلبهم كويس
ونسيبه علي نار متوسطة اول ما لونه يتغير للاورنج دة دليل انه خلاص قرب يستوي
نسيبه شوية كمان لحد ما يستوي كويس وينزل ميته
وياريت يا قمرات ما تضيفوش عليه مية هو بينزل مية اللي هي الشوربة
دة شكله لما استوي
وطبعا مش هنرمي المية بتاعته او الشوربة لان طعمها بيبقي رااااااااائع
ودة الشكل النهائي للجمبري ومعاة الشوربة بتاعته
وطبعا تقدميه مع رز ابيض او رز بالبصل
فيه طريقة تانية ممكن نعملها للجمبري بدل ما نسوية علي النار
نسوية في الفرن برضه بيبقي طعمه جميل بس مش بيبقي فيه شوربة
بجد يا جماعة الوصفة روعة وسهلة جدا جربوها علي ضمانتي
مستنية اسمع رأيكم وياريت التقييم يا قمرات
مواضيع هذا القسم برعاية
(Lara) (Lara) 265722_27.gif فتكات غالية قوي Fatakat 265722 الرياض – السعودية