صلوا على النبى انا كنت متجوزة من 5شهور ونفسى فى بيبى قوى سبحان الله دى غريزة فى اى ست مع انى المفروض عروسة جديدة المهم انا كنت محتارة اروح لاى دكتور هشام الشاعر ولا محمد حسين طلبه بعد تفكير وبحث على فتكات حبيبتى قولت اروح عند محمد حسين طلبه اخدت الرقم من فتكات واتصلت بالعيادة وقولت للسكرتيرة انا عاوزة احجز عند الدكتور بحسب هتقولى تعالى كمان اسبوع ولا حاجة لاقتها بتقولى خلاص احنا مستنينك قولتلها يعنى اجى انهارده اكشف قالتلى اه فرحت وقالتلى العيادة بتفتح من 3العصر لحد 7 مساءا قولتلها انا هجيلك على طول وكان الساعة 3 قومت اخدت الشور المتين وصليت العصر واتصلت جوزى واستاذنته انى اروح وهو هيحصلنى وصلت الساعة 5 لاقيت العيادة اه صح العنوان انا روحت على وصف هى عمارة كبيرة قدام مزلقان ارض اللواء فى شارع السودان الدور التانى بجوار حلوانى لارين بعدين دخلت العيادة لاقيتها ماشاء الله حلوة ومريحة كدا المهم فى 4بنات زى العسل هناك بنت منهم عرفت انى دى اول زيارة ليا فعملتلى دوسيه واخدت منى اسمى وسنى وسن جوزى ورقم التليفون وقالتلى انتى عرفتى الدكتور ازاى قولتلها من فتكات طبعا ضحكت وقالتلى احنا مشهورين على فتكات المهم اخدت تمن الكشف 150ج وبعدين قولتلها انا قدامى قد ايه قالتلى ساعة ونص قولت مش مشكلة يكون جوزى رجع من الشغل ويدخل معايا المهم فضلت قاعدة بتابع الحالات اللى موجودة لاقيت منهم اللى حوامل وجيه متابعة حمل عقبالنا يارب وكمان لاحظت ناس عرب كتير وناس منتقبات معاهم اجوازتهم المهم كل حالة بتدخل بتقعد نص ساعة وساعات ازيد انا اتخنقت من الانتظار وفى نفس الوقت قولت كدا احسن عشان اقعد معاه براحتى واساله على كل الاسئلة المهم جيه جوزى وانا كنت اخر واجدة فى الكشف ودخلت الساعة 7ونص والمفاجاة ان طلع الدكتور محمد حسين طلبه شاب يعنى 35سنة انا بحسبه دكتور كبير فى السن المهم دخلنا ولاقيته بسم الله ماشاء الله وشه فى نور كدا وبشوش اتكلمنا معاه وسالنى متجزين من امتى قولتله 5شهور قالى يعنى عرسان جداد ايه قالى جايه ليه بقى ياعروسة قولتله بصراحة نفسى فى نونو قالى طيب على الاقل تيجى بعد سنة قولتله مش عارفه انا قولت اجى اطمن على نفسى انا وجوزى قالى اوكيه اطلعى اكشف عليكى ودخلت ودخلت معايا بنوته اسمها نورا ماشاء الله قمر كدا ومبتسمة قعدت تتكلم معايا وقالتلى اخلعى هدومك اللى تحت كلها وهى خرجت ومبصتش عليا المهم قلعت واتغطيت بالملايه البيضا وناديت عليها راحت قالتلى انا هعملك سونار مهبلى كنت خايفة بحسبة بيوجع طلع عبيط خالص مش بيوجع المهم ندت للدكتور ودخل وجوزى طبعا معايا والدتور اقسم بالله مابصش عليا من تحت ولا شافنى من تحت خالص وبص على الشاشة عنده وقالى تبويضك كويس ومفيش اى مشاكل وبعدين هو خرج وانا قعدت البس هدومى براحتى المهم قعدت معانا كتير انا كنت مستغربة وقعدت ينصحنى وقالى سبيها على الله ومش هديكى اى حاجة وانتى هتحملى لوحدك قولتله طيب ادينى حقنة تفجيرية قالى لاء عشان حرام انتى تبويضك ممتاز قالى شيلى الموضوع من دماغك وهو هيجى لوحده وقالى متجيش اللا لما تتابعى حمل لان عندك مؤشرات انك ممكن والله اعلم تحملى قريب معلش انا رغيت كتير بس انا قولت احكى تجربتى بكل امانة وانا خرجت من عنده بعد نص ساعة خرجت وانا متفائلة بالرغم من انه مدنيش برشامه بصراحة دكتور ربنا يباركله انا حسيته زى اخويا انصحكم ترحوله اه هو دتور متخصص فى الحقن المجهرى وبيولد وبيتابع حمل وناس شكرت فى جامد ادعولى احمل قريب ويارب كل مشتاقة تبقى حامل قريب ياااااااااارب بحبكم فى الله رقم العياده01116377736
منة24 منة24 سوبر فتكات Fatakat 386276 فيصل – مصر
سبحان الله و بحمده