زي ماهو واضح في العنوان …الزنجبيل ده مفعوله هايل في التخسيس جدا بصوا انا جربت وصفات كتير اشهرها وصفة ماء سلة الكرنب لام نوسو نوسو وفعلا خسيت عليها بس طعمها وكمان تعبتلي معدتي وعملت كذا سيرش علي وصفات كتيرة للتخسيس ولاقيت برضه غلي البرتقال مع الليمون جربتها وبرضه النتيجة مكنتش ملحوظة زي تجربتي مع الزنجبيل …. طولت عليكو بس معلش من فرحتي قلت اقولكوا عليها ….
انا عارفة ان الزنجبيل حامي جدا وكمان لو شربتيه زي الشاي الكشري بيبقي اصعب وتشيلي هم ازاي حتبلعيهفقلت ليه محطهوش علي اللبن واشربه بجد ووالله ماحسيت بطعمه وكاني بشرب اللبن بالقرفة كدة عارفين كنت بعمل ايه
بغلي اللبن عادي جدا واشيل وشه واكون حاطة في الكوباية قبل مااصب اللبن ربع ملعة زنجبيل مطحون ونص ملعقة قرفة كنت بشربه كدا مش حاطة في دماغي التخسيس قوي علي قد ماكنت حاطة ان شرب القرفة بالزنجبيل مفيد جدا وانا اصلا بحب اللبن ومش حقولكوا الفرق اللي حصل وبجد خسيت 2 ك في 3 ايام وانا زي الباشا ولما مكنتش بلاقي لبن كنت بعمل شاي بليمون واحط ربع معلقة جنزبيل عليهم برضه مكنتش بحس بطعمه قوي وبقيت اخلي الزنجبيل ده قدامي علي طول احطه عالسلطة او علي اي اكله قدامي صدقوني حتخسوا حتخسوا يارب اكون افدتكوا وياريت لو عجبكوا مش تنسوا التقييم ده بعد ازنكوا واي سؤال انا في الخدمة… بحبكم في الله
ام لوومة ام لوومة 593890_1.gif فتكات نشيطة Fatakat 593890 القاهرة – مصر