بسم الله الرحمن الرحيم
و الصلاة و السلام علي اشرف المرسلين
السلام عليكن و رحمة الله و بركاتهالنهاردة هقولكو
علي طريقة البقسماط
الله عليه
و نبدأ بصورة استفتاحية استهلالية 100 100
اتفضلي يا فتوكة انتي و هية
ههههههههه
اولا من هنا احب اشكر و ادعو للشيف احمد القاضي
الراجل ده فعلا محترم و راقي باخلاقه
اللهم اجزه الفردوس الاعلي
مقادير البقسماط ليه
و المقادير هي
500 جرام دقيق
100 جرام زيت ( مهم زيت عشان يخرفش )
30 جرام سكر ( و ده مهم جدا عشان ده اللي بيكسب اللون الدهبي )
7 جرام خميرة فورية = تقريبا 1 م ك خميرة فورية
225 ملي مية فاترة
5 جرام ملح
من عندي اضفت م ص محلب
م ص ينسون مطحون
م ص شمر مطحون
3 م ك سمسم
2 م ك حبة البركة
الطريقة
ننخل الدقيق كويس جدا جدا
و نضيف عليه المكونات الجافة ما عدا الخميرة و السكر
و بعدين
ننشط الخميرة
نضيف جزء من المية مع السكر مع الخميرة مع بعض
و بعدين ننزل بالزيت علي الدقيق
و نحاول ندخل الزيت في الدقيق كويس جدا
و بعدين نضيف الخميرة النشطة
الي الدقيق الممزوج بالزيت
و بعدين نضيف باقي المية
و نلم العجينة كويس و نضعها في كيس بلاستيك
و نتركها ترتاح تقريبا من ربع الي نص ساعة
و بعدين نبدأ في التشكيل و دي اشد المراحل تعبا في وجهة نظري
ههههههه محتاجة طولت بال
نيجي بقي علي اهم تكة
الخبز و التسوية بتم علي نار هادية
تقريبا 160
الرف الاوسط
و براحتها خالص
اقرب
شايفين ماشاء الله تبارك الله لونه من جوا دهبي ازاي
و مش هطلب تقييم و لا غيره
بصراحة دعوة بظاهر الغيب تكفيني حتي لو ما كتبتي رد
ادعي لي في سرك
ان يربي لي ربي اولادي
و يقر عيوني بيهم في الدنيا و الاخرة
و يجعلهم حجة لي لا حجة علي يوم القيامة
و يجمعني مع زوجي بالفردوس الاعلي
و و السلام عليكن و رحمة الله و بركاته
مواضيع هذا القسم برعاية
مراميرو المصرية مراميرو المصرية 2370_11.gif فتكات ست الكل Fatakat 2370 قلب حبيبي و روحي – منصورية و افتخر