السلام عليكم ورحمة الله وبركاته
ازيكوا يا فتوكات ؟؟ يارب تكونوا بالف صحة وعافية
السنة اللي فاتت عملت رجيم لمدة 3شهور
كنت بخس في الاسبوع حوالي 3 او 2 كيلو او 1كيلو
الممنوعات :
الحلويات بأنواعها والشيكولاتة كمان – الشيبسي – السكر في المشروبات – الرز اللي بيبقى بكمية كبيرة – المقليات كنت بعتمد على المشويات بس حتى اللي كان بيتقلي كنت بخلي امي تشويه – الاكل بين الوجبات هي فاكهة وخلاااص – عايزة تشربي شاي خديلك معاه تمراية او كدا لكن حلوياات لاااا والشاي من غير سكر – الكاتشب – المايونيز – البطاطس المقلية –
المساعدات : شاي اخضر – فواكه – ريااااااااااضة كل يوووووم
أي حاجة تانية مسموح بيها بس لازم تحطي هدفك قصاد عينك عشان تجمدي حتى في المناسبات لما يتعرض عليكي لازم تبقي قوية
متروحيش تاكلي وانتي مش جعانة ابداااااا
حاجة كمان الصبح بنصحك تفطري فطار تقييل ،،الصبحية لما يجي الوزن يزيد في هرمون بيفرزه الجسم بيمنع كدا
اما بالليل العكس الهرمون اللي بيفرز بيزود الوزن عشان كدا ماتاكليش كتير بالليل
الفطار التقيل اهم حاجة فيه انه هيصبرك كتييييييييييير ان شاء الله لحد الغدا حتى وممكن تاكلي بينهم تفاحة مش اكتر
انا شخصيا كنت عالفطار علطول فووول وجبنة ورغيف عيش بالردة
الرياضة بئا مهمة جدا لن ينجح شيء بدونها لازم مشي او تمارين حتى بسيطة
العشا خليه دايما خفيف زبادي سادة او زبادي بالفاكهة – او كباية لبن – اوكباية حليب وتفاحة مش اتقل من كدا
وتذكري تحطي هدفك نصب عينيك لازم الارادة
انا عرفة ان الوضع بيبقى صعب في البداية خصوصا للي متعود ياكل حتى لو مش هو مش جعان
بس صدقيني المعدة هتتعود وهتلاقي نفسك بعد كدا تلقائي بقيتي مش عايزة تاكلي حاجات كتير
انا كنت من بعدي عن الحلويات بصراحة وبدون مباالغة بترعب منها لاني كنت بطلتها خااالص لما يجي حد يدهالي بترعب بقيت انا شخصيا ارفضها تماما حتى اختي وامي استغربوا مني بس دي بيجي بالتعود
والغدا ما تعديش تاكلي لما تطفحيها كفاية اوي 4او5 معالق رز ومنابك من اللحوم يبقى معتدل دا زائد طبعا السلطة وابعدي خالص عن المقليياااات ممكن تاكلي سمك مقلي لكن غير كدا لاااا
بالنسبة للبنات اللي بتروح مدرسة لاني انا طالبة في الدراسة اصلا ممكن تلاقي الموضوع صعب عليكي واكلك بيتلخبط من البيت للمدرسة
افطري الصبح عادي وفي المدرسة يكتفى بسندوتش فقط وعصير عادي لو العصير بسكر في حالة المدرسة لكن حاولي على قد ماتقدري في البيت يبقى من غير سكر
لما ترجعي البيت يكتفى بثمرة فاكهة وبس لحد معاد الغدا
الحمدلله انا مجربة الموضوع وبقولكم بجد كل ماهتلاقوا نفسكوا بتخسوا هتسعدوا بهذا الإنجاز
أي حاجة نفسك تلبسيها هتقدري وهتلاقي هدومك وسعت عليكي تلقائي
وياسلام كمان لو انتي هنا في جروب ف فتكات لانهم هنا بيشجعوا جااامد وانا كنت ف جروب منهم
انا حبيت اكتب النظام دا لاني عايزة اعرف الكل ان مش شرط تلتزمي بغدا معين او عشا معين او فطار معين عشان تخسي لا انتي ممكن تظبطي امورك وتاكلي كل حاجة بس بقدر
وربنا يوفقكم ياااارب كلكم واكون افدتكم في حاجة
لا تنسوني من دعائكم
nariman nariman 23614_18.gif فتكات هايلة Fatakat 23614 جدة – المملكة العربية السعودية – السعودية