حبيت انقل لكم تجربتى الشخصيه فى موضوع تثقيب المبايض
ولانه للاسف الطريقه دى لازال يتبعها بعض الدكاتره كعلاج لتكيس المبايض كخطوه اولى
بدون المرور بالخطوات الصحيحه لعلاج تكيس المبايض
وحاليا ولان الطب تطور كتير
فتكيس المبايض اصبحت له طريقه حديثه فى العلاج عكس ما كان متبع قديما
وعاوزه انبه البنات اللى مطلوب منهم يعملوا العمليه دى
متخلوهاش اول خطوه لعلاج التكيس
واعرفى ان الدكتور اللى بيطلبها منك كأول خطوه لعلاج التكيس من غير ما يبتدى معاكى بكل اللى هقوله فى موضوعى
دكتور مش بيفهم هيضيع لك الوقت على الفاضى
وعوزه انبهم ان كانت الحاله تستدعى عمل التثقيب كحل اخير
اخترى دكتور شاطر واستاذ يعمل لك العمليه لانه ممكن يبقى لها مضاعفات لو الدكتور مكنش متمكن واجراها بطريقه مبالغ فيها ،فممكن يضر بالمبيض وبمخزونه من البويضات بدل ما يعالج
وده خلاصه تجربتى اللى مريت بيها واللى حابه افيد بيها البنات واحذرهم فى نفس الوقت
ـــــــــــــــــــــــــــــــــــــــ
هبدأ لكم الاول فى تجربتى ف موضوع منظار تثقيب المبيض
وده علشان افيد البنات وانبههم الى انه مش ديما فى الاول والاخر هو الطريقه الصح لعلاج التكيسات
…
انا تزوجت ف 3/2017
وبعد زواجى بفتره واكتشافى لمشكلات تعوق الحمل الطبيعى من جانب زوجى(قله العدد والحركه)
ومن جانبى(تكيسات فى المبيض ولخبطه فى الدوره الشهريه)
قررت انى اعمل حقن مجهرى ف 11/2017
والمركز طلب منى قبل ما اروح اعمل منظار
المهم ان اصلا من وانا بنت دورتى مش منتظمه واتضح لى بعد كده انى عندى تكيسات وهى السبب فى عدم انتظامها
وبعد ما عملت الحقن المجهرى ومحصلش حمل
راقبت نفسى ووجدت ان الدوره بعد ما ابتدت تنتظم بسبب المنظار ابتدت تتلخبط تانى
وف خلال 7 شهور رجعت ملخبطه جدا زى الاول
واللى فهمته لقى بعد سنين من العمليه دى عن عمليه المنظار انها مش علاج بينظم الدوره
بالعكس دى ليها اضرار مختمله
وان احنا الاولى اننا نعالج سبب عدم انتظام الدوره(اللى هو لخبطه الهرمونات غالبا)بدل ما نثقب المبايض
انا سمعت من دكتور كلمه عجبتنى جدا
قال ان الدوره مرأه الهرمونات
يعنى الدوره الشهريه لما بتبقى منتظمه ده دليل على ان هرمونات الجسم مزبوطه
لما تكون فيها لخبطه ده بيبقى دليل على وجود خلل فى الهرمونات
بناء على كلام الدكتور وبناء وعلى تجربتى فى موضوع كى او تثقيب المبايض
نفهم اننا لازم ندور على سبب لخبطه الدوره ونعالجه صح واللى غالبا سببه بيكون لخبطه هرمونات
والا هترجع تلخبط من تانى
والحل مش عمل السونار فقط،بل لابد من عمل تحاليل هرمونات ال Fsh ,Lh وهرمون اللبن ويفضل تانى يوم الدوره
ولازم تكون دوره طبيعيه نزلت لوحدها من غير ادويه تساعد على نزولها والا هيكون نتيجه تحاليل الهرمونات غير سليمه
اما اللى دورتها اتاخرت من 45 ل 50 يوم وعاوزه تعمل تحاليل هرمونات ممكن تعملها عادى دون الحاجه لانزال الدوره باى صوره
وهتعطى صوره صحيحه لنسب الهرمونات كما لو كانت اتعملت تانى يوم الدوره فعلا(معلومه سمعتها من الدكتور بنفسى)
ولما يتضح انه الهرمونات مش مزبوطه وانه يوجد ارتفاع فى نسبه هرمون ال Lh بنسبه تفوق هرمون ال Fsh
ساعتها الحل المفروض بيكون تظبيط نسبه هرمون Lh لتكون اقل من نسبه Fsh
او تقارب من نصه تقريبا
والتكيس بصوره اخرى معناه
مرض يصيب المبايض حيث يحدث فيه اضطراب لعملية الإباضة الطبيعية بسبب خلل هرموني في الجسم و هو يكون أحيانا متلازما مع عدة أعراض تظهر معا على المريضة و حينها يسمى بمتلازمة تكيس المبايض مثل اضطرابات الدورة الشهرية و ازدياد وزن الجسم و ظهور الشعر الخشن في مناطق مختلفة من جسم المرأة , و أحيانا لا يكون للمرض أي أعراض و يمكن اكتشاف وجوده مصادفة أثناء الفحص الروتيني للمريضة.
تكيس المبيضين ببساطه يعني وجود سماكة في قشرة المبيضين وعدم استجابته بشكل طبيعي للهرمونات المحفزة للمبيض مما يؤدي إلى نمو العديد من البويضات في كل شهر بدلاً من بويضة واحدة وبالتالي عدم وصول أي من هذه البويضات للحجم المناسب وعدم حدوث الحمل
علاجه
قبل اى خطوه من خطوات العلاج لابد من التخسيس
حيث أن معظم المريضات يعانين من السمنة وقد تكون سمنة مفرطة، لذا فإن إنقاص الوزن يؤدي إلى انتظام الهرمونات وقد يؤدي إلى حمل مع العلاج البسيط، حيث أن معظم هؤلاء المريضات يعانين من اضطرابات في التمثيل الغذائي، خاصة في السكريات والدهون كما تعاني بعضهن من مرض السكري
ثم بعد ذلك لا بد من المرور بمرحلتين
العلاج يقسم على مرحلتين:
الأولى: يجب وقف نشاط المبيض حتى لا يتكون المزيد من التكيسات(المرحله دى تضم خطوه تناول حبوب منع الحمل،تناول عقار الميتوفورمين)
الثانية: بعد توقف النشاط وعلاج التكيس نقوم بتنشيط المبيض
الخطوه الاولى:تناول حبوب منع الحمل
لانها من الأدوية المستعملة لعلاج هذه الحالات حيث أنها تنظم نزول الدورة الشهرية لانه بينظم الهرمونات, وكذلك الأدوية المضادة للهرمونات الذكرية
الخطوه التانيه:تناول عقار الميتوفورمين(سيدوفاج_اموفاج_جلوكوفاج)
فانه في بعض جالات مرض تكيس المبايض يوصف دواء دواء الجلوكوفاج او الميتفورمين وقد استحدث استخدامه.. في علاج مرض تكيس المبايض وهو منشط لافراز الانسولين في الجسم..ويستخدم اصلا لعلاج مرض البول السكري في البالغين..وهو مفيد جدا في حالات تكيس المبيضين..حيث يقلل من غزارة الشعر في الجسم..ويخفف السمنة ..ويقلل ضغط الدم المرتفع..ينظم الدورة الشهرية..كما انه يحفز الاباضة واثبت فعالية كبيرة لتنشيط التبويض في حالات التكيس خاصة للبدينات..و يمكن استعمال أدوية مرض السكري 3 – 16 شهر قبل استعمال منشطات المبايض , تعتمد طول الفترة على مستوى هرمون الأنسولين في الدم في هذه الحالات .
وجرعته تختلف من حالة لاخرى ..وتتراوح بين 500 جم مرتين- ثلاث في اليوم..الى 850 جم مرتين في اليوم..وعادة تظهر فائدته بعد ثلاثة اشهر من استخدامه..واحيانا يحتاج لفترات اطول لاظهار الفائدة..
ولا يؤثر استخدامه طبعا على نسبة السكر في الدم ان تم اخذه لعلاج التكيس..
الخطوه التالته:تنشيط المبايض
هذا هو نوع من انواع الحقن تحت الجلد..يحتوي على هرمون FSH مع او بدون هرمونLH .
لتحفيز الاباضة..وكذلك لتحفيز البويضة على الخروج من الfollicle..او لزيادة عدد البويضات الخارجة في كل مرة .."عند الحاجة للتلقيح الصناعي"..
عندما تصل البويضة للحجم المطلوب ..وتكون جاهزة للتلقيح..ويكون ذلك عادة بعد مراقبة المريضة بجهاز السونار والتاكد من ان البويضة في الfollicle وصلت للحجم المطلوب..فنريد خروجها من هذا الfollicle ..ويحدث خروج البويضة عادة بعد 24 الى 36 ساعة من اخذ الحقنة..
جرعته غير محددة وتعتمد على ما تقرره الطبيبة المختصة تبعا للحالة ..
من اعراضه الجانبية..انتفاخ بسيط في البطن مع احساس بعدم الراحة..تغير الحالة المزاجية..احساس ببعض الالم في المبيضين..ومتلازمة التنشيط الزائد للمبيضينhyperstimulation syndrome ..ومعظم الاعراض الجانبية تختفي بمجرد ضمور الfollicle بعد خروج البويضة منه بعون الله..
ولو تم استخدام التلات خطوات السابقه مع المريضه
ومع ذلك مازال يوجد خلل ف الدوره الشهريه او الاستجابه ضعيفه للنمشطات وبالتالى لا يحدث حمل
يتم اللجوء لاخر الحلول ،وهو:
العلاج الجراحي لتكيس المبايض
أو ما يعرف بثقب المبيض أو استئصال جزء من المبيض بالنسبة لاستئصال جزء من المبيض فهي طريقة جراحية قديمة ولا تستعمل إلا أن تحتاج لإجراء فتح بطن مما يؤدي إلى مضاعفات كالالتصاقات والتي تؤدي بدورها إلى العقم ،وفى بعض الاحيان اذا اجريت هذه الجراحه بطريقه جائره قد تتسبب فى تلف المبيض وبالتالى فقدان مخزونه من البويضات
أما عن الطريقة الأخرى وهي الأكثر شيوعا الآن وهي إجراء عملية تثقيب للمبيض عن المنظار ألبطني ونسبة نجاح العملية تصل إلى 50 % – 70 % ولكن في بعض الحالات تصل نسبة النجاح إلى أقل من 25 % يختلف من طبيب لآخر حسب طريقة علاجه .
عملية كي المبايض بالمنظار الجراحي
وتستخدم هذه العملية في حالة فشل العلاج بواسطة الكلوميد في مرضى متلازمة تكيس المبايض وتمتاز عن العلاج بإبرة hCG بعدم حصول حمل متعدد (توأم أو أكثر) ولا تحتاج المريضة إلى متابعة التبويض بالأشعة الصوتية وينصح بهذه العملية للمرضى اللواتي يحصل عندهن استثارة في المبايض أو حصول مضاعفات مع الإبر
…
المعلومات اللى فاتت دى بتؤكد كلامى
وان التثقيب دى بتكون ااااخر مرحله او اخر خطوه لعلاج التكيسات
لان احنا لو ابتدينا بيها فى الاول او ابتدينا بمرحله التنشيط
يبقى احنا كده مش بنعالج التكيسات بطريقه صحيحه
والسبب الرئيسى اللى ادى لحدوث التكيس(اللى هو الخلل الهرمونى) لانه مازال موجود داخل اجسامنا
وده اللى بيفسر ليه التكيسات بترجع تانى بعد فتره من 6 الى 7 شهور بعد اجراء التثقيب
عشان سببها موجود ومتعالجش صح
♥♥♥♥♥
الموضوع ده تجربه شخصيه مع الاستعانه بمعلومات من مواقع طبيه
وياريت اللى تنقله بره المدونة تقول انه منقول من مدونة فتكات
غير كده مش مسامحاها
وياريت اللى شايفه ان الموضوع مفيد وممكن يفيد حد غيرها تقيمه زى ما تشوف
اسال الله ان تكون اعمالنا خالصه لوجهه الكريم
بحبكم فى الله
sokkar nabat sokkar nabat 202434_55.gif Fatakat 202434 ♥♥حضن جوزى وابنى حبايبى♥♥ربنا يخليهم لى ويبارك لى فيهم♥♥ – ◘◘بيتى اللى هو مملكتى الصغيره◘◘