السلام عليكم يا بنات
ان شاء الله زى ما قولت هروح اعمل تحليل حمل بكره ان شاء الله ونفسى تدعولى اطلع حامل علشان معملش منظار
انا هلخصلكم الحوار فى السريع كده وانتم ياريت تفيدونى بقى
بصوا انا عندى بنوته عندها سنتين وتلت شهور ولما حملت فيها حملت بمنشطات لان كان عندى هرمون اللبن عالى بس الحمد لله حملت بعد جوازى ب7شهور
المهم انى رضعت نضيف البريود مجتليش ولا مره فى فتره الرضاعه وفطمت بنتى لما تمت سنه و6شهور فى شهر 9 الى فات وروحت للدوتىكتوره وشلت اللوب لانها كانت عاوزانى اشيله لما بنوتى تتم سنه لانها كانت خايفه من ان حملى يتأخر بسبب المشكله الى عندى
المهم روحت وشلت اللوب فى شهر 9 والبريود برده مجتش روحتلها تانى وكتبلتى على حقنه اخدها وبعدها البريود جت ده كان فى شهر 10 وبعدها مجتش تانى المهم استنين شويه حوالى شهر كمان وبعدين روحتلها وقالتلى ان عندى تكيسات وهى ده الى مانعه البريود تنزل وطلبت منى تحاليل اف اس اتش وال اتش المهم طلعت نسبتهم قليله جدا يعنى الاف اس اتش طلع0.4 وال اتش طلع 0.5 وكمان طلبت منى amh الى هو مخزون البويضات فى المبيض وطلع الحمل لله كويس
المهم انى قبل معمل التحاليل ده اخدت برشام منع الحمل جينرا علشان البريود تنزل واعمل التحاليل وكنت فاكره ان لما البريود تنزل انى مش هعمل المنظار بس روحت للدكتوره ولما لقت نسبه الهرمونات كده قالتى لا لازم منظار بس على الشهر الى جاى على الشهر ده يعنى
طبعا انا باخد اموفاج علطول علشان التكيسات وباخد برشام علشان هرمون اللبن هو عندى 42
ادتنى بقى كلوميد اخده 3 مرات فى اليوم لمده خمس ايام واخد خمس حقن فوستيمون لمده 5 ايام برده وروحتلها مكنتش موجوده كان فيه واحده مساعده ليها هى الى موجوده وعملتى سونار مهبلى وبعدها حست الى مش عارفه ادخل التواليت خالص وحسيت بتقل فظيع من تحت بعدها باربع ايام والدكتوره ده كتبتلى البرشام الى هو ابيض وبنى وقالتلى اخد الابيض بس علشان بطانه الرحم ضعيفه
ولما روحت للدكتوره بتاعتى قولتلها على حوار انى مش عارفه ادخل التواليت ده عملتلى سونار ولقيت عندى التهابات بسيطه على المبيض وادتنى برشان اخده قبل الاكل بنص ساعه لمده اسبوعين برشامتين فى اليوم وقالتلى ان مفروض بعد ما اخلص البرشام الى هو الابيض ده ان البريود تنزل وانا وقفته يوم الحد الى قبل الى فات وبريود منزلتش لحد دلوقتى انا البريود جاتلى الشهر الى فات يوم 11
واخدت المنشطات من يوم السبت 22 ووقفتها يوم 26
انا استنيت ان البريود تيجى مجتش وبحس بالم فى بطنى من تحت بيروح وبيجى بس انا عملت تحليل منزلى يوم التلات الى هو اليوم المفروض تيجى فيه طلع سلبى انا قولت استنى لحد يوم السبت واروح اعمله
نسيت اقولكم انى لما روحت اعمل متابعه تبويض الدكتوره قالتلى ان فيه كميه بويضات كويسه
انا عاوزه اعرف رأيكم فى الموضوع ده
لان المشكله انى حتى لو مش حامل هرجع تانى اخد ادويه علشان تنزل البريود واعمل المنظار
ياريت تفيدونى فى الموضوع ده انا عارفه انى طولت عليكم بس معلش انا قلقانه شويه
dodo diab dodo diab 39369_1.gif برنسيسة فتكات Fatakat 39369 القاهرة – مصر
سبحان الله و بحمده