بسم الله الرحمن الرحيم
السلام عليكم ورحمة الله وبركاته
الهامبرجر بقى موضه هههههههههههههه اليومين دول عن العيال
وكل الاكل السريع المستورد دا
على ايامي كانت الطعمية والفول
ولادي بيحبوه زي كل الاطفال ومش بحب اشتريه من بره
ففضلت اجرب كل الطرق لحد ما لقيت الطريقة الافضل بأمر الله
وبشهادة اولادي انه احلى من الجاهز
عملته وصورته النهاردة
هنبتدي الوصفه والمقادير والتكات الصغيرة وبالصور
بسم الله
هتجيبي لحمة مفرومة لكمية اللي عايزاها تكون بقري ونسبة الدهون فيها
15%تطلبيها كده من الجزار
هتفردي ورق بلاستيك او اي كيس نضيف وتفردي عليه اللحمه من غير اي توابل او ملح
وتجيبي حاجه مدورة وتقطعيها
ملحوظه مش مش تخليها سميكه بسي خليها واسعه يعني اوسع من العيش
بتاع الهامبرج علشان اللحمه هتكش وهتغطس جوه الساندوتش
هتجهزي طاسه على النار فيها نص معلقة زبده وتسبيها تسخن جدا
وبعدين تنزلي الهامبرجر فيها وبعدين تهدي النار تحته وتسبيه هينزل سوايل
عادي هيشربها تاني
وعلى ما يستوي تجهزي جبنه من دي معرفشي اسمها نستو تقريبا
وتقطعي خس نااااااعم زي كده وطماطم بردو شرايح رفيعة
وممكن جزر او خيار لو تحبي وبردو شرايح رفيعه خالص
وتعملي الخلطة السحرية بتاعت المطاعم اللي بتديه الطعم
وهي كتشب على ميونيز وممكن مسترده لو بتحبيها ومعاهم رشة سكر ونص
معلقة صغيرة خل
وتقلبي الهامبرجر على الناحية التا نيه تسبيه 10دقايق يستوي
وتجيبي الجبنه وتحطيها عليه كده في الطاسه وتسبيها تسيح
وتجهزي العيش الكيزر بتاع الهامبرجر ولازم يكون طازة وطري
وتدهنيه بالكاتشب والخلطة اللي عليها
وترصي الخس والخضار للي تحبيه على ناحية
وعلى الناحية التانية تحطي الهامبرجر اللي عليه الجبنه السايحه
ولازم يتاكل في وقتها
شايفين مالي مركزه ازاي ؟هههههههههههههههه
ودا طبق اختكم في الله
اصل واحد هامبرجر لوحده ميوفيش معايا هههههههههه رجيم بقى
فزودته بمعلقة سباكتي واخدين بالكو من معلقتي صغيرة ازاي
ودا طبق للي بيحب الهامبرجر
وعملت معاه سلطة الكول سلو
بمووووووووووووووووووووووت فيها
هنزلها في المشاركة الجايه
يارب همبرجري يعجبكوا
وطبعا مش هفكركوا بالردود الهلوة والتقييم ياقمرات
ودعوة بظهر الغيب لي ولاولادي
احبكم في الله
مواضيع هذا القسم برعاية
om rana2017 om rana2017 فتكات غالية قوي Fatakat 166849 بعيد عن مصر – الغربة