اللهم صلى على سيدنا محمد فى الاولين وفى الاخرين وفى الملأ الاعلى الى يوم الدين
جالى من يومين ممبار وكمان لاول مره انضفه بنفسي
حسيت انى اتورتطت بصراحه
فضلت بصاله ومتنحه يجى نص ساعه
مش عارفه كنت متوقعه منه ايه يلم نفسه وينضف نفسه يعنى ههههههههههه
المهم استعنت على الشقا بالله
وغسلته والمفاجاه انه كان سهل
اقولكوا عملت ايه
قلبته تحت الحنفيه خليه الناحيه الدخليه اللى هتتكحت لبره
وفردت حته بحته على صنيه وبقيت احط ةملح خشن وخل مركز عليه وخمس ثوانى واكحت بضهر السكين لحد مابقا زى الفل وماتعبنيش زى ماتوقعت
وبعدين نقعته فى ميا وخل وليمون وملح ساعتين وحطيته فى مصفا كده
وبعدين قطعته بالسكينه الحجم ده
ورحت اجهز الخلطه علشان الحشو
بصلتين كبار وفص توم مكعبات انزلهم على معلقتين زيت يتشوحوا ومش بحمرهم يادوب اشم ريحه البصل
وبعدين عصير الطماطم والبهارات فلفل اسود وكمون وكسبره وحبهان وقرنفل بسيط وورق لورى
نكون غسلنا الرز وصفيناه كويس ونقطع على الخضره
ونقلب كله مع بعضه وبرجع اضيف ملح ونفس البهارات اللى حطيتها على الصلصه بس بسيط
نبدا بقا نحشى الممبار انا بحب اقطعه صغير ومنملاهوش اوى طبعا علشان ميفكش
نحط حله كبيره فيها ميه على النار حوالى تلتينها ميه
ومعلقه خل وقرنقل وحبهان حب
ووق لورى
ونخليها على النار لحد قبل الغليان بشويه
نضيف الممبار وحده وحده اول ماهينزل فى الميه هينكمش
وبعدين نسيبه على نار متوسطه لحد مايستوى
ونتاكد منه سواه لما نلاقى الرز جوة استوا كويس
والممبار من بره بيتقطع بسهوله
نشيله على مصفه ينشف ويبرد كويس قبل التحمير
يجننننننننننن مش كده
واحنا صغيرين كنا بنتخانق على الرز المحروق اللى ف الجنب ده ههههههههه
وكمان عملت بطاطس وبفتيك علشان فى فسله صغيره مش بتعرف تاكل الممبار
البوفتيك بجيب وش فخده بتلو وبحطها ف التلاجه ساعه واطلعها اقطعها شرايح رقيقه على قد مااقدر واتبلها وادقها كويس بين كيسين نايلون
وبتبله بميه بصل وبهارات
وبعدين ف دقيق وبيض وبقسماط واحمره
انا كده خلصت ومستنيه ردودكم الجميله
يلا خدوا بوسات
دى تجارب البنات
49 مواضيع هذا القسم برعاية
AS YOU LIKE IT AS YOU LIKE IT 578431_5.gif سوبر فتكات Fatakat 578431 القاهره – مصر