السلام عليكم ورحمة الله وبركاته يا فتوكات يا قمرات انتو
انا النهاردة جيت وجبتلكوا معايا طريقة عمل الكاتشب فى البيت واكيد بيكون مضمون عن الكاتشب البرة
بصى بقى ياستى
المقادير
5 ثمرات طماطم كدة حلوين وحمر زى خدود القمر القاعدة هناك دى ايوة انتى يا قمر المهم
7 فصوص ثوم
بصلة كدة حلوة ومتوسطة
ربع كوب خل بس ماتكتريش ياموزة
3 ملاعق سكر صغيرين
1 ملعقة صغيرة ملح
المهم بقى ياستى الطريقة
(1) تقطع الطماطم زى السلطة كدة وتقطعى البصلة إلى حلقات وتقطعى الثوم إلى قطع صغيرة
(2) تحطى ياستى الطماطم والبصل والثوم على النار لحد ماتطرى
(3) صفى نصف المقدار دة بقى بمصفاة صغيرة
(4) حطى ياستى بقى بقيت المقدار التانى ال احنا سبناه على النار مرة تانية وحطى بقى عليه الخل والسكر الملح وقلبيه حتى يصبح غليظ القوام
(5) صفى بقى المقدار دة وضيفيه للمقدار الأول ال أحنا صفيناه وسبيه يبرد
وبألف هنا وشفا على قلبك
والله انا جربته احلى من الكاتشب البرة مية مرة
بس استنى انتى هاتروحى تنفذى من غير التقييم يلا يابت منك ليها فين التقييم مواضيع هذا القسم برعاية
the queen of the world the queen of the world 1025518_1.gif فتكات حبوبة Fatakat 1025518 الجيزة – مصر
سبحان الله و بحمده