بسم الله الرحمن الرحيم
—————–
الفطاير دى يا فتوكات سهله وبسيطه وشكلها شيك فى نفس الوقت
تنفع فى اعياد الميلاد او الرحلات والمصايف
وهيا غير الفرسكى التونسى خالص
ممكن تكون شكلها انما مكوناتها غير
المقادير
——-
2 كوب دقيق -معلقة خميرة فوريه -معلقة ملح
معلقة سكر -3 معالق زيت -حليب دافىء للعجن
الطريقه
———
نحط كل المكونات على بعضها وننزل بالحليب لحد العجينه ما تتلم معانا
ونسيبها تخمر ساعه
نحضر الحشووو
——–
اى حشو تفضليه شغال
انا عملت حشوة فراخ وحشوة تونه
حشوة الفراخ طريقتها هنا
https://fatakat.univanet.com/#1540617
دايما بعملها لاى فطائر
التونه
—-
علبة تونه متصفيه تمام عليها مايونيز وبصل اخضر وفلفل اخضر
وملح وفلفل وليمون وخل
العجينه بعد ما خمرت نفردها على رشة دقيق ونقطعها دوائر
ونكون مجهزين الزيت حامى وننزل بالدواير
بمجرد ما بتنزل فى الزيت بتتنفخ لانها ارتاحت وخمرت تمام
طبعا واقفه جمبها بتتحمر بسرعه
منفوخه زى الكور الصغيره نفتحها بسكين مشرشر
ما تخافوش مش بتشرب زيت خالص
حشيتها حشوات منوعه
كيرى وفراخ وتونه
ولبنه وزعتر
بتعجب الاطفال اوى على فكرة
والطبق دا كنت واخداه لاصحابى حبايبى
حنه ولولو
وفيفا010
اتمنى تكون وصفتى عجبتكم
وبالله عليكم التقيييم يا احلى فتوكات
فى حفظ الله
مواضيع هذا القسم برعاية
ام سمر وسالى وسلمى ام سمر وسالى وسلمى 183529_26.gif سوبر فتكات Fatakat 183529 الزقازيق – ام الدنيا