السلام عليكم ورحمة الله وبركاته
النهارده جيبالكم عشا خفيف وهادى فعلا يعنى خفيف ومش محتاج مجهود كبير منك
التوست وعليه جبن مختلفه والجبن دى هقولكم على طريقتها اول حاجه انا جايبه طريقة الجبنه الكاسات
من فتوكه هنا مشكوره طبعا ……..وسلطة الجبن بتاعتى هقولكم على طريقتها انا بجيب قطع جبن رومى
مكعبات مقطعه صغير وقطع لانشون او هوت دوج براحتكم برده مقطعه مكعبات صغير عليهم ملعقتين بقدونس مفرومين
و4 ملاعق كبيره كاتشب وكلهم على بعضهم نقلبهم ونسيبهم فى التلاجه ساعه
انا جيبت التوست بتاعى من بره جاهز ودهنته بالجبنه الكاسات اللى انا عملاها وبعدين شكلت حطيت جبنه
رومى مقطعه وزيتون دا كده فى واحد وواحد تانى برده دهنته برده بالجبنه الكاسات وحطيت عليه سلطة الجبن
اللى انا عملتها وزيتون ودخلتهم الفرن ودى صوره ليهم
يا دوب ندخلهم الفرن مش كتير لو الفرن سخن يبقى دقيقتين او تلاته كفايه عشان متنشفتش اوى منك
ودى زوووووووووم عليها من قريب
ودى واحده بقى شكلتها من كل حاجه يعنى دهنت التوست الاول من الجبن الكاسات وحطيت عليها من
سلطة الجبنه وجبنه رومى وزيتون ودخلتها الفرن برده خدت لون بسيط ودى صوره هتوضح
وكده انا الحمد لله خلصت ويرب يعجبكم وضوع النهارده
ولو عجبكم الموضوع
مواضيع هذا القسم برعاية
mero_sh mero_sh 326490_4.gif فتكات غالية قوي Fatakat 326490 الدقهليه – القاهره