ازيكم يامزز عاملين ايه انهارده جيبالكم طريقه عمل الشاورما على طرقتى هتعجبكم باذن اللله جوزى بيموت فيها والاهم العيش اللى اول مره اجربه لانى كنت بعمل قبل كده التورتيلا. بس ده جربته وبجد جوزى مبطلش حلفان انه زى المطاعم اللى كان بياكل منها فى طعمته وجماله ورفعه واول حاجه هورهلكم صور الاكل واللى معجبهاش متكملش الموضوع واللى عجبها متنساش دعوه حلوه والتقيم
ده من جوه السندوتش بصو العيش رفيع ازاى مش عايزه اقولكم انا كنت باكل لحمه مش عيش غير كده الطعم اللى باين من العيش رائع
اول حاجه هبدالكم بالعيش
مقاديره شبه الفطير اوى
4 كوب دقيق كبيره
رشه ملح
3 معلاق كبار زيت بس انا عملته بسمن سايح وده بامانه اللى اداله طعم رائع
ماء دافى
كله على بعضه ويتعجنه مع بعض كويس جدا جدا لحد ماتلم وتكون كويسه معلش مصورتش الخطوه دى
بعدين هنعملهم كور متساويه وتتدهن بالزين كويس اوى بس زى ماقولتكم اناعملته بالسمن وتتغطا وتساب ترتاح ساعه كامله عشان متتقطعش وهى بتتفرد
بعدين هنبدتى نفرد بس هندهن سممن ونفرد عليها يعنى هندهن الطربيزه سمنه بعدين نحط الكوره وندهنها سمن ونفرد واحده واحده بالنشابه
بعدين السواء بنسخن طاسه تيفال كويس اوى او طاسه تكون كويسه مش مخدوشه وتكون متساويه وندهنها سمن بسيط ونحط العيش واول ماتظهر فقاقيع العيش نقلبه على الناحيه التانيه وهيبقه بالشكل ده
بس كده لحد ماالكميه تخلص وفى تكيه هقولكم عليها فى الاخر
نجى بقى للشاررما
بصو بجيب لحمه عاديه قطع وبخليها تجمد نص نص فى الفريزر واقطعها وهى مجمده عشان تتقطع رفيع وطبعا احسن بكتير تكون لحم بفتيك عشان تبقه ارفع
بعدين نتبلها عملت تتبيله ب ربع كوب صغير لمون وربع كوب زيت زيتون وحبهان بودر او فصوص حبهان وملح وفلفل وكسبره وتوم وبصل بودر سماق ونعناع وزعتر وكل اللى تحبه وحطيت معلقه زبادى وشلتها لتانى يوم انا كنت بعملها قبل كده واسبها ساعه بس وبتبقه نفس الطعم. بس اناعشان مستعجله تانى يوم
اول مااجى اعملها بجيب طاسه واحطها فى الطاسه على نار متوسطه ومن وقت للتانى بقلبها وبتستوى لوحدها فوى تلت ساعه بظبط
بعدين فى الاخر خالص بقطع الخضار بصل وفلفل الوان واللى تحبيه وطماطم بقى وكده واحطهم اقلبهم تقلبتين ياخدو الطعم بس ميتهروش عشان طعمهم يبان وبتبقه الوانها حلوه اوى
اجى بقى للف اه نسيت اقولكم بعمل سلطه طحينه واحط منها معلقه كبيره ملينه على اللحمه المهم تجيبى العيش تحطى الصوص اللى انتى عايزه والافضل طبعا التوميه بعدين بحط شريحه خيار مخلل بعدين اللحمه بعدين صوبعين تلاته بطاطس محمره وحطيت هنا مسطرده وهوت صوص ومخلل بصل بس عكست بس فى اول ساندوتش المهم وابتدى الف الجناب بعدين اللى تحت والف رول لحد الاخر ولو مثبتش معاكى اقفليه بخله سنان موقتا
الخطوه الاخيره بقى بجيب طاسه واحط حتت سمن صغيره اوى واحط العيش على نار متوسطه. وبضغط عليه بطبق
دقتين على كل جنب يتحمر وعايزه اقولكم بقى امابيتحمر بيديله طعم حلو اوى اوى وبيلزق فى بعضه ومش بيحتاج خله سنان ولا حاجه واللهبنا شاهد بيبقه زى المحلات بظبط
بس كده ابقى خلصت يارب يعجبكم بس لازم تجربه وده لينك اللى جبت منه العيش وفى طريقه للشاورما حلوه اوى نفسى اجربها بس امكانيات البد مش سامحه مش عايزه غير دعوه حلوه ربنا يسهلى ولادتى وافرح بابنى ويحفظلى بيتى وبنتى ويوفق جوزى والتقيم طبعا
ممنوع وضع روابط يا قمر
الادارة
مواضيع هذا القسم برعاية
Thnaa mohammed Thnaa mohammed فتكات متميزة Fatakat 1173647 fredericton – Canada