ازيكم يا قمرات .. حاقولكم على اختراع اخترعته عشان اعمل السوتيه زى بتاع المحلات
يعنى يكون لون الخضار زى ما هو و يكون فى نفس الوقت مستوى و بيقرقش كمان
فكرتى كانت لما لاقيت عندى مصفاة استانلس .. جبت الخضار السوتيه بتاعى ( كوسة + جزر + فاصوليا )
ممكن اللى عاوز يضيف مشروم او بروكلى اللى يحب يعنى و تقطعيهم على شكل شرائط طوليه
وبعدين تجيبى حلة و تحطى ميه و تسيبيها تغلى على النار ( نص الحلة تقريبا ميه ) و بشرط تكون الحلة دى نفس مقاس المصفاة الاستانلس و بعدين تحطى الخضار فى المصفاة دى و ترشى رشة ملح خفيفة اوى ( لو زودتى الملح يبقى الخضار السوتيه مالوش معنى و لا فايدة ) و تحطى المصفاة على الحلة اللى فيها مية بتغلى و تغطى المصفاة بغطا الحلة و سيبيها و بعد شوية ابقى قلبى الخضار فى المصفاة لحد ما تلاقيه استوى اطفى عليه و شيلى المصفاة او اقلبى السوتيه فى طبق
و بالف هنا و شفا مواضيع هذا القسم برعاية
شهد و مر شهد و مر فتكات هايلة Fatakat 298563 القاهرة – مصر