الجزء الرابع من اكلاتى السريعة لخطيبى حبيبى الى دايما بيفاجائنى

بسم الله الرحمن الرحيم
ازيكم يافتوكات عاملين ايه النهاردة جبتلكم اكلة جربتها عملتها قبل كدا عضوة ( ام دادة ) بس طبعا انا لازم احط لتاتش بتاعى ومعملاتهاش هى هى ضفتلها شوية حاجات

كفتة فراخ بالصوص الاحمر مع رز ابيض وسلطة خضرا
صورة تشوقيه كدا

وندخل ع المقادير
نص صدور فيليه او بواقى فراخ موجودة عندك ومخلية من العضم ومفرومة –

بهارات فراخ – حبهان مطحون – سماق – كمون – فلفل اسمر- ملح- شطة
بقدونس مفروم – بصل مفروم



تفرمى الفراخ او الصدور فى الكبه وتطلعيها تحطى مكانها البصل تطلعيه وتعصرى ميته منه وتركنيها هنحتاجها وبعد البقدونس يعنى تفرمى كل حاجة لوحدها
تحطى كل الى فرمتيه على بعضه مع البهارات زى الصور كدا

وبعدين صنيه مدهونة زيت خفيف وتكورى بايديكى وبميه البصل وقطع صغيره

وتدخليها الفرن تحمر
تكونى عملتى الصوص بتاعها
معلقة الزيت فى حلة وبعدين تنزلى بالثوم المفروم ومعلقة خل صغيرة وتحمريه زى كدا

وتنزلى بالطماطم المفرومة وحبة ملح وفلفل اسمر بس

وكدا بعد ما اتسبكت

تطلعى الكفتة من الفرن هى احمرت منى اوووى عشان كملت تحمرها على البوتجاز عشان الوقت اخلص بسرعة

وتنزليها فى الصوص مع كوباية مياه وتاخد غلوه بس

وتقدميها انا قدمتها مع رز ابيض وسلطة كانت وهمممممممم

بس وكدا خلصت التقييييييييييم ياقمرات

ودول بلا فخر سلسلة الاجزاء
اكلاتى السريعة لخطيبى حبيبى الى دايما بيفاجئنى ‏
https://fatakat.univanet.com/#5704371
الجزء الثانى من اكلاتى السريعة لخطيبى حبيبى الى دايما بيفاجئنى
https://fatakat.univanet.com/#5722412
الجزء الثالث من اكلاتى السريعة لخطيبى حبيبى الى دايما بيفاجئنى
https://fatakat.univanet.com/#5734552

مواضيع هذا القسم برعاية

فرحه نونه فرحه نونه فتكات متميزة Fatakat 440834 الغربية – مصر

سبحان الله و بحمده