اهلا بيكم بالجزء الجديد
الجزء التالت من اتباعنا لرجيم اللقيمات
انا ببارك لكل واحده تابعت معانا النظام وخست عليه
وعايزة اقول لاصحابى الفتوكات القدام والجديد بردك
صحيح بنجيب نتيجه
بس ده معناه اننا فى الجزء الجديد ننوى بجد بجدية اكتر واكتر واللتزام اكتر واكتر
يالا نبدأ فى شرح النظام
النظام ده نظام حياة يا فتوكات
يعنى موش هخس وارجع اعك
ميزة النظام ده
—
-انه اللى بتخسية موش بترجعية تانى
– موش محرمه من اى نوع من الاكل حتى لو كان مسبكات
النظام ده شرحه اهو ركزو كويس اوى فية
نظام اللقيمات عبارة عن الوجبة المرحة ومعاها خمس لقيمات فقط لا غير والنظام كالتالى :
ان النظام دلوقتى دون التقيد بالمواعيد
في الفطار ( ربع رغيف بلدى ومعاه قطعة جبنة لايت
او بيضة مسلوقة
اومعلقة كبيرة حلاوة
او 2 ملعقة كبيرة فول
ومعاه شاى بلبن ولو لبن نيدو يبقى معلقة واحدة وبس
وممكن مايكونش فيه فطار خااااااااااااالص ممكن تبدا يومك عادى بثمرة فاكهه او تبدأيه بلقميات
واللقيمات ودى ليها حاجات كتيرة مختلفة
دى امثلة مختلفة للقيمات
1- اى ثمرة فاكهة " اى نوع مفيش اى حاجة محظورة خالص"
2- ثمرة خضار " اى نوع مفيش اى حاجة محظورة "
3- نص كوب لب او ترمس
4. نص كيس شيبسى
5. اى نوع عصير " هتاخدى لتر على خمس لقيمات بشرط لا يزيد معدل السكر في اليوم كله عن خمس معالق"
6. كبشة فشار
7. اى مشروب به لبن مثل نسكافيه او سحلب اى حاجة
8. تلت الكف بيتزا " يعنى نص مثلث "
9. قطعة بسبوسة حجهما اد علبة الكبريت
10. لو عايزة تاخدى شاى بلبن في اللقيمات يبقى كوب شاى بلبن ويكون ربع كوب لبن والباقى شاى ومعاه ممكن تاخدى نص الربع رغيف ومعاه طبعا اى غموس
11. ممكن كوب لبن مع بقسماط ودى ممكن لقيمة في الصباح ولو هتكرريها يبقى هتكون لقيمتين يعنى هتاخدى كل حاجة فيهم كلقيمة
12. نص كوب شوربة خضار او نص كوب شوربة لسان عصفور
13. 2 برقوق او 1 برقوق ومعاها 2 ملعقة شوربة
14. نص كوب سلطة
15. واحدة زبادى
16. عدد 2:3 بسكوت
17. ربع رغيف او واحدة توست او اقل ومعاها اى غموس
18. 3 بلحات
19. تلت كوب عنب
20. نص كوب بطيخ او كنتالوب
21. قطعة صفيرة من الشيكولاته اد تلت الكف
22. نص كوب صغير من الايس كريم(فى حجم معلقتين الاكل اللى بناكل بيهم )
23. ربع ساندوتش من الفاست فودز
24. نص كوب لبن
25. نص كوب عصير
26. خوخة واحدة
27. كبشة فنكوش
28. علبة تونة بس هتتقسم على لقيمتين
29. لو عايزة تاكلى سمك في وسط اليوم " مفيش ادنى مشكلة كليها بس تكون اد تلت الكف"
30. واحدة كحكة
31. اتنين ارصيا
32. بالنسبة لعصير القصب " نفسى فيه اشربى يا حبيبتى ولا يهمك " بس يكون اد نص كوب من بتاع البيت ملعقة شاى بللبن بودرة اللى هو نيدو ومعاه شاى
33. ربع رغيف مع بطاطس مسلوقة
34. اتنين صوبع محشى كل ساعتين
35. نص كوب فول نابت
36. ممكن تكون طول اليوم حلويات بس تكون اد علبة الكبريت ولو كيكة تكون اد تلت الكف
37. نص علبة تونة ولو هتاخدى معها عيش يبقى 1:2 معلقة بالكتير
38. لو هتاكلى كورن فليكس مع اللبن هتاخدى نص كوب كلقيمة
39. او نسكويك باللبن هتاخدى برده نص كوب لقيمة
40. الارز باللبن " تاخدى منه نص كوب كلقيمة "
41. قطعة شيكولاته اد علبة الكبريت
42. واحدة خوخة
43. . قطعة خبز (1/4 رغيف بلدي أو أقل، أو قطعة توست أو جزء منها) بها أي غموس (ملعقة فول – بيضة أو نصفها – ملعقة جبنة من أي نوع – ملعقة مربى أو عسل – ملعقة حلاوة طحينية
44. بعض حبات المكسرات (3- 5 حبات بندق أو لوز أو 5- 10 حبات فول سوداني).
45. ثمرة فاكهة أو خضار أو نصف ثمرة، ولا يوجد ما نحرم الناس منه؛ فيمكن تناول نصف ثمرة من المانجو
أو الموز
– 2ثمرة تين
– 3 بلحات
– 1/3 كوب عنب.
4.1/2 كوب بطيخ أو كانتلوب
46. نصف كوب صغير من الآيس كريم أو من الزبادي
47. نصف مثلث بيتزا أو ربع ساندوتش من الفاست فودز
48. 2 قرقوشه
49 – قرصه صغيرة لو كانت كبرة تخدى نصها
50- الفطير المشلتت تكلى منه قطعه قد الكف
51- لو الفطيرة صغيرة تعلى ربعها
(كلقيمه )
52- الباتون سلية ليكى 3 اقصى حاجه
53- البقسماط الطويل الكبير واحد لو قصير وصغير 2
54- ليكى 2 بيضه مسلوقة
لو البيضه كبيرة تبقى واحده
واللقيمات دى يا جماعة تاخديها كل ساعتين لحد قبل ميعاد الوجبة المرحة بساعتين
بصى بقى قبل الوجبة المرحة بساعتين هتعلمى ايه هتاكلى سودانى او لوز عشان يشبعك ومتحسيش انك عايزة تاكلى كتير ده بقى نظامه ايه
في الساعتين اللى قبل الوجبة المرحة هتاكلى 3 حبات لوز او خمس حبات سودانى وده كل نص ساعة بمعنى لو اكتلى في الساعتين دول كل نص ساعة يبقى هتاكلى بعدد 12 لوزة او بعدد 20 سودانى
" بس هنا فيه ملاحظة لازم مضغ السودانى او اللوز مضغا جيدا وفي خلال الساعتين دول ما تشربيش ميه خالص عارفه ليه عشان انتى لما بتاكمليهم بيحسسوكى بالشبع ولو شربتى ميه يبقى اكنك معملتيش حاجة وبينزلوا من نقظة الشبع اللى في معدتك فالاحسن متشربيش ميه"
كلام جميل اوى لحد هنا
ملحوظة السوادنى للنس اللى مبتقدرشى تمسك نفسها فى الاكل لكن هو موش اساسى
الوجبة المرحة بقى ودى عبارة عن ايه يا قمر
للوزن اللى فوق 90 كيلو هتاخد كوب الا ربع نشويات ومعاه كوب الا ربع خضار ومعاه قطعة بروتين اد نص الكف او ربع فرخة
وللوزن اللى تحت90 كيلو هتاكل الاتى
( نص كوب نشويات ومعاه نص كوب خضار ومعاه قطعة بروتين اد الكف ومعاه قطعة حلوى اد علبه الكبريت )
بصوا بقى النشويات في النص كوب عبارة عن ايه
1. اربع الى خمس معالق رز او مكرونة
2. نص رغيف عيش بلدى
3. حجم الكف رقاق او بيتزا
باللنسبة للمحشى للى فوق ال 90 كيلو هتاكلى 15 قطعة
واللى تحت ال 90 كيلو هتاكلى 12 ورقة عنب
ولو مشكل هتاكلى خمس ورق عنب ومعاها 3 كرنب ومعاها 1 بذنجان وحتة لحمة و كوب ونص سلطة
لو هتاكلى جلاش باللحمة هيكون اد الكف ولو معاها لحمة يبقى هتشيلى من الجلاش يعنى هيكون نص الكف جلاش والنص التانى لحمة
والحلوى بقى عبارة عن ايه
1. ممكن تكون بسبوسة اد حجم علبة الكبريت
2. قطعة جاتوه " بنفس الحجم اد علبة الكبريت"
3. 2 معلقة ايس كريم
4. اى نوع من الحلويات انتى نفسك فيه بشرط اد علبة الكبريت
5. طب انتى مش عايزة تاكلى حاجة حلوة مفيش مشكلة عايزة تشربى مشروب اشربى ممكن تشربى اى مشروب عادى بحجم كوب او ممكن تاخدى اى نوع عصير هيكون نص كوب
6. مش عايزة ولا عصير ولا مشروب ولا حاجة حلوة مش مهم خدى اى قطعة فاكهة
ومع كل ده هتاخدى طبق يحتوى على سلطة خضراء ومعاه معلقة زيت زيتون لعلاج الامساك
ملاحظات عامة على الريجيم ده
1. شرب المياة بيكون من 8 الى 10 كوب مية في اليوم ويكون اما قبل الوجبة او اللقيمة بعشر دقايق او بعدها بساعة عشان مايزدشى عندك كرش
2. البعد التام عن المقليات في اول 3 شهور
3. يفضل ما تزوديش من البيبسى
4. لو انتى من النوع اللى بيجوع اوى ممكن تاخدى 2 حبة سودانى كل نص ساعة طول النهار او قبل كل لقيمة هتاخدى 2 حبات سودانى
5. السودانى ده مش شرط بس هو بتاخديه عشان تحسى بالشبع مش اكتر
6. المشروبات السحرية والكلام ده كله مش لازم تاخديه عشان الريجيم ده مش محتاج اى عوامل مساعدة خالص
7. خلى بالك ان السكر مايزدشى عن خمس معالق
8. ممكن نظام ريجيم اللقميات مع سن انقطاع الدورة بس هتكترر من البنفسجيات علشان نسبة الحرق ترتفع في الجسم
9. لو لغبطى في يوم وعكيتى ايه اللى يحصل لازم تتعاقبى وعقابك كالتالى ( اليوم اللى بعده هتلغى الوجبة وهتقضيها طول اليوم لقيمات )
10. عصير الليمون مش لقيمة ده مشروب عادى
11. ممكن تعملى الريجيم السريع وفيه هتلغى الوجبة وهيكون كل يومك اقيمات وهى من 10 – 12 لقيمة
12. ولتزويد معدل الحرق وده يا جماعة مهم اوى في اول 3 شهور عشان تزودى من معدل الحرق للدهون هتاخدى دول كلقيمة
• 3 حبات فراولة او نص كوب
• 2 معلقة كبيرة زبيب
• اتنين معلقة بابا غنوج
• واحدة باذنجان مسلوق
• تزودى من الكرنب الاحمر مع السلطة
• 2 ارصيا
• 2 برقوق
• نص كوب عبن اسود ممكن في الوجبة المرحة تاكلى رز وبطاطس بالنسب المحددة
• لو الاكل دهونه قليلة ممكن تاخدى كوب منه في الوجبة مع ملاحظة انك تبعدى اللقيمة اللى بعدها ب 3 ساعات بدل ساعتين
الصيام اولا :ــ
نبدأ افطارنا بشرب
1- كوب ماء او كوب لبن او كوب عصير بالاضافه الى تناول من تمرة الى 3 تمرات .
ثانيا :ـ عقب صلاة المغرب :ــ
اولا الشراب :ـ يمكن ان يكون الشراب من اى من التاليه وبحد اقصى مقدار كوب ونصف من عصير او شوربة او شوربة عدس او كوب واحد خشاف او شاى بلبن اة نسكافيه بلبن مع حليب مع قطعه سكر
مثال 3/2 كوب عصير او شوربة او
اوكوب شاى بلبن
براحتك انتى بقى اختارى اللى تحبيه
ثانيا الطعام :ــ
يمكن ان يوضع الطعام فى طبق او اكثر ولكن لايزيد حجم الطعام كله عن كوب ونصف والافضل ان يحتوى على جميع العناصر الغذائية ومنها
1- نشويات ( مكرونه ارز خبز بطاطس )
خضار مطبوخ
سلاطة خضراء مع معلقه زيت زيتون كمبيرة
بروتينات ( قطعه صغيرة من لحم دجاج سمك 3 بيضات او قطعه جبنه
ويمكن تناول قطعه صغيرة من الحلوى
مثال اخر
حجم الكف مكرونه بشاميل + كوب سلاطة خضرة + قطعه صغيرة من الحلوى + قطعه صغيرة لحم
ملحوظة :ـ الاطعمه التى تقدم على هيئة قطع مثل ( المكرونه البشاميل او الرقاق ) حجم الكف يساوى حجم الكوب
بعد صلاة التراويح
يتم كل ساعتين تناول كوب او اكثر من الماء ثم بعد مرور عشر دقائق ثمرة فاكهه من اى نوع
وجبة السحور
1- كوب او اكثر من الماء + كوب شاى بلبن + كوب زبادى
2- ربع خبز + 3 ملاعق فول كبيرة او 2 بيضه او قطعه جبنة
دى اسئلة جاوب عليها الدكتور محمد الهاشمى نفسه
* هل حبوب بذر الكتان وزيت بذر الكتان والزيت الحار انهم بيعلوا فى حرق الدهون ؟
– انه ما فيش حاجه بتحرق دهون حتى لو مشروبات لان اللى بيحرق الدهون هيه اما الغده الدرقيه او الدهون البنيه ودى بتقوم بنفس المهمه و بيزيد نشطها بالنفسجيات وبتاخد فتره ثلاث شهور علشان كده هم قالنا اننا نمنع المقليات فى الفتره دى علشان تتكون الدهون البنيه
* ممكن اشرب ميه بعد الاكل ؟
– من الافضل انك تشربى قبل الاكل ب10 دقائق هيكون احسن لكن لو فى حاجه ماسه لكده خلاص عادى ممككن تشربى كوبايه
* لو عايزه اخد مع المكرونه البشامل او الجلاش قطعه لحمه
– انك فى الشهر الاول ممكن تاخدى اد الكف مكرونه ونصف الكف حته اللحمه وده لانك فى مرحله التدريب ولان الرجيم ده بيعتمد على التدريج يعنى وحده وحده لكن بعد كده فى العادى يعنى مثلا اللى عامل الرجيم من فتره ممكن ياخد 34 مكرونه او جلاش وربع الكف لحمه
* هل ممكن اخد كيس البيك رولز كله كلقيمة ؟
– انك تقسميه علشان المخ يتعود لانه الرجيم ده اسمه الرضا المؤجل يعنى انك هتاخديه لكن بعد ساعتين
* هل اللبن والبلح يبقى كتير على لقيمة ؟
– لا مش كتير بس انتى هتاخدى 34 كوبايه لبن عادى او بودره و3 بلحاتلان الرجيم ده لايهتم بالسعرات وانما ببركه هدى النبى صلى الله عليه وسلم
* هل الحاجه الساقعه بتزود الوزن ؟
– قالى احنا بناخد كل حاجه علشان ما يبقاش نفسنا فى حاجه لكن من الافضل ان اى مشروبات غازيه تكون نصف كوب فى اليوم وممكن لو عطشانه تاخدى قبلها كوبايه ميه بس هيه مش لقيمه
* هل عصير البيور بدون سكر هل هو لقيمه ؟
-ايوه لقيمه
* هل ضعف العضلات بيضعف من مستوى الحرق ؟
– ايوه بس فى الرجيم اللقيمات مافيش ضعف فى العضلات لانك بتاكلى كل انواع الاكل والكربوهيدات ولكن ممكن تعوضى ضعف العضلات دى بعمل تمارين البطن والطهر لتقويه العضلات
* واحدة مشاكل فى المعده ما تقدرش تاكل سودانى ؟
– انها ممكن تاخد بيضه مرتين فى اليوم بيضه وبعد ثلاث ساعات بيضه تانيه وده هتقوم بنفس مهمه السودانى وهيه تحفيز نقطه الهاشمى لشبع المعده
* بديل السودانى ؟
– جوافة كبيرة مقطعة ارباع بالبذر كل ربع ف نص ساعة ودلوقتى بديل اخر بيضة كل 3 ساعات
* في الصياااااااااام ؟
هتاخدى كوبايه عصير وكوبايه ميه وكوبايه شوربه مثلا او شاى باللبن وده فى بدايه الفطار علشان نسكت مركز العطش وبعد ربع ساعه يعتى تقريبا عقبال ما تصلى المغرب هتاكلى كوب ونصف اكل وكوب ونصف سلطه
* في الصيااااااااااااااام ؟
– هتاخدى السودانى بعد فطار المغرب وده ممكن ولانه هيقوم بمهمته لانه على المدى البعيد بيحفز نقطه الهاشمى لشبع المعده مش بس بيخلينا منحسش بالجوع لفتره ولكن على طول
* بالنسبة للحامل و المرضع؟
– اولا الحامل ودى الدكتور محمد الهاشمى قال انها مش هتزود كميه اللقيمات ولكن هتكتر من لقيمات البروتين زى صوباع كفته كل ساعتين او حته لحمه اد تلت الكف او بيضه والكاليسوم مثل الجبن بانواعها واللبن ولكن الوجبه هتكتر لما الوزن يكتر والمفروض انها تزيد 10 كيلو فوق وزنها وده وزن الطفل والميه اللى حوليه واو اما تولد اكيد هيزلو ا على طول غير انها مطبقه النظام فهتلاقى نفسها خسه بمجرد اما تولد
اما المرضع و دى تكتر من السوايل العصاير و2 كوب لبن يوميا على لقيمتين وممكن تاخدى معاهم 3 ؛4بسكوت
* اى مشروبات اخرى زى الجنزبيل والقرفة او لمون مع مية سخنة على الريق ؟
– كله ده كلام فارغ دى مش بتحرق دهون ولكن بتحرق مصارين
* لو هتاكلى سندوتش فول وطعمية ؟
– هتاخدى نصه وبس لو هتاكلية مع الفطار
* لو بتجوعى بليل اوى ؟
– ممكن تاخدى حبيتين سودانى او وحده لوز كل نصف ساعه
– ولو السودانى بيتعبك ممكن تاخدى لوز او 2 بيضه كل ثلاث ساعات وحده وبرضه هتؤدى الغرض نفسه للشبع
*السمكه لو لقيمه يبقى اد تلت كفك ……….
*الريجيم السريع ؟
– الوقت واحد فى الرجيم نفسه لكن هيه 12 لقيمه علشان انتى منعتى الوجبه اللى هيه اكبر ومن اللقيمات بس ازاى تقسميهم فى الوقت اكيد طبعا دى حسب وقتك انها من 10:12 يعنى بتفرق مع اللى بيصحى بدرى عن اللى بيصحى متاخر تقريبا و لو طبقتيه صح هتنزلى 2 كيلو فى الاسبوع
– وكل اللى عايز ينزل بسرعه انك تزودى البنفسجيات فى اكلك يعنى زى البتنجان والكرنب الاحمروالارسيا او الفروله
– لازم يكون فيه عيش علشان العضلات والجسم مايتعبش
* بالنسبة للسندوتشات الماكدونلز الحجم الكبير ؟
– وده من "الوجبات السريعه " هتاخد نصفه فى الوجبه والنصف التانى على مرتين كلقيمه
* واحدة معظم لقيماتها نشويات يا بسكوت يا عيش يا كيك ؟ وبتسأل هل ممكن يأثر تأثير سلبى على نزول الوزن ؟؟؟
– ايوه طبعا وده كان سؤال للدكتور محمد الهاشمى وكان السؤال ان وحده بتحب العيش ممكن تكون كل لقيمتها عيش وقال ممكن لكنه مش مستحب ومن الافضل التنويع لتطوين الدهون البنيه
فحاولى التنويع وده ممكن يكون سبب لثبات الوزن او النزول البطيئ
* لو اكلت ونمت يحصل حاجه ؟
– لا ابدا عادى بس من الافضل انك تستنى شويه بعد الاكل
* هل الشاى الساده لقيمه ؟
– لا وممكن تشربيه مع اى لقيمه عادى الشاى باللبن هو اللى لقيمه بس كمان او مره بتاعه الصبح ممكن تاخديها مع ربع رغيف مثلا مسموحه عادى لكن لو اتكررت هتكون لقيمتين
* لازم السودانى ميكنش مملح علشان اللى عندهم الضغط ميعملهمش مشاكل
* ممكن اجمع بين لقيمتين ؟
– ممكن اجمع بين لقيمتن وفال انه ممكن بحيث انها متزدش عن تلت الكف يعنى ممكن تاكلى لقمتين من الربع رغيف يعنى نصف الربع وشفطتين من العصير او لبن
* هل ادوية التخسيس مهمة في النظام ده ؟
– الدكتور قال انه مش بيكتب ادويه للتخسيس علشان الادويه دى بيتعود عليها الجسم وبيبقى ايحاء نفسى ومش هينزل فى الوزن الا بيها واول اما تبطليها هيرجع الجسم للوزن الاولانى لكن الرجيم بتاعنا طبيعى وانك تكترى من البنفسجيات
* اللى عندها الانميا ؟
– تكترى من لقيمات البتنجان والكبده والسبانخ وممكن تاكلى حتتين كبده مع نصف كوب عصير لمون لان المون فى فتامين c هو بيساعد الجسم فى امتصاص الحديد
* المحشى للوزن اللى فوق 90 ؟؟؟؟؟؟؟
– وفى سؤال بتاع الاوزان اللى فوق ال90 وبيسالوا على المحشى وهو انك هتاكلى 15 من ورق العنب و10 من الكرنب و5 من البتنجان ومعاهم نصف كوب خضار اما لو مافيش خضار يبقى هتحطى مكنهم 2 صباع زياده
* ممكن علشان تخسى بسرعه خلى الوحبه المفرحه يوم ورا يوم مش كل يوم
* بالنسبه الاوزان الكبيره انك بعد الوجبه المفرحه ممكن تاكلى نصف وجبه تانيه من نفس النوع بس بعدها بكام ساعه يعنى لو اكلتى بعد العصر تكلى التانيه باليل وده لللاوزان الكبيرة
* بالنسبه للمقليات فهى ممنوعه فى اول ثلاث شهور بس علشان هى بتقلل وجود الدهون البنيه فى الفتره دى لكن بعد الثلاث شهور ممكن تكليها عادى بس بكميات صغيره
* قالى بالنسبه للرز باللبن والكورن فليكس مش ممنوع لكن بمقدار نصف كوب مع اللبن
* وممكن اكل البطاطس بالعيش وبالرز بس بكميه نصف كوب بطاطس ونصف كوب رز وممكن ناكل فته كمان بمقدار نصف كوب لو رز وعيش او كوب لو زر ولحمه فقط
* هل ممكن اكل بليله وبعد ساعتين اخد الربع رغيف واى حاجه فيه ؟
– ينفع على اساس ان البليله هتكون زى لقيمه بس هتكون نصف كوب فقط
وبرضه شوربه العدس هتكون لقيمه بعد ساعتين
* اللى عايزه تاكل اكتر من الربع رغيف بما انها بتشتغل ؟
– ممكن بس مش كله مره واحده يعنى تاكل ربع وبعد ساعتين تاكل الربع التانى
يا جماعه الموضوع كله هى كميه هو المقصود انى اصغر معدتى مش اكتر
* ممكن اكل الترمس والحمص بدل السودانى ؟
– ما ينفعش لان الترمس حاجه والسودانى واللوز حاجه تانيه بس ممكن تكليه على اساس انه لقيمه بمقدار نصف كوب
* ممكن اكل التسالى ؟
– انه ممكن اكل كل حاجه مادمت محافظه على الكميه يعنى اكل لب وفشار و شبسى كله يبقى نصف كوب بس الشبسى هاتخدى نصف الكيس لو كبير اللى هو ابو جنيه ومتجبيش الصغير لانه عايز يعود العين والمخ على انى فى نصف الكيس التانى موجود وبعد ساعتين تاكلى النصف التالنى والبسكوتات برضه هتكليه بس برضه الكميه
* ينفع وحده عمله رجيم الكيمائى وخست 10 كيلو وعايزه تكمل برجيم اللقيمات ؟
– ينفع بس هتزيدشويه نتيجه لان الرجيم الكيمائى لو غيرتيه لازم تزيدى بس بعد كده هتنزلى تانى مع رجيم اللقيمات وساعتها مش هترجعى لان رجيم اللقيمات بيثبت الوزن اللى بينزله
*بالنسبة للجوع والبرد و كلنا اشتكينا منه ؟
– دى مساله نفسيه وممكن تعالجى ده بانك تاكلى كل ساعه ونصف بدل ساعتين
* واحدة بتاكل الكميه المحدده ومعدتها مليانه بس بتحس انها جعانه ؟
– فى الحاله ده بيبقى الفم عايز يتحرك وبس يعنى مش جوع وده ممكن تعلجيه بانك تحركيه انك تاكلى سودانى خمس حبات كل نصف ساعه او قطعة شوكولاته بس تكون مره وحده فى اليوم
* انك لازم لازم تاكلى قطعة حلوى يوميا لان رجيم اللقيمات يعتمد على الذكاء والمكافئه للمخ وبما ان الغذاء الوحيد للمخ هو الجلو كوز فلابد من الحلوى والا فلن تكون الوجبه مفرحه وهى عباره عن شوكلاته او بسبوسه او جاتوه بس بمقدار علبه الكبريت
فاذا لم تعطى الحلوى فسوف يتوقف الرجيم
* بالنسبه للرياضه فهى غير اساسيه وانما مفيده لانها تساعد على التحكم النفسى وكذلك شد البطن
* ليه منزلتش على الميزان وقالى انه مش شرط لانك نزلتى فى الحجم يعنى دهون والنزول الواضح فى الميزان فى باقى الرحيمات بيكون فى العضلات وده غلط
وقالى معدله هى ان كل كيلو بيحرق 30 سعر حرارى فى اليوم وكل وحده تشوف وزنها كام وتحسب يعنى انا وزنى 60 يبقى 60فى 30 يبقى1800 سعر حرارى فى اليوم وده هيفرق فى وزن كل وحده يعنى اللى وزنه اكتر هيحرق اكتر هو قال فى ناس يتنزل 3كيلو فى اسبوع وناس اقل وده حسب كل جسم وامكانياته وقال انه احنا فى الرجيم ده بنحسب بالشهر مش بالاسبوع علشان تكون الحسبه صح
* كان فى سؤال حد كتبه وهو انها نزلت فى الوزن وبعد كده لخبطت وهل ممكن تكمل فو الرجيم تانى وهل هيمشى تمام والدكتور قال انه ممكن تكمل عادى بس هيكون بطىء شويه عقبال لما المخ يتفهم اللى حصل
* وكان فى سؤال وهو انى بعد لما اوصل للوزن االى انا عايزه هل هنزل تانى ولا اثبت قالى انه هينزل اكتر بس ده بيعتمد على الذكاء انك ساعتها هتزودى الوجبه المفرحه شويه والذكاء هنا انك ازاى تعرفى تتعملى مع نظام الرجيم ده وان فى ناس كانت عنده وفرحت بكده وهو قالهم ان كده مش صح ولازم ترجعوا للوزن الطبيعى بتحكم
* الحاجات الدسمه اللى هى مثلا الكحك بتاع العيد وقالى اى حاجه تشكى انها دسمه ممكن تكليها بس على مرتين يعنى الكحكه تبقى تكلى نصفها والنصف التانى بعد ساعتين
يعنى مش هتحرمى نفسك من حاجه ابدا
* بتاع انك فعلا معدتك ملينه بس برضه حسه بالجوع قال ان ده حاله نفسيه مش اكتر وان الفم عايز يتحرك بس وده هتعلجيه انك ممكن تاكلى سودانى طبعا خمس حبات او نصف كوب لب او كبشه فشار وده على سبيل انها لقيمات او حتى كولى لبانه وده بقه ملهاش دعوه باللقيمات يعنى هتاكليها فى اى وقت ومش هتخن
* مش بتخس بقالها اسبوع ورد الدكتور كان ان نظام اللقيمات ده نظام حياه او اسلوب حياه دائم فلا يمكن حسابه بالاسبوع وسو ف نحس بالنتيجه بعد ثلاث شهور ووبينصح بالاهتمام بمقاس الملابس لانه ينقص من مقاس ملابسنا مرتين او ثلاث نمر فى 3 شهور لانه ينقص فى الدهون فقط وكل 7 كيلو ينزل من وزن الجسم يساوى 10 كيلو من الدهون وده طبعا لكل من يريد ان يحسب فى نزول جسمه
*واحدة بتقول" ان معدتى وجعتنى من الربع رغيف وانى انقص منه "
– هو ده الصح انك كل لما تحسى انك معدتك اتملت من الكميه المحدده انك تنقصيها وان فعلا نقصت وبقيت تاكل نصف الربع واكلت فى الوجبه ربع كوب رز وربع كوب خضار وقطعة لحمه صغيره
* واحدة مش بتستعمل السكر اصلا بس بتحب تحلى بالعسل وهل هما نفس العدد ؟؟؟؟
– ينفع نفس العدد خمس معالق عسل على كل المشروبالت اللى بتشربيها
* ممكن ازود البروتين مقابل انى الغى النشويات والخضار ؟
– وقال انه ممكن بس لازم حتى تخدى معلقتين من الرز مع الخضار لانهم مهمين مش نلغيهم خالص
* هل لو لخبطت فى الوجبه وزادت غصب عنى انى الغى لقيمتن مقابل كده ؟
– انه ممكن بس مش كل مره هعملها ده هتكون غلطه بس وانك هتلغى اللقيمتن المتتالين
* ممكن اكل سمكه على سبيل اللقيمه ؟
– انه ممكن بس تكون صغيره فى حدود اللقيمه وياريت تكون مشويه او مسلوقه
* لو اتعزمت بره على الاكل السريع مثلا (فراخ كنتاكى ) اكل منها اد ايه؟
– ممكن تاكلى منها ربع فرخه مع السلطه بس طبعا ده مش كل يوم
* بالنسبه لمرضى السكر فمن الضرورى ان يتابع مع الدكتور المختص حتى يخفض له جرعات الانسولين وأن نظام اللقيمات يتميز بأنه يخفض نسبه السكر فى الدم تدريجيا وسوف يشفى بأذن الله لانه نظام طبيعى واكل طبيعى
* ممكن لو عمله كيكه فى البيت انى اكل منها قد ايه قال ممكن تاكلى منها لقيمتين كل لقيمه قد ثلث الكف
* لو عايزه تاكلى بطاطا مشويه او مسلوقه ممكن تاكلى نصف وبعد ساعتين النصف التانى
* لو عندى حفله يومى يمشى ازاى قالى انك هاتكلى طول النهار لقيمات فكهه وخضار وربع رغيف مع اى عموس لحد باليل هاتخدى قطعه جاتوه قد الكف ولما ترواحى البيت هاتاخدى كوب سلطه اتلرى ان السلطه مهمه فى النظام ده
* انى بالنسبه للسؤال بتاع حبوب الاميجا 3 انها بنقص فى الوزن قال ان الموضوع ده غير صحيح بالمره لانه عمل تجارب على ناس متطوعين واخدوا 5 حبات من الاميجا 3 فى اليوم لمده اسبوع ولم يظهر عليهم اى تغير لكن هى مفيده للجسم وقولته ايه اللى ممكن اكله ويعوض الحبوب دى لو مش عايزه اخد كبسولات؟
– ممكن تاكلى علبه تونه على لقيمتين يعنى نصف العلبه وبعد ساعتين اخد النصف التانى
وبالنسبه لموضوع برشام منع الحمل انه بيثبت الوزن قال ايوه لكن النظام ده لازم ينزل الون اكيد لكن عايز صبر واراده
* اللى عندها تعب المفاصل ؟
– تكتر من المستطرده والقرفه فى اكلها سواء لقيمه او الوجبه والموضوع هياخد شويه وقت يعنى من شهر الى شهرين
* اللى بتعانى من الروماتزم وده مأثر على رجلها وهى بتاخد دواء الكرتيزون ومسبب لها زياده فى الوزن واضحه جدا ؟
– انها تكثر من اكل البرتقال والموز واليمون كالقيمات لانها هتساعدها فى نزول الماء والاملاح اللى مسببه زياده الوزن
* لو عملتى حمام بالفريك ؟
– يعتبر وجبه مفرحه كامله
يعنى تاكل الحمامه ومعاها كوب ونص سلطه وتكون دى وجبتها المفرحه
* النسكافيه باللبن ممكن ناخد كوب الصبح عادى لكن لو اتكرر تانى يعتبر لقيمه
* بالنسبة ل الرنجه الفسيخ والحوادء ؟
– ممكن تاكلى منها ربع رغيف مع حتتين اد صوباع اليد وبرضه ممكن تاكليها تانى بعد ثلاث ساعات
و المخللات ممكن تاكلى منها برضه حتتين اد صوباع اليد
* الهمبورجر اللى فى المحلات ؟
– ممكن تاكلى منها نصف الكايزر والنصف التانى بعد ثلاث ساعات
* ممكن تبدلى الشيكولاته اللى في الوجبة ؟
– ممكن التبديل عادى بنص ثمره او واحده أرصيا ولكن يفضل اكل الشكولاته لانها تيسر الحاله النفسيه
* الى محبى العصائر
– ينصح بتخصيص يومان للعصائر ويتم تناوله على 5 لقيمات على مدار اليوم بعيدا عن الوجبه اما باقى ايام الاسبوع فيتم تناول كوب الا ربع يوميا وذلك لمحبى العصائر وبخصوص عصير الكوكتيل يتم تناول كوب واحد ف اليوم
* بالنسبة لخل التفاح وخلطات اللى بتخسس البطن ؟
– اما المشروبات برضه مش هتعمل اى نتيجه لانها بتنزل الاملاح المعدنيه من الجسم وهترجع تانى يعنى مافيش نزول واضح خاليكم على الرجيم بس ومتستعجلوش
والدكتور محمد الهاشمى ان الحاجات دى ملهاش اى اساس من الصحه
وكان فى بحث من سنتين وجامعه فى امريكا فى شركه عالميه عن كريمات لتخسيس مناطق معينه و وجربوها على سيدات متطوعات وهيه دهن الفخد الايمن بالكريم والفخد التانى لم يدهن وبعد شهور لم يلاحظوا اى فرق على الفخدين وكانوا زى بعض وده معناه ان مافيش خلطات او دهنات
مافيش غير الرجيم الصحى والنتائج واضحه رؤيه العين
* بالنسبة للممبار ؟
– لو بحجم البتنجان يبقى 3 وممكن تكليه كالقيمه يبقى وحده
* بالنسبة للخس و الجرجير كلقيمة هيكون اد كبشة ايديك
* ممكن بدل السلطة في الوجبة
– تاكلى بدلها 1 طماطم و1 خيار وكبشة ايدك جرجير
* بديل اللوز و السودانى ؟
– انك ممكن تاكلى وحده جوافه صغيره بالبذر بتاعها بس تكون صغيره صغيره اللى هيه اد المونه ولو كبيره ممكن تقسميها على اربعه كل نصف ساعه قبل الوجبه لان البذر برضه بيحفذ نقطه الهاشمى لشبع المعده
* لمحبين الايس كريم ؟
– ممكن تخصصى يوم كامل للايس كريم وتاكلى منه معلقتين كل ساعتين علشان متحسيش بالحرمان خالص ده غير انك هتاكليه مع الوجبه برضه معلقتين كبار ولو ابو بسكوته اللى هو كيمو يبقى نصفه
* اللى عنده سمنه الوراثيه ؟
– والدكتور محمد الهاشمى قالى ان الثمنه الوراثيه دى عباره عن جينات فى الجسم بس بيأكد انك لو التزمتى ينظام اللقيمات مش هتزيدى تانى اهم حاجه انك تستمرى على النظام اللقيمات
* بالنسبة للارداف وانها بطيئه فى النزول ؟
– والدكتور محمد الهاشمى ان كل دهون الجسم هتنزل بالتدريج ما تقلقكوش وطول ما انتوا ماشين على الرجيم هتنزل كل الدهون
* بالنسبة المشروبات اللى هيه الكوفى مكس وال3 فى 1 ؟
– والدكتور محمد الهاشمى بينصح بعد تناولها لانها مليئه بالدهون اللى فى المكونات بتاعتها وممكن تاخدى ا لبديل اللى هو النسكافيه البلاك والبن وممكن تخلطى معاه لبن وممكن تعمليه كا بتشينوا فى البيت
* بالنسبة الحلبه بالحصى ؟
– يعتبر مشروب لكن لو اتكررت اكتر من مره فى اليوم هتبقى لقيمه
* بالنسبة للملوخيه لو في الوجبه و لو لقيمه ؟
– تاخدى نصف كوب ملوخيه كالقيمه وهتاخدى كوب ونصف مع نصف رغيف او نصف كوب رز كمان فى الوجبه تقريبا كده علشان مش بتاخد مكان فى المعده مش زى الخضار التانى ده راى الخاص
* بالنسبة للسلطه وهل ممكن تحطى فيها اى نوع زيت غير الزيتون او ممكن تاخدى منها نوع واحد خضار ؟
– ممكن جدا تحطى اى نوع زيت تانى عادى وكمان ممكن تاخدى نوع واحد من الخضار يعنى خسه او جرجير او طماطم او جزر او اى حاجه بنحطها فى السلطه لوحدها لان السلطه هنا مكان الميه مع الاكل
* هل لو بطلت اكل معين من اكلى هنزل اسرع ؟
– لا ابدا انتى هتاكلى اى اكل فى البيت العادى يعنى لانك لو منعنتى نوع اكل فى فتره وخسيتى ورجعتى بعد كده اكلتيه هتزيدى فلازم ناكل اكلنا العادى جدا ومانمعش اى نوع اكل حتى المسبك كوليه المهم الكميه
* ان لو اتاخرت شويه عن اخ لقيمه وبعدين اكلت هل المعده هتخزن ومش هتحرق
– والدكتور محمد الهاشمى قال ان ده كلام مش صحيح بالمره واى اكل بيدخل المعده هيحرقه الجسم بس المفروض ان الوقت مايزدش علشان بس ما تطريش توزدى الكميه لانك هتبقى جعانه
* هل السودانى اللى قبل الوجبه لقيمه
– لا مش لقيمه ده مهمته انه بيحفز نقطه الهاشمى لشبع المعده علشان متحسيش بالجوع
* هل كوب العدس بالشعريه مع ربع رغيف كتير فى الوجبه ؟
– قال لا مش كتير وكمان ممكن تاخدى جنبه حاجه تانيه يعنى مثلا ممكن نصف رغيف او حته لحمه او بيضه
* ان الدكتور الهاشمى كان قال قبل كده ان فى شهر الجسم بتيوقف فيه عن النزول لكن بيرجع ينزل تانى وكمان بسرعه
والدكتور محمد الهاشمى قال ان ده حاجه رجعه لطبيعة جسم عن التانى واراده ربنا
لكن الاكيد ان بعد الثلاث شهور الاولى مع الالتزام بيحصل طفره فى النزول وبيبقى مضاعف لكن ميقدرش يقول الجسم ده هينزل كام كيلو فى كام شهر لكن بيقولكم لا تقلقوا انكم هتنزلوا هتنزلوا بأذن الله لان اللقيمات دى مش مجرد كلمه ده علم كامل واحياء لسنه الحبيب سيدنا محمد صلى الله عليه وسلم والدكتور الهاشمى قال اننا بنحقق ثلاث اهداف من عمل النظام ده هيه
1_انك هتخسى
2_ان بأن الله لو فى اى امراض متعلقه بالسمنه اللى هيه السكر الضغط الكوليسترول او ما شبه انك هتشفى بأذن الله
3_احياء لسنه الرسول صلى الله عليه وسلم
وما ينطق عن الهوى الا هو وحى يوحى
* في السطور التالية يقدم لكِ د. الهاشمي نصائح جيدة للتخلص السريع من الوزن:
1- عليكِ كثرة تناول اللقيمات من الأنواع التي تحتوى على مادة ( الانثو سيانين )، لأنها من أقوى مضادات الأكسدة، مشيراً إلى أنه إذا كان تلوث البيئة عامل أساسي في ضمور الدهون البنية فإن تنشيطها سيكون باستخدام مضادات الأكسدة ولذلك ينصح مرضى السمنة بتناول لقيمات من ( الباذنجان – البنجر – اللفت – التوت – الفراولة – الكريز ) ، فهي ولا سر التناقص السريع للوزن.
2- استخدمي الدمبلز عدة مرات كل يوم لتحريك الأكتاف وأسفل العنق، وذلك لتنشيط الدهون البنية .
3- استخدمي الماء الفاتر بين الأكتاف عدة دقائق كل يوم في فصل الصيف، وذلك لأن الدهون البنية تنشط مع البرودة
* فى ناس بتحب تشرب شاى باللبن الصبح مع الفطار راح قال خلاص ممكن اول كوبايه الصبح مع اى لقيمه هتكون مسموحه لكن لو اتكررت هتكون كل وحده فيهم لقيمه يعنى لو اخدتيهم مع بعض يبقى لقيمتين
* هل يمكن جمع لقيمتين مع بعض ؟
– ممكن على اساس انك هتاخدى جزء من كل لقيمه يعنى مثلا لو عايزه تكررى الشاى بالبن تانى فى اليوم غير بتاعه الصبح هتكون نصف الربع رغيف مع كوب شاى بالبن بس هيكون اللبن ربع الكوبايه والباقى شى او قهوه او نسكافيه
* ينفع جدا نظام اللقيمات مع اى حد واى سن بس هيه هتكترمن البفسجيات علشان نسبه الحرق تترتفع فى الجسم
* بالنسبة لماده البرمالين والدكتور محمدالهاشمى قال ان مافيش ماده بعنها بتفتت دهون ولكن كل العناصر الموجوده فى كل اكلنا بتدخل الجسم وتؤثر على اعضاء الجسم كله وبتساعد بعض لتفتيت الدهون علشان كده الدكتور الهاشمى قالنا مانحرمش نفسنا من اى نوع من اللا كل
*بالنسبة لحقن المجهرى والدكتور محد الهاشمى قال انه فعلا بيزود الوزن ولكن بتكون ميه واملاح وبينصحها انها تستمر على نظام اللقيمات واول ماتخلص الكورس العلاج هتنزل نزول سريع نتيجه لاستمررها فى اتباع نظام اللقيمات
* هل عصير القصب يعتبر لقيمه ؟
– وهتاخدى منه نصف كوب بس مش بتاع اللى عند المعصره ولكن كوب البيت ةلو بتحبيه اوى ممكن تخليه لقيماتك طول النهار كوب كل ساعتين او ثلاثه ساعات
* بالنسبة المشروبات اللى هى الكركديه والتمر هندى والعرقسوس ؟
– مش لقيمه ولكن مشروبات عاديه وممكن كمان تاخدى منه كوبايه بعد الوجبه بدل الحلوى او نوع عصير بس هيكون نصف كوب
* بالنسبة السيلوليت ؟
– انتى هتكترى من لقيمات البنفسجيات وهيه هتزودلك الدهون البنيه اللى هتساعدك فى حرك اى دهون زياده فى الجسم
انا كتبت كل اللى يخطر على بالكوم من نظام اللقيمات انا عارفه انه الكلام كتير بس اتمنى بجد انى افيدكم
هنا فى مسابقه اسبوعية كل اسبوع لقب بيتغير عن اللقب الاسبوع اللى
قابلة
والفتوكه اللى بتحصل على اعلى درجات عن طريق التقييم للتقارير اليومية
والتقارير اللى مافيهاش غلطه
بتحصل على اللقب وبتحطه فى توقيعها مع وزنها وطولها وهدفها ولو حصل اى تغيير فى الوزن بتكتبه فى التوقيع بردك
واللى اخدت اقل درجات بتحط الصورة دى فى توقيعها لحد ما تتحفز انها تغيرها الاسبوع اللى بعده
ودى الصورة
بتمنى انه ولا واحده تحطها ان شاء الله
يالا بينا على الجد بقى ؟
مين معايا ؟
مين قد التحدى ؟
roka 2024 roka 2024 760627_3.gif فتكات رائعة Fatakat 760627 القاهرة – مصر