فتوكاتي الحلوين الي عاوزيين يخسوا زيي وبيدوروا علي الاكل الدايت الصحي
اخباركم ايه وحشتوني
بالتوفيق ان شاء الله لكل واحده عامله دايت او مش عامله
انا بقي الاول كده احكيلكم حكايتي
بعمل دايت من 6 شهور واكيد زي كتير مننا زهقت جدا من الاكل
جربت حاجات كتيييييييير ووصفات كتييييييير وطرق كتيييييييير في الاكلات الدايت
وكنت بزهق الدكتور بتاعي دايما من الاسئله الممله
المهم علشان منرغيش كتير بقيت الحمد لله دلوقتي بطبخ كل حاجه وباكل حاجات اكتر
بطرق الطبخ الصحيه وبقيت الحمد لله عندي معلومات كتير كويسه عن الاكل والدايت عموما
ندخل بقي علي وصفه النهارده حاجه الكل بيحبها ودايما بنعملها وهيييييا
الباميه الدايت الصحيه
المقادير :
متلا لو علي ربه كيلو باميه نحط
4 طماطم
2 فص ثوم
بصله وسط
مكعب مرقه
التوابل ( ملح-فلفل-كمون-كسبره-رشه بسييطه بهار لحم )
والي بيحب حاجه تانيه يحط براحته ودي المقادير ….. ونسيت اصور الباميه
الطريقه بقي :
حطيت كل المقادير في الكبه ومايه بسييييط خالص علشان تمشي بس
وضربتها تمام
لحد ما بقت كده المهم مش نزود المايه
وبعدين حطيتها في حله علي النار وعليها الباميه علي طووول من غير اي حاااجه
ونسيبها لحد ما تغلي وبعدها نوطي النار خالص ونسيبها لحد ما تستوي وتتسبك
مش بتاخد وقت خالص وكل ما تحتاج مايه نزود شويه صغننين مش كتير
وبعدين نطفي عليها وتتقدم بقي بألف هنا
والله جميله ولذيذه وخفيفه ودايت بقي
وهنا شكلها في الطبق
انا بحبها بعصره ليمون وشطه كتير
ممكن بقي تكلوها بعيش نص رغيف سن او ربع عادي او 4 معالق رز بزيت قليل
وبلهنا والشفا فتوكاتي
الي اللقاء مع الملوخيه الدايت ان شاء الله ووصفات تانيه كتييييييير وكله دايت
رحمتى رحمتى 247162_4.gif فتكات متميزة Fatakat 247162 المنصوره – مصر