بسم الله الرحمن الرحيم
ازيكم ياقمرات
يارب تكونوا بخير
الموضوع باختصار وبعدين نرغي
علشان الناس اللي بيقروا اول سطرين ويجروا
ايه رأيكم لو بعد شهر ده اللي حصلكم
شهيتك للأكل قلت للنص
وحاسه ان حركتك خفت
واللبس وسع عليكي حبه
وكمان اتعلمتي حاجه جديده ف حياتك
وغيرتي من نظام يومك للاحسن
كل ده في شهر واحد ؟؟
ها من يجي معانا بقا
ولا انتي راضيه بحالك كده
باب الاشتراك مفتوح من 15/1/2016 الاحد
لحد يوم 20 /1/2016 الجمعه
علشان ان شاء الله هنبتدي 21/1/2016 السبت
لحد 20/2/2016
شهرررررررررررر
هنعمل فيه ايه ؟
هنتعوووووووووووود
هنتعود ع ايه بقا ؟؟
ع التخفيف أو اللقيمات
الاتنين دول بس
يعني مش مسموح بالكيماوي او اي ريجمات قاسيه
يعني متجليش واحده عندها فرح او مناسبه بعد شهر وعاوزه تخس علشان المناسبه دي
نو واي
سوري
معندناش منه
انا عاوزه ناس رايقه دماغها عاليه
محتاجه الناس اللي عاوزه تغير نظام حياتها
ده الاساسي
ف حاجه كمان هنعملها الشهر ده
ملحوظه : علميا معروف ان الجسم محتاج 21يوم علشان يتعود ع اي نظام في حياته
وده اللي عاوزه نحققه مع التخفيف في الاكل
بس هنستغل الشهر ان احنا نتعود ع حاجه كمان 
كل واحده هتختارها لنفسها
يعني كمثال
الانتظام في الصلاة ……. العنايه بالبشره …….. رياضه يوميه ……. قراية قراءن …………… الى اخره
دي الحاجات اللي ممكن تبقا محتاجه تعود
بس في ناس برضه نظام حياتهم ميه ميه ومش عاوزين يغيروه
فدول هياخدوا الشهر ده في انهم يتعلموا حاجه جديده
يعني كورس لغه ……. فوتوشوب …….. تعليم اكلات جديده ……… دورات تنمية بشرية …. اي حاجه محتاجاها
ان بعد ما يخلص الشهر
مش كلنا هنكون خسينا
لان الاجسام بتختلف في الحرق والنول
يعني لما هتبصي للشهر اللي عدى هتقولي ايه ده
بقا انا بقالي شهر مشتركه في الجروب
وتخفيف ويوميات ووجع قلب
ومخستش الا دول بس ؟؟؟؟؟؟
لكن لو بصيتي للشهر بنظره تانيه
انك مبقتش شهيتك للاكل زي الاول
وبقيتي بتشبعي بسرعه
وحاسه ان حركتك خفت
واللبس وسع عليكي حبه
وكمان اتعلمتي حاجه جديده ف حياتك
وغيرتي من نظام يومك للاحسن
ها ده يستاهل انك تشتركي معانا ولا لا بقا
مين هتشترك معانا بقا ؟؟
بس الله يخليكم.
اللي تشترك تبقا عارفه انها ان شاء الله هتكمل معانا الشهر ده.
ووتكون بت جدعه وصاحبة صاحبتها.
وما تخلاش بينا في نص الطريق وتخلع.
بطاقة الاشتراك لمدة شهر ::
اسمك ::
سنك::
طولك::
الوزن::
الريجيم المتبع::
الحاجه الاضافيه لمدة شهر ::
ولو عندك اي اضافات قوليها.
بس الي تسجل تبقا واخده بالها من حاجه مهمه جدااااااااااااااا
انتي مش بتسجلي ف جروب للريجيم
انتي بتسجلي في عيله فيها اللي اصغر منك واللي اكبر منك واللي هتستفادي منها ف حاجه واللي هتفيديها في حاجه
وان شاء الله هنبقا احلى صحبه واحلى عيله
يا ترى بقا مين فيكم نفسها تبقا جزء من العيله والصحبه دي لمدة شهر
يارب اشوفكم كلكم حلوين وقمرات كده
ده لينك الجزء اللي شغال من الجروب حاليا
لحد يوم الجمعه ان شاء الله
بس الاشتراك في الموضوع هنا
والرغي واللي منه
في اللينك ده
https://fatakat.univanet.com/#2375961
يلا بقا متخلونيش احس ان تعبي في الموضوع راح ع الارض
ده انا عندي امتحانات
ولسه راجعه من الامتحان وعملت الموضوع علطول
ولسه فاضلي مادتين
فمتكسفونيش الله يخليكم يارب