زى ماقلت لكم انا بحب جدا اكل المطاعم وجوزى عنده مطعم فى انجلترا وكل شوية يغششنى وصفه
النهاردة وصفة سلطة كنتاكى (الفاصوليا)
المقادير (تكفى شخصين)
نص كيلو فاصوليا خضرا مقطعة نصفين
نص كوب فاصوليا بيضا مسلوقة (ممكن الاستغناء عنها)
فلفل الوان (اخضر-اصفر-احمر)
بصله ويفضل حمرا
كوب خل
3 ملاعق سكر
الطريقة
حاتقطعى الفاصوليا نصين وتسلقيها نص سلقه لازم يكون لونها لسه اخضر وبتقرمش
تقطعى الفلفل شرائح بنفس طول الفاصوليا والبصله بردو شرائح بنفس الطول
حاتقلبى كله مع بعض فى طبق غويط
تدوبى السكر فى كوباية الخل تماما حاتحسى انه بقى عامل زى الزيت
تضيفى الخل للسلطة وتزويدى ميه واتاكدى انه مغطى الخضروات بالكااااامل
تسيبيها فى التلاجة ليلة كاملة حتلاحظى ان لون الفاصوليا اتغير كانها اتسلقت تماما وبكده تكون جاهزه للتقديم ودى صورتها قبل الدخول للتلاجة وللاسف بردو طلعوها كلوها قبل ماصورها
مواضيع هذا القسم برعاية
Mrs.Diab Mrs.Diab 182741_1.gif فتكات ست الكل Fatakat 182741 مدينة نصر – مصر
سبحان الله و بحمده