اهلا يا فتوكات يا قمرات بصراحة دى اول مشاركه ليا فى المدونة قلت اجرب ومالو اقولكم ازاى تقدروا تحفظوا الخضروات فى الفريزر
طريقة حفظ الملوخيه الخضراء وتطبخيها بعد كده كانها لسه طازه
اقولك اول حاجه تقطفى الملوخيه طبعا وتغسليها كويس وتسبيها تنشف وبعد كده تخرطيها بطريقتك سواء فى الكبه او بالمخرطه وبعد كده تحطيها فى كيس نظيف ولو عندك شوربه ماشىماعندكيش يبقى ميه مغليهلما الميه او الشوبه تغلى نحطهم على الملوخيه حبه حبه لحد اما تبقى سائل سميك اوى ونسيبها لما تبرد ونشيلها فى الفريزر
طريقة حفظ ورق العنب
نجيب ورق العنب الطازه ونشيل منه العرق ونرصه فوق بعض ونحطه فى كيس ونشيله فى الفريزر ولما نيجى نستعمله نطلعه ونحطه فى ميه مغليه ونحشيه عادى وفى طرقتانيه كتير لورق العنب بس صدقونى دى اسهل واحسن طريقة انامجرباها
طريقة حفظ البامية
نجيب الباميه ونشيل القمع بتاعها ونضع على النار ميه بتغلى وفيها حبة ملح ورشة كربوناتو وعصير ليمونة ونحط البامية فيهم تاخد غلوه وبعد كدة نضعها فى مصفاة ونضع عليها ميه ساقعه مثلجه بسرعه علشان تفضل خضراءونضعها فى اكياس ونشيلها فى الفريزر
طريقة حفظ البازلاء والفاصوليا
نفصص البازلاء وتوضع فى اكياس وتوضع فى الفريزر زى ما هيه خضرا اما الفاصوليا فنغسلها ونقطعها ونضعها فى اكياس ونشيلها فى الفريزر
وممكن نشيل جميع انواع الخضره زى البقدونس والكزبرة والشبت علشان المحشى او اى استخدام اخر بنفس الطريقه نقطعهم ونغسلهم كويس ونصفيهم ونشيلهم فى اكياس ونستعملم فى اى حاجه زى الطازه بالضبط وكده طبعا نبقى بنوفر وقت وجهد عند الطبخ لما يكون الخضار جاهز مش حياخد وقت طويل
لو عجبتكم الفكرة حقولكم المرة الجاية على طريقة حفظ باقى الخضراوات زى الطماطم والقلقاس والبطاطس والبصل والثوم وكتير اوى من الخضار وبتوفرلى وقتى ومجهودى علشان انابحب انام اوى واقوم اعمل الطبيخ فى نص ساعه بس اوعوا تقولوا لحد
لو عايزنى اكمل ياريت تقولولى ولا اسكت احسن مواضيع هذا القسم برعاية
miro koki miro koki فتكات جديدة Fatakat 391409 الاسكندرية – مصر
سبحان الله و بحمده