السلام عليكم ورحمه الله وبركاته
انا اول مره اكتب موضوع هنا واتمنى انى اكون بكتبه ف المكان المناسب
انا حابه استشير الاخوات هنا انا من فتره حوالى سنه كدا لاحظت ان عندى ضعف ف السمع ف ودنى اليمين عن الشمال فمهتمتش قووى وقلت يمكن زياده صمغ ف الاذن او اى حاجه بسيطه ولكن من قريب رحت لدكتور انف واذن وقلتله وكشف علبا وطلب منى قياس سمع وقال لى ان الودن سليمه والاذن الوسطى كمان سليمه لكن طلب منى اشعه رنين مغنطيسى ع الراس لانهم شاكين ان فى حاجه ماثره ع عصب السمع وبالفعل عملتها والحمد لله اظهرت انى عندى ورم حميد وصغير ضاغط ع عصب السمع ونصحونى انى لازم اعمل جراحه واشيله وسالت الدكاتره لو سبته ممكن يعمل ايه قالوا انه ممكن يكبر ويفضل يضغط ع عصب السمع لغايه اما يضمر ويخلص السمع ف الودن اليمين وممكن ياثر برضه ع اعصاب تانيه او حجات تانيه ف المخ او لا قدر الله يتحول لحاجه خبيثه .. المهم انا من الزقازيق واتقال لى ان افضل مكان ممكن تتعمل فيه الجراحه دى ف معهد ناصر للاورام ف شبرا او المركز الطبى العالمى ف العاشر
انا طالبه منكم طلبين الاول تدعولى انا وكل مريض بالشفاء ربنا يعافينا جميعا والتانى لو اى حد عنده راى او تجربه او خبره ياريت يشاركنى بيها وخصوصا ان كتير قالى بلاش لعب مع الاورام وخصوصا انها ف الدماغ لانها ممكن تكتر او تنتشر او لا قدر الله تتحول لحاجه خبيثه ولو حد عنده معلومات عن معهد ناصر او تعامل معاه وشكرا لاهتمامكم مقدما ربنا يكفيكم كل شر
Tasneem 89 Tasneem 89 فتكات حبوبة Fatakat 591390 الزقازيق – مصر