السلام عليكن و رحمة الله و بركاته
وحشتوني جدا جدا جدا
بقي لي كتييييييييييير منزلتش موضوعات
و خاصة بعد ما بقيت شيف العمل الاداري بياخد وقت كتير اعذروني
المهم
ان اليوم ان شاء الله هقدم حاجة من افتكاساتي
بعون الله هنحول بيضة الفرخة الي بيضة ديناصور
هههههههههههههههه
مع صورة تجويعيه
المقادير
1- صدر فرخة متبل يتيم
2- بصلة متوسطة
3- فص توم
4- 2م ك بقدونس مفري
5- 6 بيضة مسلوقة5- صدرو تركي مدخن او لانشون
6- جبن شيدر شرائح
7- جبن موزاريلا
8- بهارتك يا شابة انا عن نفسي استخدمت ( بهارات بروستيد , بهارت كفتة , كسبرة , هيل , قرفة , فلفل اسود , كاري )
ده اللي كان متوفر عندي
9- دقيق تقريبا نصف كوب + بهاراتك
10- ربع م ص بيكنج بودر
11 – لبن رايب تقريبا ربع كوب
12- بقسماط + بردو بهاراتك
13- زيت عزير للقلي
الطريقة
اولا
نضع المقادير
1&2&3&4 في الكبة + التوابل و البهارات في الكبة و نخلطهم و يكونوا ناعمين جدا
ثانيا: نأتي بالبيض بيضة بيضة و نتبع الآتي
نلفها بشريحة تركي مدخن
ثم شيدر
ثم
نخلط الموزاريلا باللحم و نجعله الطبقة الخارجية
طبعا الموضوع ممكن يضايقك شوية
بللي ايدك بالمية و هتكون سهل ان شاء الله
ثالثا :
نضع كرة البيض هذة في خليط الدقيق اللي هو ايه بقي
صلي علي الحبيب قلبك يطيب
نص كوب دقيق و البيكنج بودر و الرايب و التوابل و ملح طبعا مع بعض نربهم زي الكيك و بيكون الخليط زي الكيك او سلطة الطحينة
ثم نضع الكرة في البقسماط المتبل ايضا
و نتركها ترتاح قليلا في التلاجة
و ان لم تتركيها مفيش مشكلة اهم حاجة و انتي بتديها طبقة البقسماط
ما تمسكيهاش بايدك
دحرجيها يا سكر عشان الطبقة مش تقع
تمام
جه وقت القلي
لازم زيت غزير
و سخنيه و بعدين خلي النار وسط
انا قليت بطاطس قبل
و اقليها و بعدين احرقي فحمة و تمتعي باحلي طعم طعم الجبن السايح و مع التركي المدخن مع الطعم السموكي الرائع
وااااااااااااااااااااااااو حاجة تتول
قدمي معاها سلطة طحينة او تومية او كتشب او مايونيز او سلطة زبادي
و بالف صحة و هنا
و اترككن مع الصور
شايفين كام جرام تحديدا
يا ميرو يا دقيق
لحد خطوات الكفتة دي ممكن هنا تكون كفتة فراخ و لا اروع من كده
و الطعم خيال
هنا اتبقي جزء من الكفتة عملته صباع و كان رائع
بفضل الله
و البقسماط خلص مني كملت بشوفان كان بردو لذيذ جدا
علي فكرة عجبت الاولاد جدا
و خاصة جني بنتي اصلها ما شاء الله تبارك
الله ذواقة
و في الختام اتمني انه الموضوع يعجبك
و متتعبيش نفسك مش مهم تقييم و لا حتي رد
ادعي لي بس بقلب صادق
ان ربنا يكتب لي زيارة بيته الحرام مرارا و تكرار مادمت حية
و ان يربي لي ابنائي و ان يبارك لي في زوجي و يجمعني معه بالفردوس الاعلي
و تأكدي انه ان شاء الله سيرد عليكي الملك و لكي بمثل
و السلام عليكن و رحمة الله و بركاته
احبكن في الله مواضيع هذا القسم برعاية
مراميرو المصرية مراميرو المصرية 2370_11.gif فتكات ست الكل Fatakat 2370 قلب حبيبي و روحي – منصورية و افتخر