الغى من قاموس حياتك الاستسلام والرضوخ للامر الواقع 2024.

الغى من قاموس حياتك الاستسلام والرضوخ للامر الواقع

ان الحمدلله ، نحمده ونستعينه ونستغفره ، ونعوذ بالله من شرور أنفسنا
وسيئـات أعمالنــا من يهده الله فلا مضل له ، ومن يضلل فلا هـادي له
وأشهد أن لا إله إلا الله وحده لا شريك له ، وأشهد أن محمداً عبده ورسوله

حياتنا لا تخلو من القصص التي تحكي عن واقائع نستلهم منها العبر و الدروس
هجكيلم قصه ورائها من العبر والعظه حقيقى يمكن اغلبنا هيخجل من حاله اتفضلوا اقرئوا معى
تقدم رجل لشركة مايكروسوفت للعمل
بوظيفة (فراش) ، وبعد إجراء المقابلة والإختبار
(تلميع المكتب وتنظيف الأرضية )
أخبره مدير التوظيف أنه قد تمت الموافقة عليه
وسيتم إرسال قائمة بالمهام وتاريخ المباشرة
فى العمل عبر البريد الإلكترونى
أجاب الرجل : لكننى لا أملك جهاز كمبيوتر
ولا بريد إلكترونى
رد علية المدير باستغراب : من لا يملك
بريد إلكترونى غير موجود أصلاً
ومن لا وجود له فلا يحق له العمل لدينا
خرج الرجل وهو فاقد الأمل فى الحصول
على وظيفة ،، وأخذ يفكر ماذا عساه أن
يفعل وهو لا يملك سوى 10 دولارات فقط
بعد تفكير عميق ذهب الرجل إلى محل
الخضروات وقام بشراء صندوق من الطماطم
ثم أخذ ينتقل فى الأحياء السكنية ويمر
على المنازل ويبيع حبات الطماطم
نجح فى مضاعفة رأس المال ، وكرر العملية
ثلاث مرات إلى أن عاد فى نفس اليوم ومعه
60 دولار ،، أدرك الرجل بأنه يمكنه العيش
بهذه الطريقة ، فأخذ يقوم بنفس العمل
يوميـًا ، يخرج فى الصباح الباكر ويرجع ليلاً
أرباح الرجل بدأت تتضاعف فقام بشراء عربة
ثم شاحنة ، حتى أصبح لديه أسطول من
العربات لتوصيل الطلبات للزبائن
بعد خمس سنوات أصبح الرجل من كبار
الموردين للأغذية فى الولايات المتحدة
ولضمان مستقبل أسرته قرر شراء بوليصة
تأمين ، فاتصل بأكبر شركات التأمين وبعد
مفاوضات استقر رأيه على بوليصة تناسبه
فطلب منه موظف التأمين أن يعطيه بريده الإلكترونى
أجاب الرجل : لكننى لا أملك بريد إلكترونى
رد علية الموظف باستغراب : لا تملك بريد إلكترونى وتملك هذة الإمبراطورية الضخمة
تخيل لو أن لديك بريد إلكترونى ! فأين ستكون اليوم ؟؟

أجاب الرجل : فراش فى مايكروسوفت

ما رايك بهذه القصة؟

ماهي العبرة التي نستخرجها من القصة اضافة الى الخلاصة التي ذكرتها في نهاية القصة ؟

ما تعليقك حول ما حدث للرجل ؟

كلمة حرة منك يا فتوكه ؟

زهر البنفسج الحزين زهر البنفسج الحزين 866592_12.gif فتكات رائعة Fatakat 866592 بلاد الله – بلاد الله

سبحان الله و بحمده

الاستسلام كلمة بمعنى كتير.. اتفضلي علشان تعرفيهم! 2024.



الاستـســــــلام

غريبة جداً كلمة الاستسلام دي، من أكتر الكلمات اللي ليها معاني مختلفة في الدنيا.. الاستسلام في الحرب خيانة، الاستسلام للحق فضيلة، الاستسلام للشيطان رذيلة، الاستسلام لله هو كل الموضوع

الكلمة أصلاً بصّوا صوتها عامل ازاي: إ س ت س ل اااا م. مزيكا.

الاستسلام أنواع كتير جداً، منه الوحش ومنه الكويس. الاستسلام للنّفس على رأس القائمة، نفسك عايزة حاجة أنت مش قابلها، تقاوح شوية وتقاوم شوية وبعدين "خلاص مش قادر" وتستسلم. وساعات هو نفسه الاستسلام للنفس ده بيبقى حاجة كويسة، لمّا نفْسَك فعلا تبقى محتاجة اللي هي عايزة تعمله ده فأصلاً ما بيبقاش في مصلحتك ولا في مصلحتها انّك تقاوم كتير. بتبان الحكاية دي في حاجات صغيرة أعتقد؛ زي إنك مثلاً تبقى مضغوط ومزنوق وراسك مليانة ويبقى عندك شغل الصبح بدري ونَفسَك تبقى عايزاك تتفرج على فيلم بتحبّه. عندك في الحالة دي واحد من تلات حلول، أولاً: تسمع صوت العقل وتدخل تنام، وده على قد ماهو كويس ليك بس مش كويس لنفسَك لو بتعمل كدة على طول. الحل التاني: إنك تقعد تتفرج على الفيلم بس ضميرك يفضل يأنبك، وده مش كويس ولا ليك (عشان حتبقى تعبان الصبح) ولا لنفسَك (علشان قعدت تسلُخها وتضايقها وطلّعت الساعتين بتوع الفيلم على جتتها). الحل التالت بقى هّوَ العبقري، وهو: إنك أولاً ما تعملش كدة كل يوم بقى عمّال على بطّال، بس لمّا نفسك تعوز الفيلم فعلاً، تبقى طظ في النوم، وطظ في التعب بتاع الصبح، وتقعد تتفرج بمزاج وروقان، وتدخل السرير وانت مبسوط و"مِسْتِكَنْيَص".

فيه نوع رائع بقى من أنواع الاستسلام بس عيبه انه ممكن يودّي في ستين داهية؛ الاستسلام للحب، تفضل تكابر كدة شوية وتعمل فيها بتاع لحد ما تستسلممممم. يا عيني على الاستسلام في الجميل للحب.. وهو ممكن يوديك في داهية صحيح فداه، مش مهم. المهم انك لو ما استسلمتلوش عمرك ما حتعرف طعمه إيه. استسلم استسلم، استسلمي، استسلموا جميعاً.

فيه كمان استسلام العقل لفكرة ما، تفضل رافضها رافضها رافضها ومش عاجباه وبيطلّع فيها القطط الفاطسة وبعدين يستسلم… ومن الجدير بالذكر إن النوع ده من الاستسلام لا يقدر عليه إلا أقوى الأقوياء وأحكَم الحكماء.

الاستسلام للقَدَر مش دايماً حاجة كويسة، لو استسلمت وانت فيه حاجة تقدر تغيّرها تبقى ضعيف أو خَنْوع أو جبان، لو استسلمت للقدر اللي فعلاً ما تقدرش تغيّره، تبقى بقيت فيلسوف

الاستسلام كلمة بمعنى كتير.. اتفضلي علشان تعرفيهم!
ايه رأيكن بقى في الإستسلاااام؟
في إنتظار مشاركتكن يا جميلات


أوراق التوت أوراق التوت 92855_104.gif فتكات غالية قوي Fatakat 92855 ♥ مدينة الألف مئذنة ♥ – مصــ زهرة الاوطان ـــر

سبحان الله و بحمده