تجربتي السلبية مع سنتر الفهد الازهر 2024.

يا بنات الموضوع للافادة و ممكن حد يكون شايف غير كده مش عاوزه اكون قطاعه ارزاق بس ده الحصل معايا بما يرضي الله

انا سمعت عن سنتر الفهد من فتوكه هنا و دبت المشوار لحد هناك بس مرتحتش خالص العاملين بالمكان غير مريحين بالمرة و كنا و احنا واقفين يتقلنا سعر و الناس الجانبنا يتقلهم سعر تاني كل لما حاجة تعجبني و اقولهم طيب عاوزه اتفرج عليه ميرضوش و يقولولي اصل ممنوع لو اتفتح هتخدي حسيت اني بدبس يعني هشتري طقم ب 2024 و لا 1500 و مش من حقي اشوفه ؟؟؟ طبعا قولت لماما لاء انا مش هشتري من هنا حاجة و مشينا دخلت كذا محل تاني في شارع الازهر و الناس كانت متعاونه جدا و بيفتحوا الحاجة و شوفت و اتفرجت و كمان الاسعار منهم اقل من سنتر الفهد 200 و 300 جنيه

هما شكلهم معتمدين ع شغل الجمله والله اعلم

loomty4ever loomty4ever فتكات نشيطة Fatakat 728078 القاهرة – مصر

سبحان الله و بحمده

مين يعرف الدكتور مصطفى حجاب استاذ النساء بجامعه الازهر 2024.

ممكن حد لو كان يعرف الدكتور مصطفى حجاب استاذ النساء بجامعه الازهر يفيدنى لانى هعمل عنده حقن مجهرى وميعادى معاه السبت الجاى وانا ما سمعتش عنه بالله عليكوا حد يفيدنى


شيرى راما شيرى راما 574830_1.gif فتكات حبوبة Fatakat 574830 دمنهور – مصر

سبحان الله و بحمده

تجربة 2 فى الوكاله والازهر الخاصه بقماش التنجيد و الستاير -للعروس 2024.

ازيكوا يا عرايس يا حلوين

قلت افيدكوا واقولكوا نتيجه الدوووووووووووووووووخه واللف الكتير على قماش الستاير والتنجيد فى الازهر والوكاله

قريت كتير فى المدونة عن الوكاله والازهر ان فيهم قماش كويس وزى ما انتوا عارفين نزلت تجربتى فى الملايات المودرن الماتشنج والحمد لله طلعوا جمال

قلت لازم انزل الاول لوحدى اخد جوله عن قماش الستاير والتنجيد رحت الاول الوكاله ويا سلام على الاسعار طبعا نصابين تمام

مش هطول عليكوا

الوكاله مقسمه لجزئين :
اول المحلات الى على الكورنيش الى بعد وزارة الخارجيه وماسبيرو من الناحيه دى فى 5 محلات كبار بالظبط دول فيهم ارقى واحلى الاقمشه
بس طبعا طالعين فى اسعارهم والنصب بزياده

الجزء التانى : المحلات الصغيرة الى جوة بعد لم تسيبى المحلات الكبيرة دى ادخلى يمين على اول الشارع ناس بتبيع سجاجيد وفوط ادخلى الشارع ده على الشمال فى محل فيه حاجات كويسه بدروين وقدامه محل صغير دول كويسين

هتكلمه هيبقى المستوى فى الاقل فالاقل دول تنجييييييييييييييييييييييييييد

هتدخلى لجوة هتلاقى قماش الستاير الصراحه الشيفونات احلى حاجه فى الستاير الى فى الوكاله

طبعا نيجى لنقطه الفصال وانا اخدت حد منجد معايا واتعملت منه كتير فى الفصال : نزلنا الاسعار من 180 ل 40 شفته النصب

ملاحظه هاااااااااااااااامه جداااااااااااااااااا:-( طريقه الفصال )
ولازم لازم لازم تاخدى فكرة الاول ومتساليش على السعر غير لو خلاص هتشترى من المحل وتدخلى بتقلك وتبقى رااااااااااااااااااااسيه يعنى خلى البياع يقول الى يقوله ومتبينيش اى رد فعل
.

وخلاص استقريتى متبينيش انك معجبه وهتموتى على القماش وخليه يقو كلمته وانتى قولى كلمتك يعنى سعرك او حاجه نزلى اكتر من النص

واثبتى ولو قالك مينفعش سيبيه وامشى هيناديكى ويبدا يعلى شويه شويه وانتى وشطارتك ..

حصل موقف قدامى اتضايقت منه جدا قماش انا جايباه شيفون ب 12 جنيه اتباع قدامى لوحده 34 جنيه ومكنتش عرافه اقولها ايه كانت قطعته ومرتضش اضايقها ..

ثالث محل فى الوكاله ده نصاب رسمى ومبيزنلش انا مش عارفه ينفع اكتب اسمه ولا لا ؟؟؟

كدا خلصنا من الوكاله ..

ثانيا : الازهر جبت منه قماش الستاير التقيل الصراحه مستوة القماش اقل بكتير من مستوى الوكاله

بس جبت من اول محل فى شارع حمزاوى ومحل تانى معروف وخلصت

اى حد عنده اى سؤال يتفضل يارب اكون افداتكوا

كان نفسى ارويكوا القماااش لكن راح يتفصل ادعووووووووووووولى


tamtamito tamtamito فتكات حبوبة Fatakat 1077547 مصر – مصر

سبحان الله و بحمده

العطارة الفريش من الازهر للمشويات فى عيد الاضحى و جربى وقوليلى المشاوى والصوانى 2024.

اول حاجة الستات بتهتم بيها فى البيت هى العطارة اللى دايما بتحتار فى مقاديرها ومعايرها وانا علشان مامتى من منطقة الغورية عرفت قيمة العطارة على الاكل ومن ساعة ما روحت بيتى وعرفت الفرق ما بين اللى بيلموا كناسة العطار وبيعملها بهارات من العطارة الفريش الحقيقية وانا من ساعتها بقول فييييييينك ياعسكرية ياللى باخر الغورية
علشان كده بنصح باستخدام البهار الطازج اللى بيتعمل عند العطارين هناك وعلشان ما تحتاريش فى المقادير والمعايير تروحى للعطار وتطلبى منه بهارات لكل حاجة هيدلك بهار بتاعنا حباته صحيحة بعد كدة هيطحنهالك وانتى واقفة وده بيكون حوالى تمن انواع من العطارة وهى(قرفة + قرنفل+جنزبيل+حبهان+ورق لورى+زر ورد+كبابة صينى+جوزة الطيب)
لوانتى عاوزاها للشوى زودى الكبابة الصينى
لوانتى عاوزاها للصوانى والتتبيل زودى الحبهان وقرفة قليل لو انتى عاوزاها حراقة شوية زودى جنزبيل+جوزة الطيب ولو انتى هتشوى فراخ زودى زعتر من عندك + روز ميرى وانا عن نفسى بشترى من محل عطارةاسمة عسكرية مشهور باخر الغورية بالبهار والعطارة الطازجة و العلاج والتداوى بالاعشاب ويارب تكونوا استفدوا لكل اللى بينزل منطقة الازهر واللى بعيدة عن المنطقة ما تقدرش تنزل هناك تجيب كمية يارب تقدر تلاقى عطار كويس عندها
ملحوظة تقدرى تستخدمى البهار ده فى كل حاجة الحواوشى والعصاج وكل شئ يعنى تقدرى تشترى نص كيلو ربع للمشوى والربع الثانى للصوانى وبالهنا والشفا
مواضيع هذا القسم برعاية

فينا30 فينا30 فتكات متميزة Fatakat 742400 القاهرة – مصر

سبحان الله و بحمده

الازهر ولا حمام التلات 2024.

السلام عليكم ممكن سؤال يا قمرات انا بجهز وعايزة اجيب حاجات كدة مودرن وشيك اوي انا عايزة اروح الازهر بيقولوا في مول هناك ممكن اجيب منه حاجات المطبخ والنيش وكدة بس ماما حمام التلات احسن وانا سمعت من البنات هنا ان البياعين هناك نصابين يا ريت اللي جربت تقول تجربتها وشكرا ليكم

ام امنية واكرم ان شاءالله ام امنية واكرم ان شاءالله 869657_1.gif فتكات نشيطة Fatakat 869657 الشرقية – مصر

سبحان الله و بحمده

فين مول الازهر ده يا بنات ؟ للعروسة 2024.

فين مول الازهر ده يا بنات ؟ وهل فعلا حاجاته حلوة ورخيصه زى ما بيقولو … واركبله ايه من العتبه ؟؟

رنا فواز رنا فواز فتكات متميزة Fatakat 1002265 القاهره – مصر

سبحان الله و بحمده