الازانيااااااااا بتاعتى اول مررررررررررره 2024.

السلام عليكم جميعا يافتوكات انا اول مره انزل حاجه فى الطبخ بس بما انى عملت وصفه مجربه للازانيا وكانت اول مره اعملها والحمد لله طلعت حلوه قولت اشاركوا بيها و طالما اتاكلت تبقى حلوه وصورتلكوا الخطوات اول خطوه دى فيه ناس بتعملها وفيه ناس لا واللى هى سلق اللازانيا او نحطها زى ماهى انا بصراحه حبيت اسلقها نص سلقه بحيث انها تطرى بس متكونش استوت خالص برضه عشان متتهريش لما نحط الحشو والبشاميل واضمن انها تستوى لما تدخل الفرن النوع اللى معايا خد منى حوالى 5 دقايق سلق وده شكلها قبل السلق

https://files2.fatakat.com/2015/9/13794204292433.jpg

ودى طريقه سلقها بنسلقها عادى زى المكرونه فى ميه مغليه فيها ملح ومعلقه زيت بس مش بنحط كميه كبيره فى السلق عشان تاخد راحتها ومتلزقش فى بعض ممكن تلاته تلاته لحد ماتخلصى الكميه كلها وبعد مابتخلصى سلق بتحطيها فى ميه ساقعه وبعد كده تحطيها فى طبق مدهون زين وتدهنيها هى كمان زيت عشان لما تحطيهم على بعض ميلزقوش وتعرفى تفصليهم ويارب يكون كلامى واضح فى الصور

https://files2.fatakat.com/2015/9/13794204912585.jpg

https://files2.fatakat.com/2015/9/13794205544674.jpg

https://files2.fatakat.com/2015/9/13794205731948.jpg

وبعد ما نخلص سلق هنكون محضرين الحشو وده اختيارى انا عصجت لحمه مفرومه وحطيت معاها معلقه صلصه وسبتهم شويه على النار وحطيت معاها مشروم ونكون محضرين البشاميل انا طريقتى فى البشاميل بحمر الدقيق فى الزيت عشان يبقى اخف وكميه الزيت بتبقى اد كميه الدقيق يعنى معلقه قصاد معلقه لحد مالونه يبقى ذهبى واسيبه يهدى شويه وبعد كده انزل عليه باللبن شويه شويه وفى نفس الوقت بضرب بمضرب سلك عشان البشاميل ميكلكعش واللبن بيبقى على حسب انتى عايزه البشاميل تقيل ولا خفيف انا بحبه وسط وبعد ماتحطى اللبن بتقلبى بالمضرب لحد مايتقل واول مايطلع فقاقيع يبقى تقلى عليه وتحطيله ملح وممكن رشه صغيره جوزه الطيب وممكن فلفل لو حابه وممكن لما يبرد شويه تنزلى بصفار بيضه عشان يدى لون بس انا المره دى مش عملاه بالبيض ده شكل الدقيق قبل مايتحمر

https://files2.fatakat.com/2015/9/13794206109902.jpg

وده بعد ماخد لون

https://files2.fatakat.com/2015/9/13794206489020.jpg

انا نيسيت اصور الخطوه بعد ماتعمل بس بعد ما يتعمل هتحطى طبقه بشاميل فى الصينيه بتاعتك الاحسن لو عندك عزومه تعمليها فى بايركس مربعه عشان تبان طبقات اللازانيا ويبقى شكلها حلو بس انا للاسف مكنش عندى وبعد ما تحطى طبقه بشاميل تحطى شرايح الازانيا زى كده

https://files2.fatakat.com/2015/9/13794206854197.jpg

وبعد كده تحطى اللحمه المفرومه

https://files2.fatakat.com/2015/9/13794207187524.jpg

وممكن تحطى جبنه اى نوع بتحبيه موتزريلا شيدر او رومى او التلاته انا مكنش عندى غير رومى وممكن تحطى زيتون وفلفل فى الحشو

https://files2.fatakat.com/2015/9/13794207581752.jpg

وممكن تحطى معلقه بشاميل هتكررى الخطوات دى لحد ماتحبى بس ماينفعش اقل من 3 طبقات

https://files2.fatakat.com/2015/9/13794207981969.jpg

وبعد كده هتغطى الوش بالبشاميل وممكن تدهنيه صفار بيضه عشان يعمل وش وترشى جبنه هتطلع شكلها احلى بس انا هنا سبته زى ماهو

https://files2.fatakat.com/2015/9/13794208351272.jpg

انا دخلت اللازانيا الفرن 5 دقابق لانى مكنتش عارفه هى محتاجه تعد فى الفرن شويه ولا لا وكنت خايفه الحشو والبشاميل ميكملش سواها وتطرى بعد السلق فقولت اضمن افتح الفرن 5 دقايق وبعد كده فتحت عليه الشوايه بس انا بالعاده لما بعمل مكرونه بالشاميل بفتح الشوايه على طول لان كل حاجه بتبقى مستويه يادوبك عايزه تاخد وش وده شكلها بعد ماطلعت من الفرن الشوايه عندى بتلسع شويه للاسف

https://files2.fatakat.com/2015/9/13794208784716.jpg

وهنا لما قطعتها الحمد لله اهم حاجه طلعت حلوه واتاكلت مترمتش

https://files2.fatakat.com/2015/9/13794209218780.jpg

يارب تكون عجبتكوا الطريقه وان شاء الله اللى يجربها تنجح معاه وتعجبه

https://files2.fatakat.com/2015/9/13794209669992.jpg

لو عجبتكوا متنسوش التقيييييييييييييييييم مواضيع هذا القسم برعاية

boba bonita boba bonita فتكات حبوبة Fatakat 870408 القاهرة – مصر

سبحان الله و بحمده