هام جدا لكل انثى على وجه الارض لو مبتعمليش الفحص الدوري للثدي تعالي اقولك لصحة المرأة 2024.

السلام عليكم ورحمة الله وبركاته
بكتب الموضوع وكلي امل في الله انكو تكونوا بخير واحسن صحة دايما يارب ومحدش منكم يزورها اي مرض ان شاء الله ويشفي كل مريض يا رب امين
الموضوع دا مهم جدا جدا فوق الوصف لكل واحدة متجوزة او لا لكل انثى كبيرة و صغيرة شيء لازم يبقى جزء من روتينا و نتعلمه كلنا ونداوم عليه عشان الصحة غالية قوي ودرهم وقاية خير من قنطار علاج وحتى لو مكنش الفحص الدوري دا وقاية الا انه اهم حاجة في الاكتشاف المبكر لاقدر الله لاورام الثدي عشان العلاج يبقى فعال بامر الله 100 %
مش هطول عليكو هدخل في الموضوع على طول
اولا: ايه الفحص الدوري ده؟
دا فحص الواحدة بتعملو لنفسها كل شهر بعد كل دورة يعني( اسفة اني هستخدم تعبيرات عامية كتير بس عشان الكل يفهم ويستفيد ان شاء الله)
عشان تتأكد باذن الله من خلو صدرها (الثدي) من اي تغيرات واللي ممكن تبقى حميدة في اغلب الحالات ان شاء الله ولو لا قدر الله كانت خبيثة(سرطانية) تقدر تتعامل معاها بسرعة وفعالية

ثانيا: امتى اعمله
السن يفضل كل بنت من وقت ما يبدا صدرها يكبر تتعود تعمل الفحص ده عشان يبقى حاجة اساسية في حياتها وتتعود عليه
بس هو يفضل يتاخد بجدية من بعد 20 سنة لا ن نسبة الحالات اللي قبل السن ده ضئيلة جدا والحمد لله ويبقى واجب ولازم جدا من سن 35
توقيته ايه في الشهر: بعد الدورة الشهرية على طول خليه روتين ليكي وانتي بتغتسلي من الدورة علشان الصدر ساعتها بيبقى طري جدا و بسهولة تقدري تلاحظي اي تغير حصل فيه وبيبقى الاحتقان اقل في الوقت ده

ثالثا: ازاي اعمل الفحص ده؟
ده فحص سهل وبسيط جدا بيتكون من كذا خطوة سهلين و بينقسم لقسمين اساسين
الاول: فحص الثدي (الصدر)
ودا على مراحل اول حاجة بالعين
تقفي قدام المراية و يبقى الجزء من اول الرقبة لحد السرة واضح جدا قدامك عشان تقدري تحددي الاختلاف
تقارني الصدر اليمين والشمال ببعض من حيث الحجم الشكل المستوى من البطن
تغير لون الحلمة او شكلها او اي افرازات منها في الهدوم او باينة قدام عينك
وبعد ماتقارني كويس هتبدئي تحطي ايدك في وسطك وتضغطي جامد وتلاحظي اي اختلاف في شكل اي حاجة من الصدر
و بعد كده ترفعي ايدك لفوق وتبصي برضو
وبعدين لقدام
وكدة خلصنا العين ويارب يكون كله تمام

تاني حاجة باليد:
وليه طريقتين على حسب حجم صدرك وكثافته
بس اهم حاجة هتستخدمي ايدك ازاي
متستخدميش اطراف الصوابع كده هتتخضي من اولها لان اغلبنا عندنا كلاكيع صغيرة محسوسة ودا طبيعي
استخدمي كف ايدك (راحة الايد)
الفكرة كلها انك بتفحصي صدرك وبتضغطيه ضد حاجة صلبة عشان تحسي بكل الانسجة تحت ايدك
يعني ايه الكلام ده؟
يعني في الطريقة الاولى تكون الحاجة الصلبة دي ايدك التانية هتمسكي صدرك مابين بطن ايديكي الاتنين و هتعدي على الصدر كله تدوري على اي تغير او حاجة صلبة لا قدر الله
ودي لو كان صدرك ما شاء الله كبير قوي و متدلي

التانية انك تفحصي صدرك بضغطه ناحية القفص الصدري (ضلوعك) بايد واحدة وتعدي بحركة دائرية على الصدر كله

بس احنا لسه مخلصناش الصدر
هتبدأي تعصري الصدر من كل اتجاهاته وتلاحظي خروج اي افراز او دم لا قدر الله
وتعصري الحلمة بس مش قوي عشان متتسببيش انتي في ضرر للصدر وتتخضي على الفاضي

الخطوة والجزء التاني والمهم
فحص تحت الباط(الابط)
ودا بيكون انك بتعدي صوابعك جوة الابط و تفركيه في جميع الاتجاهات
بندور على ايه؟
لا قدر الله على اي كلاكيع صلبة وغير مؤلمة

وطبعا دة بيكون على النحيتين
كده احنا ان شاء الله خلصنا
ويارب برضو كله يكون طبيعي

لو لاقيتي حاجة تعملي ايه
اولا متتخضيش
تانيا ركزي الفحص في المنطقة دي عشان توصلي لاكبر قدر من المعلومات
تقلقي امتى؟ لو لاقدر الله لاقيتي شيء صلب زي ازلط تحت ايدك وغير مؤلم او معاه افرازات دم او لا قيتي الحلمة دخلت لجوة و مشدودة و تكون دي مش طبيعتك من الاول او لاقيتي كلاكيع محجرة و غير مؤلمة تحت الباط

تعملي ايه ساعتها؟
من غير خوف ولا ذعر الجاي لاقرب طبيب عشان يعملك الفحوصات الازمة اللي هي
1)يعيد الفحص بنفسه
2) تعملي اشعة على الصدر معاها سونار (ماموجرام)
3)يسحب عينة بالابرة عشان تتحلل

نصيحة ذهبية: ارجوكو محدش يخاف ابدا ويخبي او يكبر دماغه ويقول بسيطة الموضوع دا اهم حاجة فيه سرعة اتخاذ اللازم ودا نتيجته مضمونة بفضل الله
اعملي لنفسك جدول فحص ووصي امك و بناتك وجيرانك واصحابك عشان نقضي على المرض دا وربنا القادر على كل شيء
خلي احب الناس ليكي يفكرك بالفحص دا عشان يكون اهميته من اهمية الناس اللي انتي لازم تبقي كويسه عشانهم واولهم نفسك

ويارب محدش يلاقي اي حاجة غير طبيعية وحتى لو لاقيتي متقلقيش خالص الكشف المبكر غير طريق المرض ده وخلاه باذن الله من اسهل الحاجات اللي بتتعالج جراحيا وفي المراحل المبكرة مبيحتاجش حتى علاج كيماوي

لو في اي تقصير اعذروني ولو اي استفسار يسعدني اني اساعدك

رجاء لكل من تقرا الموضوع الدعاء لوالدتي بتمام الشفاء العافية و البركة في العمر والصحة

ولو اعجبك فلا تنسيني من الدعاء و التقيم لتعم الفائدة باذن الله
اللهم اجعل هذا العمل خالصا لوجهك الكريم

د.منمون د.منمون 186496_3.gif فتكات هايلة Fatakat 186496 الاسكندرية – مصر

سبحان الله و بحمده

انا اسعد انسانه ع وجه الارض 2024.

الكل يقولي مبرررررررررررررررررررررررررررررررررررررررررررررررر ررررررروك

انا حااااااااااااااااااااااااااااااااااااااااااااااااا ااااامل انا فرحانه اوى اوى اوى وحاسه ان هيحصلي حاجه من كتر الفرحه

يلا بقي الكل يدعيلى حملى يثبت ويكملي ع خير ياااااااااااااارب

وياااااااااااااااارب يدى كل اللى محتااااااااااااااااااااااااااااااج

حبيبت قلبو حبيبت قلبو 471021_1.gif فتكات نشيطة Fatakat 471021 الشرقيه – kkk

سبحان الله و بحمده

حد يطمني انا نفسيتي في الارض 2024.

ازيكم يا فتوكات انا عارفة ان انتو بتساعدو كل واحدة محتاجة لخبرتكم بس انا بجد محتاجة لمساعدة وحد يفهمني
انا حامل في التالت وفاصلي 10 ايام ويخلص بس عملت سونار امبارح الدكتور قالي عندك تجمع دموي بس بعيد عن البيبي وعن المشيمة والمفروض ان هو يصرف علشان لا قدر الله ميعملش تشوهات للجنين هو من ساعة ما قالي كدة وانا نفسيتي تعبانة جدا لو في حد حصلة كدة او يعرف اي حاجة عن الموضوع يا ريت يساعدني

nano.didi nano.didi فتكات نشيطة Fatakat 632047 cairo – egypt

سبحان الله و بحمده

ارجوكم مين نجح معاها طفل انبوب بالتكرار معنوياتي بالارض 2024.

السلام عليكم ورحمة الله وبركاته
ارجوكم يافتوكات لي عملت طفل انبوب من كذا مرة ونجحت تقولي عشان انا نفسيتي بالارض
اليوم رحت لعند الكتور ويبدو انو يئس من العلاج الطبيعي ومش عارف ايه سبب عدم الحمل
الاباضة الحمد لله ممتازة عندي وسماكة بطانة الرحم كمان وتحليل جوزي مية على مية
بس هوكأنو بيتحزر على انابيبي هو بيقولي انسداد جزئي ولازم يحصل حمل
المهم اليوم قلي نعمل حقن ناخد من جوزك ونحقن النطاف الممتازة عندك طبعا في عمق المهبل يعني مش حقن مجهري من غير ما يسحبلي البيوض
وقلي اهو نجرب يعني محاولة ما نخسرش حاجة
وانا يا بنات عملت طفل انبوب مرتين وفشلت وخايفة اعيدها مرة تالتة من الفشل
مين عملتها ونجحت الاعادة بيبي بالتيتينةبيبي بيرضع
ولي زاد الطين بلة اني جوزي تخانقت انا وهو عشان الموضوع ده بيقولي حاسس نفسي بجري ورا سراب
وانا لما بشوف يئسو بيئس اكتلر منا يئسانة مع انو قليل بيتكلم
هو صحيح نسبة النجاح عندكو بمصر قد ايه والتكاليف لو سمحتو
ارجوكم ارجوكم ارجوكم ضروري ردو عليه
وربنا يحقق لها لي في بالها لي ترد عليا

imarat imarat 790952_1.gif فتكات متميزة Fatakat 790952 دمشق – سوريا

سبحان الله و بحمده

انا مخنوقة جدااااا و نفسيتي فالارض ياريت ردوا عليا 2024.

دلوقتي يا جماعة انا والدة قيصري و طبعا عاملالي بطن غير اني اصلا عندي بطن بس خفيفة ف ده على ده بقت حاجة عجب ، و الدكتور كتبلي تمارين لبعد الولادة اعملها و انا طبعا مش لاقية وقت ده انا بطبخ بالعافية البيبي عيزاني على طووول شيلاها و مش بتنيمني …… أعمل اييييييه

قولت طب اعمل دايت بس برده مش عارفة عشان مواعيد الاكل فالدايت من 8 الصبح ل 8 بليل و انا اصلا بنام و بصحى حسب مزاجها ده غيير ان جوزي بييجي متاخر من شغله ف مش بتعشى قبل 2 او 3 بليل

يااريت حد يساعدني باي نصيحة او معلومة و ربنا يجازيكوا خيير لاني نفسيتي تعبااانة جداااا ، نزلت اشتري هدوم شكل الهدوم وحش اووووي علياااااااااااااا

momofoods momofoods فتكات متميزة Fatakat 494833 بورسعيد – ام الدنيا

سبحان الله و بحمده

انا اتكسفت اوى قدام جوزى انا بجد وشى فى الارض اعمل ايه سااااااااعدونى 2024.

ازيكواا يا جمل فتاتيك وحشتونى كتير بصواا انا جوزى بيحب المكرونه بالبشاميل قولت اعملها واول مره اعملها المهم قريت على فتكات الصبح طريقه اعملها بيها وحطيبت على وش الصنيه جبنه موتزريلا وبعدين الصنيه بصراحه بقت شكلها حلو وحمرا كدا المهم جيت احط الاكل لجوزى : وبقطعها لقيت البشاميل كله سايح جواها ومردتش تتقطع قطع وباظت انا من ساعتها وانا زعلانه اوى بالله عليكواا ساعدونى انا فى غربه ومليش غير ربنا وجوزى وانتوا باله عليكواا سااااااااااعدونى مواضيع هذا القسم برعاية

دوراا السكره دوراا السكره فتكات هايلة Fatakat 617120 كوم حبيبى – مصر

سبحان الله و بحمده