السلام عليكم اخواتى الفتوكات
احب اقدم لكم اكتر طبق حيحبوه ولادكم بالذات اللى بيحبوا الجانك فود (الأكل الجاهز بتاع بره)
طعمه لذييييييييذ جدا
المكونات:
نص كيلو فراخ بانيه مقطعة مكعبات
نشا
فلفل الوان مقطع شرائح
بصل مقطع شرائح
2 فص ثوم شرائح
4 معالق كبيرة صوص صويا
2 معلقة كبيرة كاتشاب
كوب ماء
الطريقة:
نتبل الفراخ بالنشا و نشيلها فى التلاجة ساعتين
نطلع الفراخ و نقليها فى زيت غزير لحد ما تكتسب اللون الذهبى
نشوح البصل و الفلفل ثم نضيف الثوم ثم نضيف الفراخ المقلية
نزود كوب الماء و الصويا صوص و الكاتشاب و نراعى ان المية تكون مغطية مكعبات الدجاج فى الطاسة
نتركهم لمدة ربع ساعة لحد ما نتأكد من نضج الفراخ
انا قدمتها مع رز بالكركم و البسلة
و بالهنى و الشفى
مواضيع هذا القسم برعاية
جودى ام جنى جودى ام جنى 638474_1.gif فتكات هايلة Fatakat 638474 القاهرة – مصر