وحشتوووووووووووووووووووووووووووووووووونى جدا يا فتوكات
طبعا بقى لى كتيييييييييييييييييير مش بكتب اى موضوع
معلش كانت ظروف
المهم النهارده قلت اقولكم على طريقة جميلة لعمل صدور الفراخ فى الفرن
ودى طريقة اجنبية وعجبتنى اوى
اتمنى انها تعجبكم
قبل اى حاجة دى صورة طبق صدور الفراخ بالجبنة
ودى صورته مع الأرز
ايه رايكم……….؟
وكمان الطريقة سهلة جدااااااااااااااااااااااااا
ها نبدا بسم الله
المكونات
الأول: نصف كيلو صدور فراخ مغسولة كويس
وتبلتها بثوم وخل وزعتر وملح وفلفل
وسبتها فى الثلاجة من بالليل لتانى يوم
ثانى حاجة عصير 4 طماطميات
وملح وفلفل خفيييف وريحان مجفف او طازج
ثالث حاجة جبنة موزريلا مع بارميزان او جوده او رومى بس مش كتير
عشان الجبنة الرومى مش تحدق منا الصينية زيادة
رابع حاجة عيش فينو متحمص
ودى طريقته فى اللينك ده
هاتى العيش الفينو البايت وحمريه فى الفرن وحطيه على الشوربة يا سلام سلم… من ام كروان
https://fatakat.univanet.com/#2154637
وآخر حاجة زبدة لدهن الصينية
الطريقة
1- دهنت الصينية بالزبدة ورصيت صدور الفراخ المتبلة
2- صبيت عصير الطماطم على صدور الفراخ ورشيت ريحان مجفف
3- رشيت الجبنة الموزريلا مع النوع اللى متوفر رومى او بارميزان او جوده
لغاية الخطوة دى ممكن نكتفى بكده وبلاش العيش المحمص وها تبقى روعة
بس انا قلت اوريكم الطريقة كلها بالتفصيل زى ما عملتها
4- رصيت العيش المحمص فوق الجبنة وبعدين رشيت جبنة تانى
5- دخلتها الفرن على درجة حرارة متوسطة لغاية ما الفراخ تستوى
ممكن تاخد لها نصف ساعة او اقل وبفتح الشواية فى الآخر
ودى شكل الصينية لما طلعتها من الفرن
وبنحط صدر فرخة فى طبق
ممكن يتقدم بس مع شوربة فراخ بالكريمة والعيش المحمص
زى كده
او مع ارز او مكرونة
انا قدمته مع ارز وشوربة
ودى كمان صورة
يا رب تكون الوصفة الجديدة عجبتكم
وماتنسونيش من دعواتكم
واشوفكم على خير إن شاء الله فى موضوع جديد مواضيع هذا القسم برعاية
ام كروان ام كروان 124965_2.gif فتكات ست الكل Fatakat 124965 المطبخ – المنزل